Kite Maanja: కామారెడ్డి జిల్లా బాన్సువాడలో పతంగి మాంజా మెడకు చిక్కుకుని యువకుడికి తీవ్రగాయాలు

కామారెడ్డి జిల్లా బాన్సువాడలో పతంగీ మాంజా కోసుకుని యువకుడి గొంతు కు తీవ్రగాయమైంది. ఇస్లాంపుర కు చెందిన మొహమ్మద్ ఎజాజ్ అనే యువకుడికి అంబేడ్కర్ చౌరస్తా లొ ఫ్యాన్ రిపేరింగ్ షాపు ఉంది. మధ్యాహ్నం భోజనానికి వెళ్లి బైక్ పై షాపుకు వస్తుండగా షేక్ చాంద్ హోటల్ దగ్గర ఈ ఘటన జరిగింది. మెయిన్ రోడ్డు డివైడర్ మధ్యలో ఉన్న చెట్టుకు పతంగి మాంజా చిక్కుకుని గాలికి ఎగురుతుండగా... మొహమ్మద్ ఎజాజ్ పక్కనుంచి బైక్ పై వెళ్తుండగా... పతంగి మాంజా మెడకు చిక్కుకుంది. దీంతో మెడ కోసుకుని తీవ్ర గాయలయ్యాయి. స్థానికులు గమనించి ఎజాజ్ ను స్థానిక ఆస్పత్రికి తరలించారు.పరిస్థితి విషమించడంతో డాక్టర్ ల సలహా మేరకు నిజామాబాద్ ఆస్పత్రికి తరలించి సర్జరీ చేయించాల్సి వచ్చింది.