Hardik statement about Tilak, Bumrah | తిలక్ సెంచరీ వెనుక హార్దిక్ మైండ్ గేమ్
ఐపీఎల్ 2026లో ముంబై ఇండియన్స్ విశ్వరూపం చూపించింది. ఈ విజయం తర్వాత కెప్టెన్ హార్దిక్ పాండ్యా చేసిన వ్యాఖ్యలు సోషల్ మీడియాలో వైరల్ అవుతున్నాయి. ముఖ్యంగా తిలక్ వర్మ సెంచరీ వెనుక ఉన్న సీక్రెట్ ను హార్దిక్ ఫ్యాన్స్ తో షేర్ చేసుకున్నాడు.
"నేను తిలక్కు ఒక్కటే చెప్పాను.. 'బాల్ ని సర్రిగా చూడు.. కొట్టు .. అంతే'. నేను గ్రౌండ్ లో ఎంత గట్టిగా అరిచానంటే నాకు కళ్ళు తిరిగినంత పని అయింది. ఆ ఎనర్జీ తిలక్ నుంచి రావాలని కోరుకున్నాను. అతను కొట్టిన స్ట్రోక్స్ చాలా స్పెషల్" అని హార్దిక్ వెల్లడించాడు. హార్దిక్ ఇచ్చిన ఆ బూస్టప్తోనే తిలక్ 45 బంతుల్లో 101 పరుగులు చేసాడు.
మరోవైపు వరల్డ్ క్లాస్ బౌలర్ జస్ప్రీత్ బుమ్రా గురించి హార్దిక్ సంచలన వ్యాఖ్యలు చేశాడు. "ప్రపంచంలో బుమ్రా కంటే బెటర్ బౌలర్ ఎవరూ లేరు" అని అన్నాడు. సాధారణంగా బుమ్రా తొలి ఓవర్ వేయడు, కానీ ఈ మ్యాచ్లో కొత్త బాల్ తో గుజరాత్ ను దెబ్బకొట్టాలని తానే స్వయంగా బుమ్రాకు బాల్ ఇచ్చానని, మొదటి బాల్ కె వికెట్ తీసి మ్యాచ్ను మలుపు తిప్పాడని హార్దిక్ తెలిపాడు.