ఎందుకయ్యా నీకు రాజకీయాలు, మంత్రి వాసంశెట్టికి క్లాస్ పీకిన చంద్రబాబు

మంత్రి వాసంశెట్టి సుభాష్ పై సీఎం చంద్రబాబు ఆగ్రహం వ్యక్తం చేశారంటూ ఓ వీడియో సోషల్ మీడియాలో వైరల్ అవుతోంది. వైసీపీ సోషల్ మీడియా వైరల్ చేస్తున్న ఈ ఆడియోలో...టీడీపీ సభ్యత్వాల నమోదు అంశంలో రామచంద్రాపురం నియోజకవర్గం బాగా వెనకపడి ఉండటంతో చంద్రబాబు స్థానిక ఎమ్మెల్యే అయిన వాసంశెట్టి సుభాష్ పై కోప్పడ్డారు. మొదటి సారి ఎమ్మెల్యేగా గెలవగానే మంత్రిని చేశానని..అలాంది పార్టీ పట్ల గౌరవం, సీరియస్ నెస్ లేకపోతే నీకు రాజకీయాలు ఎందుకు అంటూ చంద్రబాబు మండిపడుతున్నట్లుగా  వినిపిస్తున్న ఈ ఆడియోను వైసీపీ సోషల్ మీడియా వైరల్ చేస్తోంది.            

పార్టీ సభ్యత్వాలు, పట్టభధ్రుల ఎన్నికలకు సంబందించి ఓటు నమోదు ప్రక్రియపై టీడీపీ నియోజకవర్గ ఇంచార్జ్‌లుతో ఇటీవల టెలీకాన్ఫిరెన్స్‌ నిర్వహించారు ముఖ్యమంత్రి చంద్రబాబు నాయుడు. అయితే ఈ కాన్ఫిరెన్స్‌లో రాష్ట్ర కార్మిక శాఖ మంత్రి వాసంశెట్టి సుభాష్‌కు క్లాస్‌ తీసుకున్నట్లు తెలుస్తోంది. దీనికి సంబంధించిన ఆడియో ఇప్పుడు వైరల్ అవుతోంది.