Sankrathi Cricket Fight: ఊరి పేరును అవమానించారని క్రికెట్ పోటీలో గొడవ..టోర్నీ రద్దు

సరదాగా సాగిపోవాల్సిన సంక్రాంతి సంబరాలు పంతాలు, పట్టింపులతో రసాభాసగా మారాయి. క్రికెట్ పోటీల్లో గొడవలు రేగి చివరకు పోటీలే ఆగిపోయాయి. పల్లెటూళ్ల ఐకమత్యానికి ప్రతీకగా జరగాల్సిన ఆటల పోటీలు చివరకు గొడవలతో ఎటూ తేలకుండా ఆగిపోయాయి. ఈ గొడవ నెల్లూరు జిల్లా బుచ్చిరెడ్డిపాలెం మండలం దామరమడుగులో జరిగింది. రూల్స్ నచ్చక పోటీలనుంచి వెళ్ళిపోతే తమ ఊరిపేరు చెప్పి అవమానిస్తారా.. అంటూ రామచంద్రారెడ్డి నగర్ టీమ్ సభ్యులు ఆందోళనకు దిగారు. టోర్నమెంట్ నిర్వాహకులు తమను అవమానించారంటూ ఆర్ ఆర్ నగర్ టీంమ్ తో పాటు ఆ ప్రాంత యువకులు గ్రౌండ్ లో నిరసన చేపట్టారు. తనకు న్యాయం జరిగేంత వరకు మ్యాచ్ లు జరిగిందేందుకు ఒప్పుకో మంటూ వారు అక్కడే బైఠాయించారు. టోర్నమెంట్లో రూల్స్ నచ్చక తాము పోటీల నుండి వెళ్లిపోయామని, ఇతర టీమ్ ల మధ్య జరిగిన వివాదంలో తమ ఊరి పేరెత్తి తమను అవమానించారని యువకులు తెలిపారు. ఇదేమని ప్రశ్నిస్తే నిర్వాహకులు తమతో దురుసుగా ప్రవర్తించి గ్రౌండ్ నుండి వెళ్లగొట్టేందుకు ప్రయత్నిస్తున్నారని ఆరోపించారు. తనకు న్యాయం జరిగేంత వరకు నిరసన కొనసాగిస్తామని అన్నారు. దీంతో టోర్నమెంట్ ఆగిపోయింది.