12వ క్లాస్ పూర్తిచేసుకున్న మంత్రి కేటీఆర్ కుమారుడు, తన మనుమడు హిమాన్షు రావుని తాత కేసీఆర్ ఆశీర్వదించారు. ఉన్నత చదువులు చదివి జీవితంలో మరింతగా ఎదగాలని దీవించారు. సమాజానికి గొప్పగా సేవ చేయాలని తెలంగాణ సీఎం కేసీఆర్ బ్లెస్ చేశారు. 12వక్లాస్ గ్రాడ్యుయేషన్ పట్టాను అందుకున్న హిమాన్షు రావును ముఖ్యమంత్రి కేసీఆర్ దంపతులు, కేటీఆర్ దంపతులు మనసారా ఆశీర్వదించారు.
మంత్రి కేటీఆర్ తనయుడు కల్వకుంట్ల హిమాన్షు రావు గచ్చిబౌలీలోని ఓ ఇంటర్నేషనల్ స్కూల్ నుంచి 12వ క్లాస్ ను పూర్తిచేసి గ్రాడ్యేయేషన్ పట్టాను అందుకున్నారు. ఈ సందర్భంగా తాను చదువుతున్న స్కూల్ లో 12 క్లాస్ గ్రాడ్యుయేషన్ డే వేడుకలు కలర్‌ఫుల్‌గా జరిగాయి. ఈ కార్యక్రమానికి హిమాన్షు తాత నాయనమ్మలైన సీఎం కేసీఆర్ దంపతులు, తల్లిదండ్రులు కేటీఆర్ శైలిమ, చెల్లెలు అలేఖ్య తదితర కుటుంబ సభ్యులు హాజరయ్యారు. గ్యాడ్యుయేషన్ డే సందర్భంగా 12వ తరగతిని విజయవంతంగా పూర్తి చేసిన విద్యార్థులకు గ్రాడ్యుయేషన్ పట్టాలను అందజేశారు.
విద్యనభ్యసిస్తూనే క్రీడలు, సాంస్కృతిక రంగం, సామాజిక సేవ తదితర రంగాల్లో అత్యంత ప్రతిభ కనబర్చిన విద్యార్థినీ విద్యార్థులకు స్కూల్ యాజమాన్యం ప్రతిభా పురస్కారాలను అందజేసింది. ఇందులో భాగంగా, సీఎం కేసీఆర్ మనుమడు హిమాన్షు రావు ‘కమ్యూనిటి యాక్టివిటీ సర్వీసెస్’ (CAS) విభాగంలో విశేష ప్రతిభను ప్రదర్శించినందుకు, హిమాన్షును CAS విభాగంలో ఎక్స్ లెన్స్ అవార్డును అందజేశారు. గ్యాడ్యుయేషన్ పట్టాను అందుకున్న హిమాన్షు వెంటనే స్టేజీ దిగివచ్చి తాత సీఎం కేసీఆర్ చేతుల్లో గ్రాడ్యుయేషన్ పట్టాను పెట్టి పాదాలకు నమస్కరించి దీవెనలను తీసుకున్నారు. చిన్నతనం నుంచీ తనచేతుల్లో పెరిగి నేడు పట్టబధ్రుడుగా ఎదిగిన మనుమడిని చూసి కేసీఆర్ గర్వంగా, ఆనందంగా ఫీలయ్యారు. హృదయపూర్వకంగా మనుమడిని అభినందించారు.
తాను చదువుకున్న పాఠశాల శిక్షణలో భాగంగా అప్పగించిన సామాజిక సేవ అంశాన్ని సవాలుగా తీసుకుని, ఆ విభాగానికి అధ్యక్షత వహిస్తూ సామాజిక సేవలో గొప్పగా ప్రతిభ కనబరిచి అందులో ఎక్స్ లెన్స్ అవార్డును పొందింనందుకు సీఎం కేసీఆర్ హిమాన్షుని అభినందించారు. భవిష్యత్తులో మరిన్ని ఉన్నత శిఖరాలను అధిరోహించాలని సీఎం కేసీఆర్ ఆశీర్వదించారు. గ్రాడ్యుయేషన్ పట్టాలనందుకుంటున్న సహచర విద్యార్థుల తల్లిదండ్రులతో పాటు ఈ కార్యక్రమానికి హాజరైన హిమాన్షు తల్లిదండ్రులు మంత్రి కేటీఆర్, శైలిమ దంపతులు తమ కుమారుడు పెరిగి పెద్దవాడై సాధించిన ప్రతిభానైపుణ్యాల చూసి పుత్రోత్సాహంతో పొంగిపోయారు.
ఈ కార్యక్రమంలో హిమాన్షు అమ్మమ్మ, మేనమామలు, ఇతర కుటుంబ సభ్యులు పాల్గొన్నారు. హిమాన్షు రావుతో పాటు గ్రాడ్యుయేషన్ పట్టాను పొందిన క్లాస్ మేట్ ఆద్విత్ బిగాల తండ్రి, BRS ఎన్నారై సెల్ గ్లోబల్ కో-ఆర్డినేటర్ మహేశ్ బిగాల, ఆయన పెదనాన్న ఎమ్మెల్యే గణేష్ బిగాల ఈ కార్యక్రమంలో పాల్గొన్నారు. గ్రాడ్యుయేషన్ డే సంద్భంగా పట్టాలు అందుకున్న విద్యార్థులు, వారి తల్లిదండ్రులు కుటుంబ సభ్యులతో సమావేశ మందిరం కిక్కిరిసింది. విద్యార్థుల హర్షధ్వానాలతో ప్రాంగణం మారు మోగింది.
హిమాన్షు ఇటీవలే గోల్డెన్‌ అవర్‌ హిమాన్షు కవర్‌ పేరుతో ఒక పాట పాడి యూట్యూబులో షేర్‌ చేశాడు. ఆ పాట విని తండ్రి కేటీఆర్ మురిసిపోయారు. తనయుడి స్వరానికి ఫిదా అవుతూ.. సూపర్‌ ప్రౌడ్‌ అండ్ ఎగ్జయిటెడ్‌ ఫర్‌ మై సన్‌ అంటూ ట్విటర్‌లో కామెంట్ చేశారు. ఐ లవ్డ్‌ ఇట్, హోప్‌ యు ఆల్ డు టూ అంటూ మెచ్చుకున్నారు. హిమాన్షు పాడిన పాట సోషల్‌ మీడియాలో ఓ రేంజిలో వైరల్ అయింది. ఆ పాట విన్న నెటిజన్లు ప్రశంసల జల్లు కురిపించారు.