Modi Hyderabad Visit Live:రామానుజాచార్యుల విగ్రహాన్ని జాతికి అంకితం ఇచ్చిన ప్రధాని మోదీ

ప్రధాన మంత్రి మోదీ హైదరాబాద్ పర్యటన వివరాలకు సంబంధించి లైవ్ అప్ డైట్స్ ఇక్కడ చూడొచ్చు.

Background

ప్రధానమంత్రి నరేంద్ర మోదీ శనివారం హైదరాబాద్‌కు రానున్నారు. నగరంలో ఇక్రిశాట్‌ అంతర్జాతీయ పరిశోధన సంస్థ స్వర్ణోత్సవాల్లో ఆ తర్వాత ముచ్చింతల్‌లో రామానుజాచార్య విగ్రహావిష్కరణలో ప్రధాని పాల్గొంటారు. అయితే, ప్రధాని హైదరాబాద్ పర్యటనలో ముఖ్యమంత్రి కేసీఆర్ ఆయన వెంటనే ఉండనున్నారు. తొలుత శంషాబాద్‌ విమానాశ్రయానికి ప్రత్యేక విమానంలో ప్రధాని మోదీ రాగా.. అక్కడ సీఎం కేసీఆర్ ఆయనకు స్వాగతం పలుకుతారు. అక్కడి నుంచి ఆయనతోపాటే హెలికాప్టర్‌లో ఇక్రిశాట్‌కు, అక్కడి నుంచి ముచ్చింతల్‌కు వస్తారు. ప్రధాని ఢిల్లీకి తిరుగు ప్రయాణం అయ్యే వరకూ సీఎం మోదీతోనే ఉండనున్నారు. అయితే, ప్రొటోకాల్‌ ప్రకారం ప్రధాని పర్యటనకు రాష్ట్ర ప్రభుత్వం తరఫున మంత్రి తలసాని శ్రీనివాస్‌ యాదవ్‌కు బాధ్యతలు అప్పగిస్తూ సీఎం కార్యాలయం శుక్రవారం మధ్యాహ్నం ఉత్తర్వులు జారీ చేసింది.ఈ ఉత్తర్వుల విడుదలతో ముఖ్యమంత్రి కేసీఆర్ ప్రధాని పర్యటనకు దూరంగా ఉంటారని అంతా భావించారు. ప్రస్తుతం కేసీఆర్ కేంద్ర ప్రభుత్వం చేస్తున్న తీవ్ర విమర్శల వల్ల మోదీని కలవరనే అభిప్రాయం వ్యక్తమైంది. కానీ, కేసీఆర్ ప్రధాని పర్యటనలో పాల్గొంటారని ఆ తర్వాత సీఎంవో వర్గాలు వెల్లడించాయి.ప్రధాని పర్యటనలో గవర్నర్‌ తమిళిసై, కేంద్ర మంత్రులు తోమర్‌, జి.కిషన్‌రెడ్డి తదితరులు పాల్గొంటారు. ప్రధాని మోదీ పర్యటన కోసం 8 వేల మంది పోలీసులతో భద్రతా చర్యలు చేపడుతున్నారు. అత్యాధునిక కమాండ్ కంట్రోల్ కేంద్రాన్ని ఏర్పాటు చేసి భద్రతా చర్యలను పర్యవేక్షిస్తున్నారు. సైబరాబాద్ కమిషనరేట్ పరిధిలో డ్రోన్స్ పై నిషేధం విధించారు పోలీసులు. రామచంద్రపురం ఇక్రిశాట్, ముచ్చింతల్ చిన జీయర్ ఆశ్రమం వద్ద డ్రోన్స్ పై నిషేధం ఉంది. నేడు ఉదయం 6 గంటల నుంచి 15వ తేదీ వరకు డ్రోన్లను నిషేధిస్తూ ఉత్తర్వులు జారీచేశారు. రిమోట్ కంట్రోల్ డ్రోన్స్, పారా గ్లైడింగ్, మైక్రో లైట్ ఎయిర్ క్రాఫ్ట్స్ పైనా నిషేధం ఉంది.ప్రధాని పర్యటనకు ప్రభుత్వం ఇప్పటికే ఏర్పాట్లు పూర్తి చేసింది. సీఎస్ సోమేశ్ కుమార్, డీజీపీ మహేందర్ రెడ్డి ముచ్చింతల్ లో ఆశ్రమాన్ని శుక్రవారం సందర్శించారు. భద్రత ఏర్పాట్లను పర్యవేక్షించారు.  పర్యటన షెడ్యూల్ ఇదీ..మధ్యాహ్నం గం. 2.10లకు శంషాబాద్ ఎయిర్ పోర్టుప్రత్యేక హెలికాప్టర్‌లో 2.45లకు ఇక్రిశాట్2.45 నుండి 4.15 వరకు ఇక్రిశాట్ 50వ వార్షికోత్సవ ప్రారంభకార్యక్రమం5 గంటలకు ముచ్చింతల్అక్కడి గెస్ట్ హౌస్‌లో 10 నిమిషాలు రీప్రెష్ అయి ప్రత్యేక వస్త్రధారణలో యాగశాలకు..5 గంటల నుంచి 8 గంటల వరకు సమతా మూర్తి విగ్రహవిష్కరణ కార్యక్రమంసాయంత్రం 7 గంటలకు సమతామూర్తి విగ్రహం జాతికి అంకితం 8.20 కి హైదరాబాద్ నుంచి ఢిల్లీకి తిరుగు ప్రయాణం 

05/02/2022 18:45:07

రామానుజాచార్యుల విగ్రహాన్ని జాతికి అంకితం ఇచ్చిన ప్రధాని మోదీ

హైదరాబాద్ ముచ్చింతల్‌ సమతామూర్తి విగ్రహాన్ని ప్రధాని మోదీ శనివారం సాయంత్రం ఆవిష్కరించారు. ముచ్చింతల్‌లో నిర్మించిన 216 అడుగుల ఎత్తైన రామానుజాచార్యుల విగ్రహాన్ని ప్రధాని మోదీ వసంత పంచమి రోజున జాతికి అంకితం ఇచ్చారు. పంచలోహాలతో రూపొందించిన ఈ విగ్రహం కూర్చున్న మూర్తుల్లో ప్రపంచంలోనే ఇది రెండో అతి పెద్ద విగ్రహం. సమతామూర్తి విగ్రహం చుట్టూ 108 ఆలయాలు నిర్మించారు. సమతామూర్తి కేంద్రాన్ని ఎల్ఈడీ దీపాలతో సర్వాంగ సుందరంగా ముస్తాబు చేశారు. వసంత పంచమి సందర్భంగా యాగశాలలో నిర్వహించిన యాగంలో ప్రధాని మోదీ పాల్గొన్నారు. యాగశాలలో ప్రధానికి చినజీయర్‌ స్వామి స్వర్ణకంకణం అలంకరించారు. ఈ కార్యక్రమంలో కేంద్ర మంత్రి కిషన్‌రెడ్డి, తెలంగాణ గవర్నర్‌ తమిళిసై పాల్గొన్నారు.

05/02/2022 18:28:19

108 వైష్ణవ ఆలయాలు సందర్శిస్తున్న ప్రధాని నరేంద్ర మోదీ

108 వైష్ణవ ఆలయాలను ప్రధాని నరేంద్ర మోదీ సందర్శిస్తున్నారు. అనంతరం సమతాస్ఫూర్తి కేంద్రం రామానుజాచార్యుల విగ్రహాన్ని ప్రధాని ఆవిష్కరించనున్నారు. నేతలు బండి సంజయ్, సుధాకర్ రెడ్డి సమతా స్ఫూర్తి కేంద్రంలో మోదీకి స్వాగతం పలికారు.

05/02/2022 18:14:42

యాగశాల నుంచి సమతా స్ఫూర్తి కేంద్రానికి బయలుదేరిన ప్రధాని

యాగశాల నుంచి ముచ్చింతల్ సమతా స్ఫూర్తి కేంద్రానికి ప్రధాని నరేంద్ర మోదీ, గవర్నర్ బయలుదేరారు. తొలుత 108 వైష్ణవ ఆలయాలను ప్రధాని సందర్శించనున్నారు.

05/02/2022 18:11:51

విష్వక్సేనేష్ఠి యాగం పూర్ణాహుతి చేసిన ప్రధాని మోదీ

యాగశాలలో ప్రధాని నరేంద్ర మోదీకి  చినజీయర్ స్వామి స్వర్ణ కంకణం కట్టారు. అనంతరం ప్రధాని, గవర్నర్ విష్వక్సేనేష్ఠి యాగంలో పాల్గొన్నారు. విష్వక్సేనేష్ఠి యాగం పూర్ణాహుతి చేశారు.

05/02/2022 18:04:20

శ్రీలక్ష్మీనారాయణ మహాయాగంలో పాల్గొన్న ప్రధాని మోదీ

యాగశాలకు చేరుకున్న ప్రధాని మోదీ శ్రీలక్ష్మీనారాయణ మహాయాగంలో పాల్గొన్నారు. మరో యాగంలోనూ ప్రధాని మోదీ పాల్గొన్నారు.

05/02/2022 17:25:48

రంగారెడ్డి జిల్లా ముచ్చింతల్ చేరుకున్న ప్రధాని మోదీ

ప్రధాని నరేంద్ర మోదీ రంగారెడ్డి జిల్లా శంషాబాద్ సమీపంలోని ముచ్చింతల్ చేరుకున్నారు. శ్రీలక్ష్మీనారాయణ మహాయాగం పూర్ణాహుతిలో ప్రధాని పాల్గొంటారు. అక్కడే సమతామూర్తి విగ్రహాన్ని ఆవిష్కరించనున్నారు.

05/02/2022 17:09:43

ముచ్చింతల్‌లో రూ.12 వేల కోట్లతో సమతామూర్తి స్ఫూర్తి కేంద్రం నిర్మాణం

రంగారెడ్డి జిల్లా శంషాబాద్ సమీపంలోని ముచ్చింతల్‌లో రూ.12 వేల కోట్లతో సమతామూర్తి స్ఫూర్తి కేంద్రం నిర్మించారు. భద్రవేదికపై ఏర్పాటు చేసిన 216 అడుగుల రామానుజుల విగ్రహాన్ని ప్రధాని మోదీ ప్రారంభించనున్నారు.

05/02/2022 17:06:05

ఇక్రిశాట్ నుంచి ముచ్చింతల్ బయలుదేరిన ప్రధాని మోదీ

ఇక్రిశాట్ నుంచి  ప్రధాని మోదీ బయలుదేరారు. పటాన్‌చెరు ఇక్రిశాట్ నుంచి హెలికాప్టర్‌లో బయలుదేరి ముచ్చింతల్ చేరుకోనున్నారు.

05/02/2022 14:41:28

హైదరాబాద్‌కు చేరుకున్న ప్రధాని మోదీ

ప్రధాని నరేంద్ర మోదీ ఢిల్లీ నుంచి హైదరాబాద్‌లోని శంషాబాద్‌ ఎయిర్‌పోర్టుకు చేరుకున్నారు. గవర్నర్‌ తమిళిసై, కేంద్రమంత్రి కిషన్‌రెడ్డి, రాష్ట్ర ప్రభుత్వ ఉన్నతాధికారులు ఆయనకు ఘన స్వాగతం పలికారు. స్వల్ప అస్వస్థత కారణంగా సీఎం కేసీఆర్‌ ప్రధాని స్వాగత కార్యక్రమానికి హాజరు కాలేదు. అక్కడి నుంచి వెంటనే ప్రధాని ఇక్రిశాట్‌కు పయనం అయ్యారు.

05/02/2022 09:28:47

ప్రధాని పర్యటకు పటిష్ఠంగా తనిఖీలు

రంగారెడ్డి జిల్లా శంషాబాద్ మండలంలోని ముచ్చింతల శ్రీరామ్ నగర్ లో ప్రధాని నరేంద్ర మోడీ పర్యటనకు భారీ భద్రత ఏర్పాట్లు చేశారు. ప్రధాని మోదీ పర్యటించే రోడ్డు మార్గంలో ఎస్సీజీ అధికారులు రిహార్సల్స్ చేస్తున్నారు. డాగ్ స్క్వాడ్ బాంబ్ స్క్వాడ్ బృందాల తనిఖీలు చేస్తున్నాయి.

05/02/2022 09:28:11

హైదరాబాద్ పర్యటనపై మోదీ ట్వీట్లు

‘నేడు రోజు హైదరాబాద్‌లో జరిగే రెండు కార్యక్రమాల్లో పాల్గొనేందుకు ఆసక్తిగా ఎదురుచూస్తున్నాను. మధ్యాహ్నం 2:45 గంటలకు వ్యవసాయ, ఆవిష్కరణలకు వేదికైన ఇక్రిశాట్ స్వర్ణోత్సవ వేడుకల్లో పాల్గొంటున్నాను’’ అని ట్విటర్‌ లో రాసుకొచ్చారు మోడీ. సాయంత్రం 5 గంటలకు సమతా మూర్తి విగ్రహాన్ని ఆవిష్కరించనున్నానని మరో ట్వీట్ చేశారు.