Adilabad | Ichchoda లో పాఠశాల ఆవరణలోనే విద్యార్థినుల సాగు | DNN | ABP Desam

ఈ స్కూల్ చూడండి... ఇక్కడి విద్యార్థులు విద్యాభ్యాసమే కాదు వ్యవసాయమూ చేస్తారు. అదే ఇక్కడి ప్రత్యేకత. 
ఆదిలాబాద్ జిల్లాలోని ఇచ్చోడ బాలికల ఆశ్రమ పాఠశాల ఇది. సుమారు 270 మంది ఇక్కడ చదువుకుంటున్నారు. 
పాఠశాల ఆవరణలో ఉన్న అర ఎకరం స్థలంలో గురువుల సహకారంతో వీరే స్వాయంగా వ్యవసాయం చేస్తున్నారు. సేంద్రీయ పద్ధతిలోనే సాగు కొనసాగిస్తున్నారు. పలు రకాల కూరగాయలు, జామ, మామిడి, పూల మొక్కలనూ పెంచుతున్నారు. మూడేళ్ల క్రితం 40 జామ  చెట్లు నాటితే ఇప్పుడు అవి కాయలు కాస్తున్నాయి కూడా. చదువుకుంటూనే ఖాళీ సమయంలో పంటలు పండిస్తున్నామని, ఆ కూరగాయలను కూక్ కు ఇస్తే వండి ఇస్తున్నారని విద్యార్థినులు చెబుతున్నారు.