Jemimah Rodrigues about Final Match RCB vs DC | కన్నీళ్లు పెట్టుకున్న కెప్టెన్ జెమీమా

వుమెన్స్ ప్రీమియర్ లీగ్ ( Women's Premier League ) 2026 సీజన్ లో రాయల్ ఛాలెంజర్స్ బెంగళూరు ( Royal Challengers Bangalore ) గెలిచింది. ఢిల్లీ క్యాపిటల్స్‌ భారీ స్కోర్ ను చేసినా .. చాలా ఈజీగా ఆర్సీబీ దాని చేజ్ చేసింది. అయితే, వరుసగా నాలుగోసారి ఫైనల్‌కు చేరినా, కప్పు గెలవలేకపోయిన ఢిల్లీ క్యాపిటల్స్ ( Delhi Capitals ) ప్లేయర్స్ మైదానంలోనే కన్నీటి పర్యంతమయ్యారు.

ఓటమి అనంతరం ఢిల్లీ కెప్టెన్ జెమీమా రోడ్రిగ్స్ ( Jemimah Rodrigues ) భావోద్వేగాలను ఆపుకోలేక ఏడ్చేసింది. వరుసగా నాలుగు ఫైనల్స్ ఓడిపోవడం పట్ల తీవ్ర నిరాశ వ్యక్తం చేసినా, తన జట్టు ప్రదర్శన పట్ల గర్వంగా ఉందని తెలిపింది. 

'జట్టు ప్రదర్శన పట్ల చాలా గర్వంగా ఉంది. ప్రపంచవ్యాప్తంగా ఉన్న మా ఢిల్లీ క్యాపిటల్స్ అభిమానులందరికీ ధన్యవాదాలు. ఫైనల్ మ్యాచ్‌‌లో 204 పరుగులు అనేది ఎప్పుడూ గొప్ప స్కోరే. మా జట్టు అద్భుతంగా రాణించింది. మా టీమ్ ఎప్పుడైనా విజృంభించాలి అని కోరుకుంటే అది కచ్చితంగా ఈ రోజే. ప్రతీ ఒక్కరు కష్టపడి ఆడారు. కానీ ఆశించిన ఫలితం దక్కలేదు. మా సీనియర్ ప్లేయర్స్ కూడా అద్భుతంగా పుంజుకున్నారు. నందిని అద్భుతంగా రాణించింది. మేం ఆమె నుంచి ఆశించిన దాని కంటే ఎక్కువే చేసింది. మిన్ను కూడా చాలా బాగా ఆడింది. అంతా అద్భుతంగా సాగింది' అని జెమీమా రోడ్రిగ్స్ చెప్పుకొచ్చింది.