TGSRTC Provided Pickup Vans For Passengers: టీజీఎస్ఆర్టీసీ (TGSRTC) దూరప్రాంత ప్రయాణికులకు గుడ్ న్యూస్ చెప్పింది. ఆర్టీసీ పికప్ వ్యాన్లను (Pickup Vans) అందుబాటులోకి తెచ్చింది. హైదరాబాద్‌లో ఈ సేవలు శుక్రవారం నుంచి అందుబాటులోకి వచ్చాయి. తొలి విడతలో ఈసీఐఎల్ - ఎల్బీనగర్ మధ్య ఉన్న ప్రాంతాల నుంచి ఈ పికప్ వ్యాన్ సేవలు అందిస్తాయని అధికారులు తెలిపారు. విజయవాడ, విశాఖ, కాకినాడ, ఒంగోలు, తిరుపతి, నెల్లూరు, కందుకూరు వెళ్లే వారి కోసం ఈ పికప్ వ్యాన్లను ఏర్పాటు చేశారు. కాప్రా మున్సిపల్ కాంప్లెక్స్, మౌలాలీ హెచ్‌బీ కాలనీ, మల్లాపూర్, హెచ్ఎంటీ నగర్, నాచారం, హబ్సిగూడ, ఉప్పల్ మెట్రో స్టేషన్, నాగోల్, సుప్రజ ఆస్పత్రి, ఎల్బీనగర్ ఎల్‌పీటీ మార్కెట్ నుంచి ఈ వాహనాలు అందుబాటులో ఉంటాయని చెప్పారు. మరిన్ని వివరాలకు 040 - 69440000, 040 - 23450033 నెంబర్లను సంప్రదించాలని సూచించారు.


Also Read: Telangana Mother Statue : తెలంగాణ తల్లి విగ్రహం ఫస్ట్ లుక్ - రేవంత్ తెలంగాణ ప్రజల్ని మెప్పించినట్లేనా ?