LSG vs DC Match Preview IPL 2026 | ఈ సీజన్ లో తొలి మ్యాచ్ ఆడనున్న లక్నో, ఢిల్లీ | ABP Desam

ఈ ఐపీఎల్ సీజన్స్ ఆల్మోస్ట్ అన్ని టీమ్స్ తలో మ్యాచ్ ఆడేశాయి. కానీ ఆడనివి రెండే ఒకటి లక్నో సూపర్ జెయింట్స్ రెండోది ఢిల్లీ క్యాపిటల్స్. ఈ రెండు జట్లు ఈ రోజు ఈ సీజన్ లో తమ తొలి ఐపీఎల్ మ్యాచ్ ను ఆడనున్నాయి. ఈ రెండు జట్లకు ఓ ప్రత్యేకత ఉంది. గత సీజన్ లో ఢిల్లీ క్యాపిటల్స్ ఫస్టాఫ్ లో అదరగొట్టింది. కళ్లు చెదిరే ప్రదర్శనలతో ప్రత్యర్థి జట్లకు షాకులిస్తూ ఫస్టాఫ్ టేబుల్ టాపర్ గా ఉన్న ఢిల్లీ క్యాపిటల్స్ సెకండ్ లెగ్ లో తడబడింది. అనూహ్యంగా ప్లే ఆఫ్స్ కి కూడా వెళ్లకుండానే లీగ్ నుంచి నిష్క్రమించింది. అదే కని మీద ఉన్నారు ఇప్పుడు ఢిల్లీ ప్లేయర్లు. టీమిండియా అవకాశాల కోసం ఎదురు చూస్తున్న పృథ్వీ షా, కరుణ్ నాయర్, ఎంత ఫామ్ లో ఉన్నా టీ20 జట్టుకు అక్కర్లేదన్నట్లు ఉన్న కేఎల్ రాహుల్ లాంటి ఆటగాళ్లతో ఉంది ఢిల్లీ. కెప్టెన్ అక్షర్ పటేల్ తో పాటు అశుతోష్ శర్మ, విప్రాజ్ నిగమ్, అభిషేక్ పోరల్, సమీర్ రిజ్వి  లాంటి యంగ్ స్టర్స్ ఓ వైపు పథుమ్ నిశాంక, డేవిడ్ మిల్లర్, ట్రిస్టన్ స్ట్రబ్స్ లాంటి బ్యాటర్లతో గట్టిగా కనిపిస్తోంది. బౌలింగ్ లో మిచెల్ స్టార్క్ గాయం కారణంగా కొన్ని మ్యాచ్ లకు దూరం కావటం ఇబ్బంది కలిగించే విషయమమే. అయితే కైల్ జేమీసన్, లుంగి ఎంగిడి లాంటి పేసర్లతో పాటు నటరాజన్, ముకేశ్ కుమార్ లాంటి దేశవాళీ పేసర్లు ఉన్నారు. స్పిన్ భారాన్ని కుల్దీప్, అక్షర్ పటేల్ పంచుకోనున్నారు. ఇక లక్నో సంగతి చూస్తే పంత్ కసి మీద ఉంటాడు కచ్చితంగా. 27 కోట్లు పెట్టి కొనుక్కుంటే లాస్ట్ సీజన్ లో ఘోరంగా ఫెయిల్ అవ్వటంతో ఇటు టీమిండియా టీ2౦జట్టులో స్థానం కోల్పోయాడు. వరల్డ్ కప్పు ఆడలేకపోయాడు. మార్ క్రమ్, మిచ్ మార్ష్, నికోలస్ పూరన్ టాప్ 3 గా ఉండటం LSG కి పెద్ద అడ్వాంటేజ్. ఆయుష్ బడోని,  మోషిన్ ఖాన్ లాంటి యంగ్ స్టర్స్ తో పాటు పంత్ ఉండటంతో మిడిల్ బాగానే కనిపిస్తోంది.  ఇక బౌలింగ్ లో మిచ్ మార్ష్, మహ్మద్ షమీ, ఆన్రిచ్ నోర్జే, మయాంక్ యాదవ్ పేస్ బలంగా కనిపిస్తుంటే...స్పిన్ కోసం దిగ్వేష్ రాఠీ మళ్లీ చీటీలు రాసిచ్చే సెలబ్రేషన్ కోసం సిద్ధమైపోయాడు. చూడాలి పేపర్ మీద స్ట్రాంగ్ గా కనిపిస్తున్న ఈరెండు జట్లలో మొదటి విజయం సాధించి ఈ ఐపీఎల్ సీజన్ ను జోరుగా ప్రారంభించే జట్టు ఏదో.