Space Film: అంతరిక్షంలో తొలి సినిమా షూటింగ్‌‌కు సర్వం సిద్ధం

అంతరిక్షం బ్యాక్ డ్రాప్‌లో ముఖ్యంగా హాలీవుడ్ లో చాలా చిత్రాలు విడుదలయ్యాయి. కానీ ఆ సినిమాలు గ్రాఫిక్స్ ద్వారా చిత్రీకరించారు. రష్యాకు చెందిన "ది ఛాలెంజ్" అనే సినిమా మాత్రం నిజంగా అంతరిక్షానికి వెళ్ళి ఘాటింగ్ చేయడానికి ఆ చిత్ర దర్శకుడు మరియు హీరోయిన్ అంతరిక్షానికి చేరుకున్నారు. 12 రోజుల పాటు ఈ చిత్ర యూనిట్ అంతరిక్షంలోనే ఉండబోతుంది. దీని కోసం వీళ్ళు నాలుగు నెలలు ప్రత్యేక శిక్షణ తీసుకున్నారు. సినిమాను ఇలా అంతరిక్షంలో చిత్రీకరించాలనే నిర్ణయంపై పలువురు విమర్శించినా వాటిని లెక్క చేయకుండా చిత్ర బృందం అంతరిక్షానికి చేరుకుంది. ఈ చిత్రం పూర్తయితే అంతరిక్షంలో చిత్రీకరించిన మొదటి సినిమాగా చరిత్రలో నిలవనుంది. ఒక చిత్రం కోసం ఇంత సాహసం చేయడం విశేషం.