David Warner Blocked by SRH ? | డేవిడ్ వార్నర్‌ను బ్లాక్ చేసిన SRH?

సన్‌రైజర్స్ హైదరాబాద్ ఫ్యాన్స్‌కు ఇది ఒక షాకింగ్ న్యూస్ అనే చెప్పాలి.డేవిడ్ వార్నర్‌ను SRH మేనేజ్‌మెంట్ ఇన్‌స్టాగ్రామ్‌లో బ్లాక్ చేసినట్లుగా ఒక ఫోటో వైరల్ అవుతుంది. సన్‌రైజర్స్ ఇన్‌స్టా పేజీని చూసేందుకు వార్నర్ ప్రయత్నించగా.. 'User not found', 'This profile is private' అని చూపించింది. దీనికి సంబంధించిన స్క్రీన్ షాట్‌ను వార్నర్ స్వయంగా సోషల్ మీడియాలో షేర్ చేయడంతో ఈ విషయం కాస్తా వైరల్‌గా మారింది.

ఐపీఎల్ 2016లో సన్‌రైజర్స్ హైదరాబాద్ తొలిసారి టైటిల్ ను సొంతం చేసుకుంది. దానికి కారణం డేవిడ్ వార్నరే. ఆ సీజన్‌లో ఏకంగా 848 పరుగులు చేసి, ఫైనల్లో ఆర్‌సీబీని ఓడించి కప్ అందించాడు. SRH తరఫున అత్యధికంగా 67 మ్యాచ్‌లకు కెప్టెన్‌గా చేసి, 35 విజయాలు అందించిన రికార్డు వార్నర్ పేరిట ఉంది. ఐపీఎల్ చరిత్రలోనే మూడు సార్లు ఆరెంజ్ క్యాప్ గెలిచిన ఏకైక బ్యాటర్ వార్నరే కావడం విశేషం.

మైదానంలో కేవలం ఆటతోనే కాకుండా.. తెలుగు పాటలకు స్టెప్పులేస్తూ, రీల్స్ చేస్తూ తెలుగు అభిమానుల గుండెల్లో చెరగని ముద్ర వేశాడు వార్నర్. జట్టుకు కప్ అందించిన ప్లేయర్ ను ఇలా ఇన్‌స్టాలో బ్లాక్ చేయడమేంటని నెటిజన్లు తీవ్రంగా మండిపడుతున్నారు. టీమ్ ఓనర్ కావ్యా మారన్‌ను టార్గెట్ చేస్తూ డేవిడ్ వార్నర్ కు ప్లేయర్లకు ఇచ్చే గౌరవం ఇదేనా అంటూ విమర్శలు చేస్తున్నారు. మరి SRH నిజంగానే వార్నర్ ను బ్లాక్ చేసిందా> లేదా టెక్నికల్ ఇష్యూ వల్ల ఆలా జరిగిందా అన్నది తెలియాల్సి ఉంది.