PM Modi Meditates At Vivekananda Rock Memorial | ధ్యానంలో మోదీ..బీజేపీ లెక్కలు ఇవేనా..?

గురువారం సాయంత్రం 6.45 గంటల సమయంలో మోదీ ధ్యానం ప్రారంభించారు. శనివారం వరకు ఈ ధ్యానం కొనసాగుతుంది. ఈ సమయంలో ఫుడ్ తీసుకోరు. కేవలం లిక్విడ్స్ తీసుకుంటారు. కొబ్బరి నీళ్లు, ద్రాక్షరసమే తీసుకుంటారు. ఈ 45 గంటల సమయం పాటు ఆయన మెడిటేషన్ హాల్ నుంచి బయటికి రారు. కాషాయ దుస్తుల్లోనే ఉంటారు. ఫోన్, టీవీ ఏమి ఉపయోగించరు. ఎవరిని కలవరు కూడా. 

2019లో ఎన్నికలు ముగిసిన తర్వాత ఆయన కేదార్‌నాథ్‌ వద్ద గుహల్లో ఇలాగే ధ్యానం చేశారు.కానీ ఈ సారి కన్యాకుమిరినే ఎందుకు ఎంచుకున్నారు అన్నది తెలియాలంటే కాస్త చరిత్రలోకి వెళ్లాల్సిందే..!కన్యాకుమారిలోని వావవతురై బీచ్‌కి 500 మీటర్ల దూరంలో ఉందీ రాక్‌ మెమోరియల్. హిందూ మహా సముద్రం, అరేబియా సముద్రం, బంగాళాఖాతం కలిసే ఈ చోట దీన్ని నిర్మించారు. 1892లో ఈ ప్రాంతంలోనే స్వామి వివేకానంద ఓ రాయిపై ధ్యానం చేసుకున్నారు. మూడు రోజులు, మూడు రాత్రుల పాటు ఇక్కడే ధ్యానంలో ఉన్నారు. ఇక్కడ ధ్యానం చేసుకున్న తరవాత ఆయనకు జ్ఞానోదయం అయిందని చెబుతారు. ఆయన తన సిద్ధాంతాలకు తుది రూపు తీసుకొచ్చింది కూడా ఇక్కడే. ఈ ప్రాంతం గురించి అందరికీ తెలియాలన్న ఉద్దేశంతో 1963లో RSS కార్యకర్త ఏక్‌నాథ్ రనాదే వివేకానంద రాక్‌ మెమోరియల్ నిర్మించాలని ప్రతిపాదించారు. 1970 నాటికి ఆ నిర్మాణం పూర్తైంది. అప్పటి రాష్ట్రపతి వీవీ గిరి దీన్ని ప్రారంభించారు. ఇంత ప్రత్యేకత ఉంది కాబట్టే ప్రధాని మోదీ ఇక్కడే ధ్యానం చేయాలని నిర్ణయించుకున్నారు. వివేకానందుడిని రోల్‌మోడల్‌గా భావించే ప్రధాని నరేంద్ర మోదీ రామకృష్ణ మిషన్‌లో సభ్యులు కూడా.