Bhuvneshwar Kumar Comments on Virat Kohli | విరాట్ పై భువి ఫన్నీ కామెంట్స్
రాయల్ ఛాలెంజర్స్ బెంగళూరు క్యాంప్ నుండి ఒక క్రేజీ వీడియో నెట్టింట తెగ హల్చల్ చేస్తోంది. స్వింగ్ కింగ్ భువనేశ్వర్ కుమార్, రన్ మెషిన్ విరాట్ కోహ్లీని ముసలోడు అంటూ సరదాగా కామెంట్ చేయడంతో ఈ వీడియో కాస్తా వైరల్గా మారింది.
ఆర్సీబీ సోషల్ మీడియా హ్యాండిల్ విడుదల చేసిన ఒక ఇంటర్వ్యూలో యాంకర్ భువిని ఒక ఫన్నీ క్వశ్చన్ అడిగాడు. భువి.. ఈ వయసులో కూడా నువ్వు అద్భుతంగా బౌలింగ్ చేస్తున్నావు కదా, నీకేమైనా ముసలితనం వచ్చేసినట్లు అనిపిస్తోందా? అని అడగ్గా.. భువి నవ్వుతూ “అస్సలు లేదు.. నేను ఇంకా ముసలాడిని కాలేదు” అన్నాడు. వెంటనే యాంకర్.. “కానీ నువ్వు, కోహ్లీ ఒకే వయసు వాళ్లు కదా భయ్యా?” అని అడగ్గా, భువి కౌంటర్ ఇస్తూ.. “అవును, మేమిద్దరం ఒకే వయసు వాళ్లమే.. కానీ బహుశా విరాట్ కోహ్లీకి ముసలితనం వచ్చేసిందేమో, నాకైతే ఇంకా రాలేదు. అంటూ సరదాగా నవ్వేశాడు.
ఈ ఇద్దరి మధ్య ఉన్న అనుబంధం చూసి ఫ్యాన్స్ ఫిదా అవుతున్నారు. ఈ సీజన్లో భువి బౌలింగ్ పాత రోజులను గుర్తు చేస్తోంది. ఇప్పటివరకు ఆడిన 15 మ్యాచ్ల్లో భువి ఏకంగా 26 వికెట్లు పడగొట్టి, పర్పుల్ క్యాప్ రేస్లో మొదటి స్థానంలో ఉన్నాడు. అది కూడా కేవలం 8 ఎకానమీతోనే కావడం విశేషం.