Breaking News Live: తాటిపాక పాఠశాలలో కరోనా కలకలం... ఏడుగురు ఉపాధ్యాయులకు కోవిడ్ పాజిటివ్
తెలంగాణ, ఆంధ్రప్రదేశ్ సహా దేశ వ్యాప్తంగా అక్టోబరు 29న జరిగే తాజా వార్తలు ఎప్పటికప్పుడు ఇక్కడ చూడొచ్చు. ఈ లైవ్ బ్లాగ్ అప్ డేట్ అవుతూ ఉంటుంది. తాజా సమాచారం కోసం ఈ పేజీని రీఫ్రెష్ చేస్తూ ఉండండి.

Background
సూపర్ స్టార్ రజినీ కాంత్ ఉన్నట్టుండి ఆస్పత్రిలో చేరడంపై అభిమానులు ఒక్కసారిగా ఆందోళన చెందిన సంగతి తెలిసిందే. ఆయన ఆరోగ్య పరిస్థితి ఎలా ఉందనే అంశం బయటికి రాకపోవడంతో అందరూ కంగారు పడ్డారు. ఈ క్రమంలో తాజాగా ఆయన భార్య రజినీ...More
తూర్పుగోదావరి జిల్లా రాజోలు మండలం తాటిపాక జిల్లా పరిషత్ ఉన్నత పాఠశాలలో కరోనా కలకలం రేపుతోంది. పాఠశాలలో ఏడుగురు ఉపాధ్యాయులకు కోవిడ్ సోకింది. దీంతో విద్యార్థుల తల్లిదండ్రులు ఆందోళనకు గురవుతున్నారు. పాఠశాల ఆవరణలో, తరగతి గదులు, బెంచీలను అధికారులు శానిటైజ్ చేయించారు. ఉపాధ్యాయులు కరోనా బారినపడిన విషయాన్ని జిల్లా విద్యాశాఖ అధికారి దృష్టికి తీసుకువెళ్ళడంతో రెండు రోజుల పాటు పాఠశాలకు సెలవులు ప్రకటించారు.
హుజూరాబాద్ ఉప ఎన్నికల కారణంగా శుక్రవారం సింగాపూర్ చెక్ పోస్ట్ వద్ద పోలీసులు తనిఖీలు నిర్వహించారు. ఓ కారులో తరలిస్తున్న 4 లక్షల 96 వేల రూపాయలను పట్టుకుని సీజ్ చేసినట్లు జిల్లా ఎన్నికల అధికారి, కలెక్టర్ ఆర్.వి. కర్ణన్ తెలిపారు. హుజూరాబాద్ మండలం సింగాపూర్ వద్ద ఏర్పాటు చేసిన చెక్ పోస్ట్ వద్ద తనిఖీ చేస్తుండగా TS 08HE 0599 వాహనంలో ఎలాంటి ఆధారాలు లేకుండా తరలిస్తున్న రూ.4 లక్షల 96 వేలు నగదును పోలీసులు సీజ్ చేశారు. హుజూరాబాద్ ఉప ఎన్నిక నేపథ్యంలో అన్ని చెక్ పోస్టులలో స్టాటికల్ సర్వలెన్స్ టీంలు 24 గంటలు పకడ్బంధీగా ప్రతి వాహనాన్ని తనిఖీ చేస్తున్నారు. ఓటర్లను ప్రలోభానికి గురిచేసేందుకు డబ్బులు, మద్యం పంపిణీ చేసిన వారిపై కఠిన చర్యలు తీసుకుంటామని కలెక్టర్ హెచ్చరించారు.