Breaking News Live: పిడుగుపాటుకు ఇద్దరు గొర్రెల కాపర్లు మృతి
తెలంగాణ, ఆంధ్రప్రదేశ్ సహా దేశ వ్యాప్తంగా అక్టోబరు 24న జరిగే తాజా వార్తలు ఎప్పటికప్పుడు ఇక్కడ చూడొచ్చు. ఈ లైవ్ బ్లాగ్ అప్ డేట్ అవుతూ ఉంటుంది. తాజా సమాచారం కోసం ఈ పేజీని రీఫ్రెష్ చేస్తూ ఉండండి.
అనంతపురం జిల్లా పిడుగుపాటుతో ఇద్దరు గొర్రెల కాపర్లు మృతి చెందారు. బ్రహ్మ సముద్రం మండలం బొమ్మగానీపల్లి గ్రామానికి చెందిన గాటు తిమ్మన్న (70), మోహన్ నాయక్ (44) పిడుగుపాటుకు మరణించారు. వర్షం కారణంగా ఇద్దరు ఓ చెట్టుకిందకు వెళ్లారు. ఆ సమయంలో పిడుగుపాటుకు గురై మృతి చెందారు.
తిరుపతి నగరంతో పాటు జిల్లా వ్యాప్తంగా పోలీసులు విస్తృతంగా తనిఖీలు చేపట్టారు. క్రికెట్ బెట్టింగ్ లకు పాల్పడితే చట్టప్రకారం కఠిన చర్యలు తప్పవని హెచ్చరించారు. తిరుపతి అర్బన్ ఎస్పీ వెంకట అప్పల నాయుడు ఆ మేరకు ఆదేశాలు జారీ చేశారు. క్రికెట్ బెట్టింగ్ నిర్వహిస్తే చట్టపరమైన చర్యలు తప్పవని హెచ్చరించారు. క్రికెట్ బెట్టింగ్ లను అరికట్టేందుకు జిల్లా పోలీసు యంత్రాంగం సిద్ధంగా ఉందన్నారు. జిల్లా ఉన్నాధికారుల పర్యవేక్షణలో క్రికెట్ బెట్టింగ్ లకు పాల్పడే వారిపై నిరంతర నిఘా పెట్టాలని ఆదేశించారు.
గుంటూరు జిల్లా మంగళగిరిలోని టీడీపీ కేంద్ర కార్యాలయంపై దాడి కేసులో మరో ఆరుగురిని పోలీసులు అరెస్టు చేశారు. మీడియాలో వచ్చిన దృశ్యాల ఆధారంగా నిందితులను గుర్తించి పట్టుకున్నారు. వీరిలో నలుగురు విజయవాడకు చెందిన వారు కాగా, ఇద్దరు గుంటూరుకు చెందిన వారిగా పోలీసులు తెలిపారు. ఈ కేసులో గుంటూరు, విజయవాడ ప్రాంతాలకు చెందిన 10 మందిని ఇప్పటికే పోలీసులు అరెస్టు చేశారు. తాజాగా విజయవాడకు చెందిన జోగరాజు, షేక్‌ బాబు, షేక్‌ సైదా, సూర్య సురేష్‌, గుంటూరుకు చెందిన మోహన్ కృష్ణారెడ్డి, గురవయ్యలను తాజాగా అదుపులోకి తీసుకున్నారు. మిగతా నిందితులను పట్టుకునేందుకు నాలుగు ప్రత్యేక బృందాలను ఏర్పాటు చేసినట్టు గుంటూరు అర్బన్ ఎస్పీ కార్యాలయం ఓ ప్రకటనలో వెల్లడించింది.
ప్రశ్నించే వారిపై అక్రమ కేసులు పెట్టి భయపెట్టడం వైసీపీ రాజకీయమని టీడీపీ నేత, మాజీ మంత్రి అమరనాథ్ రెడ్డి ఆరోపించారు. ఆదివారం తిరుపతిలో మాట్లాడిన ఆయన ప్రశాంత్ కిషోర్ సలహాలతోనే వైసీపీ ప్రతిపక్షంపై ఇలాంటి దుష్చర్యలకు పాల్పడుతుందన్నారు. 2019కి ముందు ప్రశాంత్ కిషోర్ సోషల్ మీడియాను వాడుకుని తప్పులు ప్రచారం చేసి వైసీపీని అధికారంలోకి తెచ్చాడని, అప్పుడు సోషల్ మీడియాలలో ఆక్టివ్ గా ఉన్న వైసీపీ ఇప్పుడు ఏమి చెప్పలేక సైలెంట్ అయ్యారని విమర్శించారు.
కర్ణాటక రాష్ట్రంలో కురిసిన భారీ వర్షాలకు అనంతపురం జిల్లాలోని పరగొడు డ్యాం నిండింది. చిత్రావతి నదిలోకి వరద నీరు చేరుతోంది. గోరంట్ల మీదుగా పుట్టపర్తి కి చేరుకున్న వరద నీరు. చిత్రావతి నది ఉదృతంగా ప్రవహిస్తోంది. మరోవైపు బుక్కపట్నం చెరువులోకి భారీగా నీరు చేరడంతో పారుతున్న మరవ. కొత్త చెరువు, బుక్కపట్నం మరవ వద్ద పర్యాటకుల సందడి చేస్తున్నారు.
నెల్లూరు జిల్లా వెంకటగిరిలో చికెన్ షాపు, దాని పక్కనే కోళ్లను నిల్వ ఉంచిన గుడిసె అగ్నిప్రమాదానికి ఆహుతయ్యాయి. గ్యాస్ సిలిండర్ పేలడంతో ఈ ఘటన సంభవించినట్టు చెబుతున్నారు. ఆదివారం కావడంతో స్థానికులు చికెన్ షాపు ముందు గుమికూడి ఉన్న సందర్భంలో ఒక్కసారిగా పేలుడు సంభవించింది. అందరూ భయంతో అక్కడి నుంచి పరుగులు తీశారు. మంటలు చెలరేగడంతో వందలాది కోళ్లు ఆ మంటల్లో కాలిపోయాయి. లక్ష రూపాయల ఆస్తి నష్టం జరిగిందని చెబుతున్నారు చికెన్ షాపు యజమానులు. సకాలంలో అగ్నిమాపక సిబ్బంది రావడంతో మంటలు అదుపులోకి వచ్చాయి.
సీఎంలు జగన్, కేసీఆర్‌పై సీపీఐ జాతీయ కార్యదర్శి నారాయణ తీవ్రస్థాయిలో ఆగ్రహం వ్యక్తం చేశారు. కేంద్రంతో పాటు ముఖ్యమంత్రులు దొంగల ముఠాలుగా మారారని ఆరోపించారు. కేసీఆర్, జగన్‌లకు బీజేపీ వ్యతిరేక ఉద్యమాల్లో పాల్గొనే చిత్తశుద్ధి ఉందా అని ప్రశ్నించారు. ఏపీలో జగన్ రెడ్డి పరిపాలన దారుణంగా ఉందని.. ఆయనే కొడతారు, ఆయనే కేసులు పెడుతున్నారని మండిపడ్డారు. టీడీపీ బూతులు 10 శాతం ఉంటే, వైసీపీ నేతల బూతులు 90 శాతం ఉన్నాయని అన్నారు. జగన్ రాక్షస పాలన సాగిస్తున్నారని వెల్లడించారు. హుజూరాబాద్‌లో బీజేపీ - టీఆర్ఎస్ పార్టీలు ప్రజాస్వామ్యాన్ని ఖూనీ చేస్తున్నాయని అన్నారు.
అక్రమ రవాణాపై కర్నూలు స్పెషల్ ఎన్‌ఫోర్స్‌మెంట్ బ్యూరో అధికారులు ఉక్కు పాదం మోపుతున్నారు. కర్నూలు అంతరాష్ట్ర చెక్ పోస్ట్ పంచలింగాల వద్ద తనిఖీల్లో రూ.75 లక్షల నగదు పట్టుకున్నారు. సరైన ఆధారాలు లేకుండా తరలిస్తున్న ఇద్దరు వ్యక్తులను సెబ్ అధికారులు అదుపులోకి తీసుకున్నారు. నగదు, కారును కూడా సీజ్ చేశారు. ఈ నగదును హైదరాబాద్ నుంచి బీదర్ ప్రాంతానికి తరలిస్తున్నట్లు సెబ్ సీఐ మంజుల తెలిపారు. కేసు నమోదు చేసుకుని కర్నూలు తరలించినట్లు సీఐ తెలిపారు.
నిజామాబాద్ జిల్లాలోని ఇందల్వాయి సమీపంలో జాతీయ రహదారిపై ఆదివారం రోడ్డు ప్రమాదం జరిగింది. ఈ ప్రమాదంలో ఒకరు మృతి చెందారు. టైరు పగిలడంతో కారు డివైడర్‌ను దాటుకుని వెళ్లి లారీని ఢీకొట్టింది. ఈ ప్రమాదంలో కారు డ్రైవర్ అక్కడికక్కడే మృతి చెందాడు. మరో నలుగురికి తీవ్ర గాయాలయ్యాయి. క్షతగాత్రులను నిజామాబాద్ ప్రభుత్వ ఆసుపత్రికి తరలించారు. మృతుడు, క్షతగాత్రులను మోర్తాడ్ మండలం పాలెం వాసులుగా గుర్తించారు.
నల్లగొండ జిల్లాలోని అనుముల మండలం తెట్టేకుంట గ్రామంలో విషాదం జరిగింది. తెట్టేకుంట సమీపంలో రెండు రోజుల క్రితం ప్రేమికులు పురుగుల మందు తాగి ఆత్మహత్యయత్నానికి పాల్పడ్డారు. వెంటనే వారిని ఆస్పత్రికి తరలించగా పరిస్థితి విషమించడంతో ఇద్దరు ప్రేమికులు నేడు మృతి చెందారు. మృతులు మట్టపల్లి కొండలు (21), సంధ్య (19)గా గుర్తించారు.
Background
హుజూరాబాద్ ఉపఎన్నిక ప్రచారం జోరుగా సాగుతోంది. నేతల మధ్య డైలాగ్స్ పేలుతున్నాయి. మీ రెండు పార్టీలు కుమ్మక్కైయ్యాయి.. లేదు మీ రెండు పార్టీలే కుమ్మక్కైయ్యాయని మాటకి మాట బదులిస్తున్నారు. ఈటల రాజేందర్ బీజీపీ, కాంగ్రెస్ ఉమ్మడి అభ్యర్థి అని మంత్రి కేటీఆర్ అగ్గిలో ఆజ్యం పోశారు. కేటీఆర్ కామెంట్స్ పై బీజేపీ, కాంగ్రెస్ గట్టిగానే బదులిచ్చాయి. తాజాగా టీపీసీసీ అధ్యక్షుడు రేవంత్‌రెడ్డి హుజూరాబాద్ ఉప ఎన్నిక ప్రచారంలో కేటీఆర్ కు కౌంటర్ ఇచ్చారు.
గోల్కొండ రిసార్ట్స్‌లో తాను, ఈటల కలిశామని కేటీఆర్ అంటున్నారని, అది బహిరంగ రహస్యమే అన్నారు. ఈటల రాజేందర్‌తో చీకటి ఒప్పందం కోసం కలవలేదని రేవంత్ రెడ్డి తెలిపారు. వేం నరేందర్‌రెడ్డి కుమారుడి లగ్న పత్రిక సందర్భంగా తాము కలిశామన్నారు. కేసీఆర్ చేసే కుట్రలన్నీ ఈటల వివరించారన్నారు. ఈటల, కిషన్‌ రెడ్డి భేటీ ఏర్పాటు చేసిందెవరని ప్రశ్నించారు. టీఆర్ఎస్ బీజేపీతో చీకటి ఒప్పందం చేసుకుందన్నారు. కిషన్‌రెడ్డి కోసం ప్రత్యేక విమానం ఏర్పాటు చేసిందెవరని రేవంత్‌రెడ్డి ప్రశ్నించారు.
Also Read: Burj Khalifa: బుర్జ్ ఖలీఫాపై బతుకమ్మ చిత్రం.. కేసీఆర్, కవిత ఫోటోలు కూడా.. మీరూ చూడండి
రేవంత్ రెడ్డిని కలిశా.. అయితే ఏంటి : ఈటల
హుజూరాబాద్ ఉప ఎన్నికలలో కాంగ్రెస్, బీజేపీ కుమ్మక్కయ్యాయని ఈటల రాజేందర్ - రేవంత్ రెడ్డి రహస్యంగా సమావేశమయ్యారని కేటీఆర్ చేసిన ఆరోపణలు సంచలనంగా మారాయి. కాదని చెపితే తాను ఫొటోలు బయటపెడతానని కేటీఆర్ సవాల్ చేశారు. దీనిపై హుజూరాబాద్ బీజేపీ అభ్యర్థి ఈటల రాజేందర్ స్పందించారు. రేవంత్ రెడ్డిని కలిశానని అయితే ఏంటని ప్రశ్నించారు. అయితే రేవంత్ రెడ్డిని కలిసింది బీజేపీలో చేరిన తర్వాత కాదని స్పష్టం చేశారు. ఎమ్మెల్యే పదవికి రాజీనామా చేసిన తర్వాత చాలా మందిని కలిశానని అప్పుడే రేవంత్ రెడ్డిని కూడా కలిశానని స్పష్టం చేశారు.
కేటీఆర్‌వి గాలి మాటలు: భట్టి విక్రమార్క
మంత్రి కేటీఆర్ గాలి మాటలు మాట్లాడుతున్నారని, ఆయన నోరు అదుపులో పెట్టుకుంటే బాగుంటుందని సీఎల్పీ నేత మల్లు భట్టి విక్రమార్క అన్నారు. రేవంత్, రాజేందర్‌లు కలిశారని, ఆ రెండు పార్టీలు కలిసి హుజూరాబాద్ ఎన్నికల్లో పోటీ చేస్తున్నాయన్న కేటీఆర్ వ్యాఖ్యలను తాము ఖండిస్తున్నామని చెప్పారు. భిన్న ధ్రువాలైన కాంగ్రెస్, బీజేపీలు హుజూరాబాద్ ఎన్నికలో ఎలా కలిసి పనిచేస్తాయని ప్రశ్నిం చారు.
Also Read: ఆ సాక్ష్యాలు బయట పెడతా.. ఎన్నికల కమిషన్ చేసిన పని కరక్టేనా.. ప్లీనరీ ఏర్పాట్లలో కేటీఆర్
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
- - - - - - - - - Advertisement - - - - - - - - -