India vs Pakistan T20 World Cup Highlights | పాక్‌ను చిత్తు చేసిన భారత్

హిస్టరీ రిపీట్ అయింది. పాకిస్తాన్ ( India vs Pakistan ) జట్టుపై టీమిండియా ఘన విజయం సాధించింది. టీ20 ప్రపంచ కప్ లో ( T20 World Cup ) భాగంగా జరిగిన మ్యాచులో సూర్యకుమార్ సేన 61 పరుగుల తేడాతో పాక్ ను చిత్తు చేసింది. దాంతో టీమిండియా ఖాతాలో హ్యాట్రిక్ విజయం నమోదు కాగా, టోర్నీలో పాక్ జట్టుకు తొలి ఓటమిని భారత్ రుచి చూపించింది. 

టాస్ ఓడి తొలుత బ్యాటింగ్ కు దిగిన భారత్ 20 ఓవర్లలో 7 వికెట్లు కోల్పోయి 175 పరుగులు చేసింది. ఓపెనర్ ఇషాన్ కిషన్ ( Ishan Kishan ) 40 బంతుల్లో 77 పరుగులతో అద్భుత ఇన్నింగ్స్ ఆడాడు. ఛేజింగ్ కు దిగిన పాక్ జట్టు ఏ దశలోనూ రాణించలేదు. 18 ఓవర్లలో 114 పరుగులకు ఆలౌట్ అయింది. కీపర్ ఉస్మాన్ ఖాన్ ( Usman Khan ) చేసిన 44 పరుగులే అత్యధిక స్కోరు కాగా, సగానికి పైగా ఆటగాళ్లు సింగిల్ డిజిట్ కే పరిమితం అయ్యారు. 

పాక్ ప్లేయర్స్ కు హార్దిక్ పాండ్యా ( Hardik Pandya ) షాకిచ్చాడు. బుమ్రా కూడా తన బౌలింగ్ తో పాక్ ను ఇబ్బంది పెట్టాడు. పాండ్యా, బుమ్రా, అక్షర్ పటేల్ ( Axar Patel ), వరుణ్ చక్రవర్తిలు ( Varun Chakravarthy ) తలో 2 వికెట్లు పడగొట్టారు. తిలక్ వర్మ ( Tilak Verma ), కుల్దీప్ ( Kuldeep Yadav ) చెరో వికెట్ తీశారు. టీ20 వరల్డ్ కప్ చరిత్రలో భారత్, పాక్ జట్లు 9 సార్లు తలపడగా టీమిండియా 8 మ్యాచ్‌లలో విజయం సాధిస్తే... పాక్ ఒక్క మ్యాచ్ నెగ్గింది.