Medak Realtor Murder Case Live Updates: ముగ్గురు నిందితుల గుర్తింపు.. హత్యకు కారణం ఏంటంటే..

రియల్ ఎస్టేట్ వ్యాపారి హత్యకు తొలుత వివాహేతర సంబంధం కారణమని ప్రచారం జరిగింది. కానీ అది కారణం కాదని పోలీసులు తేల్చారు. ఆర్థికపరమైన లావాదేవీలే కారణమని పోలీసులు ధ్రువీకరించారు.

11/08/2021 10:40:09

ముగ్గురు వ్యక్తులు నిందితులు

శ్రీనివాస్‌ను కారులోనే కత్తితో పొడిచి చంపిన నిందితులు.. దాదాపు ఆరు గంటల పాటు ఆ కారులోనే తిరిగినట్లు తెలుస్తోంది. ముగ్గురు వ్యక్తులు కలిసి ఈ దారుణానికి ఒడిగట్టినట్లు పోలీసులు తేల్చారు. అయితే, వారు లోన్ తీసుకొని శ్రీనివాస్‌కు అప్పు ఇచ్చినా.. ఆయన తిరిగి ఇవ్వలేదని అందుకే ఇద్దరి మధ్య విభేదాలు తలెత్తినట్లు తెలుస్తోంది.

Background

మెదక్ జిల్లాలో హత్యకు గురైన ధర్మాకర్ శ్రీనివాస్ అనే రియల్ ఎస్టేట్ వ్యాపారి కేసును పోలీసులు ఛేదించారు. తొలుత వివాహేతర సంబంధం ఈ హత్యకు కారణమని ప్రచారం జరగ్గా అది కారణం కాదని విచారణలో పోలీసులు తేల్చారు. ఆర్థికపరమైన లావాదేవీలే కారణమని పోలీసులు ధ్రువీకరించారు. దాదాపు రూ.కోటిన్నర నగదు లావాదేవీలే ఈ హత్యకు కారణంగా చెబుతున్నారు. ఈ ఆర్థిక లావాదేవీల్లో ధర్మాకర్ శ్రీనివాస్‌కు, మెదక్‌కు చెందిన మరో వ్యక్తికి మధ్య విభేదాలు తలెత్తినట్లుగా పోలీసులు గుర్తించారు. మొత్తానికి నిందితులను గుర్తించిన పోలీసులు ముగ్గురిని అదుపులోకి తీసుకున్నారు.