Accident expose gutka racket: జగిత్యాలలో బయటపడ్డ గుట్కా దందా

జగిత్యాలలో పోలీసు తనిఖీల నుంచి తప్పించుకుందామనుకున్న ఓ వ్యక్తి యాక్సిడెంట్ చేసి బీభత్సం సృష్టించాడు. ఈ క్రమంలో కారులో అక్రమంగా తరలిస్తున్న గుట్కా ప్యాకెట్లు బయటపడ్డాయి. గాంధీనగర్ వద్ద ఓ కారును చెకింగ్ కోసం పోలీసులు ఆపేందుకు ప్రయత్నించగా.... ఆపకుండా వెళ్లిన కార్ డ్రైవర్ స్పీడ్ పెంచి ఓ బైక్ ను, ట్రాన్స్ ఫార్మర్ ను ఢీ కొట్టాడు. బైక్ పై వెళ్తున్న ఇద్దరికి గాయాలయ్యాయి. రెండు విద్యుత్ స్తంభాలు నేలకొరిగాయి. ఘటనాస్థలానికి చేరుకున్న పోలీసులు అందులో 3లక్షల రూపాయలు విలువైన గుట్కా ప్యాకెట్లను స్వాధీనం చేసుకున్నారు.