Ruturaj Angry with CSK Fielding vs KKR | ఫీల్డింగ్పై CSK కెప్టెన్ సీరియస్ వార్నింగ్
చెన్నై సూపర్ కింగ్స్ వరుసగా రెండో విజయాన్ని నమోదు చేసింది. కోల్కతాపై 32 పరుగుల తేడాతో గెలిచింది. అయితే, ఈ విజయం తర్వాత కెప్టెన్ రుతురాజ్ గైక్వాడ్ సంతోషం కంటే ఆందోళననే ఎక్కువగా వ్యక్తం చేశాడు. గెలిచాం కదా అని సంబరపడిపోకుండా, బలహీనతల గురించి మాట్లాడాడు.
ముందుగా బౌలింగ్ గురించి మాట్లాడుతూ.. బౌలర్లు అద్భుతంగా రాణించారని రుతురాజ్ కొనియాడాడు. వికెట్ మారుతున్న క్రమంలో 190 పరుగుల లక్ష్యాన్ని కాపాడుకోవడంలో బౌలర్లు తమ పాత్రను 100% పోషించారని మెచ్చుకున్నాడు. కానీ, ఫీల్డింగ్ విషయంలో మాత్రం రుతురాజ్ చాలా సీరియస్గా స్పందించాడు. "మేం చేతుల్లోకి వచ్చిన ప్రతి క్యాచ్ను వదిలేశాం. ఒకటి రెండు తప్ప ఏదీ పట్టుకోలేదు" అంటూ అసహనం వ్యక్తం చేశాడు.
చేతులకు చెమట పట్టడం అనేది కేవలం సాకు మాత్రమేనని, ఇలాంటి ఫీల్డింగ్తో పెద్ద టోర్నీల్లో గెలవడం కష్టమని చెప్పుకొచ్చాడు. విజయం సాధించినా, ఈ లోపాలను సరిదిద్దుకోవాల్సిన అవసరం ఉందని జట్టుకు గట్టి సంకేతాలు పంపాడు. తన ఫామ్ గురించి స్పందిస్తూ.. "ఒక భారీ ఇన్నింగ్స్ బాకీ ఉంది" అని రుతురాజ్ ధీమా వ్యక్తం చేశాడు. మానసికగా తాను సిద్ధంగా ఉన్నానని, త్వరలోనే తన బ్యాట్ నుంచి పెద్ద స్కోరు వస్తుందని అభిమానులకు భరోసా ఇచ్చాడు.