దేవర చెన్నై ప్రెస్ మీట్లో జూనియర్ ఎన్టీఆర్ స్పీచ్!
జూనియర్ ఎన్టీఆర్ హీరోగా నటిస్తున్న దేవర సినిమా ప్రమోషన్లలో ఆయన బిజీగా ఉన్నారు. దేవర తమిళ ప్రమోషన్ల కోసం టీమ్ అంతా చెన్నై వెళ్లారు. జూనియర్ ఎన్టీఆర్‌తో పాటు హీరోయిన్ జాన్వీ కపూర్, ఆర్ట్ డైరెక్టర్ సాబు సిరిల్, సినిమాటోగ్రాఫర్ రత్నవేలు, దర్శకుడు కొరటాల శివ, సంగీత దర్శకుడు అనిరుథ్ రవిచందర్, నటుడు కలై అరసన్ కూడా పాల్గొన్నారు. ఈ నెల 27వ తేదీన ‘దేవర: పార్ట్ 1’ ప్రేక్షకుల ముందుకు రానుంది. ఈ సినిమా ప్రెస్ మీట్లో జూనియర్ ఎన్టీఆర్ మాట్లాడారు. తమిళంలో డైరెక్ట్‌గా సినిమా ఎప్పుడు చేస్తారని తారక్‌కు ప్రశ్న ఎదురైంది. వెట్రి మారన్ తనకు ఎంతో ఇష్టమైన దర్శకుడని అన్నారు. వెట్రి మారన్‌తో డైరెక్ట్‌గా తమిళంలో సినిమా చేసి, దాన్ని తెలుగులోకి డబ్ చేస్తామని ఎన్టీఆర్ చెప్పినప్పుడు అక్కడ హాజరు అయిన వారి మంచి రెస్పాన్స్ వచ్చింది. గతంలో కూడా జూనియర్ ఎన్టీఆర్, వెట్రి మారన్ కాంబినేషన్‌లో ఒక సినిమా తెరకెక్కనుందని వార్తలు వచ్చాయి. జూనియర్ ఎన్టీఆర్‌కు ఒక కథ చెప్పానని, దానికి సంబంధించిన చర్చలు నడుస్తున్నాయని అన్నారు. మరి ఈ కాంబో ఎప్పటికి మెటీరియలైజ్ అవుతుందో చూడాలి మరి!