Mahesh Kumar Goud On Cabinet: టీపీసీసీ చీఫ్ మహేష్ కుమార్ గౌడ్ మీడియా చిట్‌చాట్‌లో కీలక వ్యాఖ్యలు చేశారు. క్యాబినెట్ విస్తరణ ఇప్పట్లో  లేనట్లేనని ఆయన అన్నారు. దిల్లీలో క్యాబినెట్ విస్తరణపై చర్చ జగలేదని చెప్పారు. కేవలం కొండా సురేఖ, చిన్నా రెడ్డి అంశంపై మాత్రమే చర్చ జరిగిందని చెప్పారు. క్యాబినెట్ విస్తరణపై హై కమాండ్ నుండి ఎలాంటి సమాచారం లేదని తెలిపారు. క్యాబినెట్ విస్తరణ ఎప్పుడు చేయాలనేది   సీఎం రేవంత్ రెడ్డి ఇష్టమని చెప్పారు. తనకు మంత్రి పదవి అన్న  ప్రచారంపై సమాచారం లేదన్నారు.  

Continues below advertisement

అధిష్ఠానం ఒప్పుకోలేదు? 

కొండా సురేఖను కాపాడేందుకు తాను తీవ్రంగా ప్రయత్నించినట్లు మహేష్ కుమార్ గౌడ్ చెప్పారు. సురేఖ విషయంలో అందరం మా వంతు ప్రయత్నం చేశామన్నారు. సురేఖ విషయంలో ఏఐసీసీ ఒప్పుకోలేదంటూ వ్యాఖ్యలు చేశారు. రాహుల్ గాంధీ ఆశయాన్ని రేవంత్ రెడ్డి నెరవేర్చారన్నారు. కుల సర్వే శాస్త్రీయంగా చేశామని, రాబోయే వంద రోజులు దేశవ్యాప్తంగా బీసీ హక్కుల గర్జన చేస్తామన్నారు. బీసీ హక్కుల కోసం జరిగే గర్జనను విజయవంతం చేయాలని ఆయన కోరారు.  

మంత్రి పొన్నం ప్రభాకర్ మాట్లాడుతూ.. బండి సంజయ్‌, అరవింద్, ఈటల, లక్ష్మణ్ బీసీల అంశంపై స్పందించాలని కోరారు. అడిగితే తమ పదవులు పోతాయని బీజేపీ బీసీ నేతలు నోరు మెదపడంలేదన్నారు. తెలంగాణలో బీజేపీ ఉండాలో వద్దో బీజేపీ బీసీ నేతలు తేల్చుకోవాలన్నారు. కుల గణనలో దేశానికి రోల్ మోడల్‌గా తెలంగాణ ఉందన్నారు. తెలంగాణ చేసిన కులగణనలో అన్ని విషయాలు పొందుపరిచామన్నారు.  కేంద్రానికి పంపిన ఫైల్‌పై ఇప్పటికీ నిర్ణయం తీసుకోలేదన్నారు. ఓబీసీల జనాభాను ఎందుకు లెక్కించడం లేదని కేంద్రాన్ని ప్రశ్నించారు. 

Continues below advertisement

మంత్రి వర్గవిస్తరణ? 

అయితే తెలంగాణలో రేపు మంత్రివర్గ విస్తరణ జరుగుతోందని జోరుగా ప్రచారం జరుగుతోంది. మంత్రి కొండా సురేఖ బర్తరఫ్ తర్వాత రాష్ట్రంలో మంత్రి వర్గ విస్తరణకు ముహూర్తం ఫిక్స్ చేసినట్లు వార్తలు వస్తున్నాయి.  క్యాబినెట్లో 18 మంది మంత్రులకు అవకాశం ఉండగా.. 3 బెర్తులు ఖాళీగా ఉన్నాయి. రేసులో మహేశ్ కుమార్ గౌడ్, విజయశాంతి, గడ్డం ప్రసాద్, రాజగోపాల్ రెడ్డి ఉన్నట్లు ప్రచారం జరుగుతోంది.