Flexis Controversy In Bhimavaram Janasena vs YSRCP: ముదురుతున్న ఫ్లెక్సీల వివాదం

పశ్చిమగోదావరి జిల్లా భీమవరంలో ఫ్లెక్సీల వివాదం అంతకంతకూ ఉద్రిక్తంగా మారుతోంది. జనసేన అధినేత పవన్ కల్యాణ్ ను అవమానించేలా పెట్టిన ఫ్లెక్సీల తొలగింపు డిమాండ్ చేస్తూ ఆ పార్టీ శ్రేణులు అల్టిమేటం ఇచ్చాయి. ఈ నేపథ్యంలో పోలీసులు ఆ పార్టీ నాయకుడు చినబాబును హౌస్ అరెస్ట్ చేశారు. దీనికి నిరసనగా.... మిగతా నాయకులు, కార్యకర్తలు నిరసన బాట పట్టారు. వైసీపీ శ్రేణులు ఏర్పాటు చేసిన ఫ్లెక్సీపైనే జగన్ వ్యతిరేక ఫ్లెక్సీని పెట్టారు. పోలీసులు అక్కడికి చేరుకుని ఆ ఫ్లెక్సీని తొలగించారు. అప్పుడు జనసేన నాయకులు పోలీసులతో వాగ్వాదానికి దిగారు. అధికార పార్టీకి ఓ న్యాయం, తమకో న్యాయమా అంటూ నిలదీసారు. గో బ్యాక్ పోలీస్ అంటూ నినాదాలు చేశారు.