Sanju Samson leaving RR IPL2026 | సీఎస్కే లోకి సంజు శాంసన్ | ABP Desam
ఐపీఎల్ 2026 మినీ వేలానికి ముందు ఒక భారీ ట్రేడింగ్ క్రికెట్ అభిమానులను ఆశ్చర్యపరిచింది. 2018 నుంచి 2025 వరకు రాజస్థాన్ రాయల్స్ టీమ్ కు ఎంతో సపోర్ట్ గా నిలిచిన సంజూ శాంసన్, ఇప్పుడు చెన్నై సూపర్ కింగ్స్ లోకి వచ్చాడు. ఈ నిర్ణయం వెనుక ఉన్న అసలు కారణాన్ని సంజూ వెల్లడించాడు.
"రాజస్థాన్ రాయల్స్ జట్టుతో నా సమయం ముగిసిందని నాకు అనిపించింది. అందుకే ఆ టీమ్ నుంచి బయటకు రావాలని నిర్ణయించుకున్నాను. ఆ టీమ్ మేనేజ్మెంట్, ప్లేయర్స్ అంటే నాకు ఎంతో గౌరవం ఉంది, కానీ ప్రతి ఒక్కరి ప్రయాణంలో ఒక సమయం అనేది ఉంటుంది. ఇప్పుడు నాకు ఇది కొత్త ప్రయాణం" అని సంజూ స్పష్టం చేశాడు.
మొదటిసారి రాజస్థాన్కు ప్రత్యర్థిగా ఆడబోతుండటంపై స్పందిస్తూ.. మైదానంలోకి దిగాక తనకు కేవలం మ్యాచ్ గెలిపించడం తప్ప మరే ఆలోచన ఉండదని అన్నాడు. ఇక చెన్నై సూపర్ కింగ్స్కు ట్రేడ్ అయిన విషయం తెలియగానే, సంజూ నేరుగా ఎం.ఎస్. ధోనీతో ఫోన్లో మాట్లాడాడట. "మహీ భాయ్తో కలిసి ఒకే టీమ్ లో ఆడటం గొప్ప అవకాశం. అతని నుండి ఎంతో నేర్చుకోవాలని ఆశిస్తున్నాను. చెన్నై అభిమానుల మద్దతు నాకు ఎప్పుడూ ఉంటుంది" అని సంజూ ఆనందం వ్యక్తం చేశాడు.