Virat Kohli Test Retirement & Ajit Agarkar | కోహ్లీ రిటైర్మెంట్‌పై వసీం జాఫర్ సంచలన వ్యాఖ్యలు
భారత క్రికెట్ దిగ్గజం విరాట్ కోహ్లీ టెస్ట్ ఫార్మాట్‌కు ఆకస్మికంగా వీడ్కోలు పలకడంపై మాజీ ఓపెనర్ వసీం జాఫర్ సంచలన వ్యాఖ్యలు చేశారు. చీఫ్ సెలెక్టర్ అజిత్ అగార్కర్ నేతృత్వంలోని సెలెక్షన్ కమిటీ బిహేవియర్ పట్ల కోహ్లీకి చాలా బ్యాడ్ సిట్యుయేషన్స్ ఉన్నాయి అని అందుకే గేమ్ కు దూరమయ్యాడని జాఫర్ అభిప్రాయపడ్డారు.
"సెలెక్టర్లు నడుచుకున్న తీరుతో కోహ్లీ ఫీల్ అయ్యాడు. కోహ్లీ గ్రౌండ్ లో ఉంటె స్టేడియాలకు అభిమానులు పోటెత్తుతారు. ఇంగ్లాండ్ పర్యటన కోసం అతను తీవ్రంగా ప్రాక్టీస్ చేసుకున్నాడు. కానీ సెలెక్టర్ల ప్రవర్తన వల్లే అతడు ఈ కఠిన నిర్ణయం తీసుకున్నట్లు అనిపిస్తోంది. విరాట్ నోరు విప్పితే తప్ప పూర్తి నిజాలు బయటకురావు" అని పేర్కొన్నారు.
2025 ఆరంభంలో ఆస్ట్రేలియా సిరీస్‌లో కోహ్లీ ఫామ్ లేక ఇబ్బంది పడినప్పటికీ, ఇంగ్లాండ్ పర్యటనలో అతడి అనుభవం భారత జట్టుకు ఎంతో అవసరమని అందరూ భావించారు. కానీ ఊహించని విధంగా కోహ్లీ ఫార్మాట్‌కు గుడ్‌బై చెప్పడం, దీని వెనుక సెలెక్టర్ల వైఖరి ఉందన్న వార్తలు ప్రస్తుతం క్రికెట్ వర్గాల్లో తీవ్ర కలకలం రేపుతున్నాయి.