Viral Video: ఆ చిన్నారి కష్టం ఎవరికీ రాకూడదు.. ఎనిమిదేళ్ల వయసులో కుటుంబ బాధ్యత
చిత్తూరు జిల్లాలోని గంగులపల్లిలో నివాసం ఉంటున్న రాజగోపాల్ కుటుంబ పోషణ కోసం ఆటో నడుపుతున్నాడు. పల్లెల్లో తిరుగుతూ ఆ బ్యాటరీ ఆటోలోనే పప్పు, ఉప్పు, నిత్యవసర పదార్థాలను విక్రయిస్తూ ఉంటారు. ఒక్కరోజు రాజగోపాల్ ఆటో నడపకపోతే ఆ రోజంతా పస్తులుండాల్సిన పరిస్థితి. చదువుకునే వయసులో బాలుడు ఆటో రిక్షా నడపడం చట్టరీత్యా నేరమైనప్పటికీ కుటుంబ అవసరాలను తీర్చేందుకు తప్పడం లేదు. తమ కుటుంబ పోషణకు యాచించకుండా తన కాళ్లపై తాను నిలబడాలని రాజగోపాల్ సంకల్పం చూసి మెచ్చుకోకతప్పదు. ప్రభుత్వ అధికారులు చొరవ చూపి ఆ కుటుంబాన్ని ఆదుకోవాలని స్థానికులు కోరుతున్నారు. గ్రామస్తులు, చుట్టు పక్కల వారు ఆ కుంటుబానికి తమకు తోచిన ఆర్థిక సాయం అందిస్తూ చేదోడు వాదోడుగా నిలుస్తున్నారు.
లోకేశ్ స్పందన
8 ఏళ్ల బాలుడు గోపాలరెడ్డి కుటుంబానికి సాయం అందించేందుకు టీడీపీ జాతీయ ప్రధాన కార్యద‌ర్శి నారా లోకేశ్ ముందుకు వచ్చారు. త‌క్షణ‌సాయంగా రూ.50 వేలు ఇస్తాన‌ని ప్రక‌టించారు. బ్యాటరీ ఆటో కోసం చేసిన అప్పు తీర్చేందుకు టీడీపీ రూ.2 ల‌క్షలు ఆర్థిక సాయం అందించ‌నుంద‌ని వెల్లడించారు. త‌ల్లిదండ్రులు, గోపాలరెడ్డి కోరిక మేర‌కు ఏ స్కూల్లో చ‌దవాల‌నుకుంటే అక్కడ విద్యాభ్యాసానికి అయ్యే మొత్తం ఖ‌ర్చు భ‌రిస్తామ‌ని ట్విట్టర్ ద్వారా ప్రక‌టించారు. ఎనిమిదేళ్ల వ‌య‌స్సులో కుటుంబ బాధ్యత‌ల్ని మోస్తోన్న బాలుడ్ని చూసి లోకేశ్ చ‌లించిపోయారు. బాలుడిపై మీడియాలో క‌థ‌నాలు ప్రసారం అయ్యాయి.