Vanama Raghava: వనమా రాఘవను ఉరి తీయాలన్న కాంగ్రెస్

భద్రాద్రి కొత్తగూడెం జిల్లాలో ఓ వ్యక్తి కుటుంబంతో సహా ఆత్మహత్యకు పాల్పడిన ఘటనలో ఆరోపణలు ఎదుర్కొంటున్న వనమా రాఘవకు వ్యతిరేకంగా నిరసనలు వ్యక్తమవుతున్నాయి. రాఘవను ఉరి తీయాలని డీజీపీ కార్యాలయ ముట్టడికి తెలంగాణ యువజన కాంగ్రెస్ యత్నించింది. అధ్యక్షుడు శివసేన రెడ్డి ఆధ్వర్యంలో వందలాది మంది ఈ ఆందోళనలో పాల్గొన్నారు. ఈ సందర్భంగా జరిగిన తోపులాటలో పలువురు యువజన కాంగ్రెస్ కార్యకర్తలు గాయపడ్డారు. ఆందోళనకారులను అరెస్ట్ చేసిన పోలీసులు వారిని బేగంబజార్ స్టేషన్ కు తరలించి కేసు నమోదు చేశారు.