Nizamabad: నిజామాబాద్‌లో మూడేళ్ల చిన్నారి కిడ్నాప్ కలకలం

నిజామాబాద్ నగరంలో మూడేళ్ల చిన్నారి కిడ్నాప్ కలకలం సృష్టిస్తోంది. నగరంలోని బస్టాండ్ సమీపంలో ఉన్న సౌత్ ఇండియా షాపింగ్ మాల్ కు మెటపల్లికి చెందిన నూరిన్ సుల్తానా సల్మాన్ కుటుంబం తమ కుమార్తెతో కలిసి వచ్చారు. షాపింగ్ పూర్తి చేసుకుని బిల్ కట్టి  చూసే సరికి వారి కుమార్తె కనిపించలేదు. చిన్నారి జాడ దొరకకపోవడంతో తల్లితండ్రులు టెన్షన్ పడుతున్నారు. వెంటనే పోలీసులకు ఫిర్యాదు చేస్తూ పాపని బురఖా ధరించిన మహిళలు అపహరించి ఆటోలో ఎత్తుకెళ్లారని చెప్పారు. సీసీటీవీ దృశ్యాల ఆధారంగా 20 పోలీస్ బృందాలు గాలింపు చేపట్టాయి.