Shah Rukh Khan Chants CSK | కేకేఆర్ కప్పు గెలిచాక ధోనీ, మెస్సీకి షారూఖ్, అయ్యర్ ట్రిబ్యూట్స్

 హైదరాబాద్ సన్ రైజర్స్ ను ఓడించి ఐపీఎల్ ట్రోఫీని అందుకున్నాక కోల్ కతా నైట్ రైడర్స్ ప్లేయర్ల ఆనందానికి అవధులే లేవు. అయితే కప్ తీసుకున్న సందర్భంగా జరిగిన కొన్ని ఇన్సిడెంట్స్ పోస్ట్ మ్యాచ్ ప్రజెంటేషన్స్ లో సెంటర్ ఆఫ్ అట్రాక్షన్ గా నిలిచాయి. ముఖ్యంగా చెన్నై చెపాక్ స్టేడియంలో జరిగిన ఈ ఫైనల్ కు పెద్ద ఎత్తున్న సీఎస్కే ఫ్యాన్స్ తరలివచ్చారు. ఎల్లో జెర్సీలతోనే మ్యాచ్ కు హాజరైన చాలా మంది తమ మద్దతును హైదరాబాద్  కంటే ఎక్కువగా ఇండియన్ ప్లేయర్ కెప్టెన్ గా ఉన్న కేకేఆర్ కు తెలియచేశారు. గతంలో ధోని సీఎస్కే తర్వాత తనకు నచ్చిన ఐపీఎల్ టీమ్ కేకేఆర్ అని చెప్పటం కూడా ఇందుకు ఓ కారణం. మ్యాచ్ గెలిచిన తర్వాత గ్రౌండ్ మొత్తం కలియ తిరుగుతూ వస్తున్న షారూఖ్ ఖాన్ కు ఓ చోట సీఎస్కే, ధోని నినాదాలు వినిపించాయి. అక్కడ ఆగిపోయిన తనకు కూడా ధోని అంటే ఇష్టం సైగల ద్వారా చెప్పాడు. అంతే కాదు స్వయంగా కేకేఆర్ ఓనర్ అయ్యి ఉండి సీఎస్కే సీఎస్కే అంటూ ఫ్యాన్స్ తో నినాదాలు చేశాడు. షారూఖ్ చేసిన పనికి హీరోయిన్ అనన్యా పాండే, షారూఖ్ కూతురు సుహానా ఖాన్ ఆశ్చర్య పోవటం కూడా కనిపించింది. అలా తమకు టీమ్ కు సపోర్ట్ చేసిన ధోనికి, సీఎస్కే ఫ్యాన్స్ కి ట్రిబ్యూట్ ఇచ్చాడు షారూఖ్. మరో వైపు ఐపీఎల్ ట్రోఫీ అందుకునే సమయంలో శ్రేయస్ అయ్యర్ తన ఆరాధ్య ఆటగాడు ఫుట్ బాల్ ప్లేయర్ లియోనల్ మెస్సీని ఇమిటేట్ చేశాడు. 2022లో అర్జెంటీనా ఫిఫా వరల్డ్ కప్ ను గెల్చుకున్నప్పుడు కెప్టెన్ మెస్సీని ట్రోఫీని అందుకుని నడుం వంచి ఊగుతూ వస్తాడు టీమ్ కూడా ఓ రేంజ్ వైబ్ తో దాన్ని ఎంజాయ్ చేస్తారు. అచ్చం దాన్నే కేకేఆర్ ప్లేయర్లతో కలిసి రీక్రియెట్ చేయటం ద్వారా మెస్సీకి ట్రిబ్యూట్ ఇచ్చాడు కెప్టెన్ శ్రేయస్ అయ్యర్.