Jubilee Hills By Election Results 2025 LIVE: 24,658 ఓట్ల ఆధిక్యంతో జూబ్లీహిల్స్ ఉపఎన్నికలో కాంగ్రెస్ విజయం
Jubilee Hills Election 2025 Result LIVE Updates: జూబ్లీహిల్స్ ఉప ఎన్నికల ఓట్ల లెక్కింపు ఉదయం 8 గంటలకు మొదలవుతుంది. అయితే తమదే విజయం అని బీజేపీ, బీఆర్ఎస్, కాంగ్రెస్ నేతలు ధీమాగా ఉన్నారు.
Shankar Dukanam Last Updated: 14 Nov 2025 01:10 PM
Background
హైదరాబాద్: హైదరాబాద్లోని జూబ్లీహిల్స్ అసెంబ్లీ నియోజకవర్గ ఉపఎన్నిక అభ్యర్థుల భవితవ్యం మరికొన్ని గంటల్లో తేలనుంది. గెలిచేది తామేనని అధికార కాంగ్రెస్ ధీమాగా ఉంది. సిట్టింగ్ సీటు మళ్లీ గెలుస్తున్నామని బీఆర్ఎస్ నేతలు చెబుతున్నారు. ఈసారి మార్పు చూపిస్తామని బీజేపీ చెబుతోంది. యూసుఫ్గూడలోని...More
హైదరాబాద్: హైదరాబాద్లోని జూబ్లీహిల్స్ అసెంబ్లీ నియోజకవర్గ ఉపఎన్నిక అభ్యర్థుల భవితవ్యం మరికొన్ని గంటల్లో తేలనుంది. గెలిచేది తామేనని అధికార కాంగ్రెస్ ధీమాగా ఉంది. సిట్టింగ్ సీటు మళ్లీ గెలుస్తున్నామని బీఆర్ఎస్ నేతలు చెబుతున్నారు. ఈసారి మార్పు చూపిస్తామని బీజేపీ చెబుతోంది. యూసుఫ్గూడలోని కోట్ల విజయభాస్కర్రెడ్డి ఇండోర్ స్టేడియంలో ఉదయం 8 గంటలకు ఓట్ల లెక్కింపు ప్రారంభమవుతుంది. లెక్కింపు కేంద్రం వద్ద 144 సెక్షన్ అమలు చేస్తున్నారు. మొత్తం 58 మంది అభ్యర్థులు పోటీ చేయగా ప్రధానంగా బీఆర్ఎస్, బీజేపీ, కాంగ్రెస్ అభ్యర్థుల మధ్య పోటీ ఉండనుంది. ఒక్కో రౌండ్ ఫలితం వెల్లడించడానికి కనీసం 40 నిమిషాలు పట్టనుండగా, మొత్తం 10 రౌండ్లు ఉంటాయి. మధ్యాహ్నం 2 గంటలకల్లా రిజల్ట్ వచ్చేస్తుందని జిల్లా ఎన్నికల అధికారి ఆర్వీ కర్ణన్ వెల్లడించారు. ఓట్ల లెక్కింపు ఏర్పాట్లపై ఆయన గురువారం స్ట్రాంగ్రూమ్ వద్ద మీడియాతో మాట్లాడారు. రాష్ట్ర చీఫ్ ఎలక్టోరల్ అధికారి సుదర్శన్రెడ్డి సైతం ఎన్నికల ఫలితాలపై ఒక ప్రకటన విడుదల చేశారు.లెక్కింపు ప్రక్రియ కోసం కోట్ల విజయభాస్కర్ రెడ్డి స్టేడియంలో రెండు వరుసల్లో మొత్తం 42 టేబుళ్లను ఏర్పాటు చేశారు. ఒక్కో రౌండ్లో 42 పోలింగ్ కేంద్రాల ఈవీఎంల ఫలితం వెల్లడి కానుంది. నియోజకవర్గంలోని మొత్తం 407 పోలింగ్ కేంద్రాల ఫలితాలు పది రౌండ్లలో లెక్కిస్తారు. 186 మంది సిబ్బంది ఓట్ల లెక్కింపులో పాల్గొననున్నారు. ఉదయం 8 గంటలకు 103 బ్యాలెట్ ఓట్లతో లెక్కింపు మొదలవుతుంది. ప్రతి అభ్యర్థి తరఫున ఏజెంట్లు..ప్రతి టేబుల్ వద్ద ప్రతి అభ్యర్థి తరఫున ఒక్కో ఏజెంట్ ఉంటారు. వారి సమక్షంలోనే ఈవీఎంలపై ఉండే సీళ్లను తొలగించి, రిజల్ట్ చెక్ చేస్తారు. ఏజెంట్లు ఏవైనా అభ్యంతరాలు వ్యక్తం చేస్తే, కౌంటింగ్ సూపర్వైజర్, రిటర్నింగ్ అధికారి కలిసి విచారణ చేపడతారు. ఓట్ల లెక్కలో వ్యత్యాసం తేలితే, రిటర్నింగ్ అధికారి ఆ పోలింగ్ కేంద్రానికి సంబంధించిన వీవీప్యాట్ లోని చీటీలను గుర్తుల వారీగా లెక్కిస్తారు. అన్ని రౌండ్లు పూర్తయిన తర్వాత రిటర్నింగ్ అధికారి తుది ఫలితాన్ని వెల్లడించి, విజేతకు గెలుపు పత్రం అందజేస్తారు.ఎలాంటి ఫిర్యాదులు రాకున్నా, నియోజకవర్గానికి ఐదు వీవీప్యాట్ డబ్బాల్లోని చీటీలను తప్పనిసరిగా లెక్కించాల్సి ఉంటుంది. ఈ నియమాన్ని జూబ్లీహిల్స్ ఉపఎన్నికల్లో పాటించనున్నారు. ఓవరాల్ గా వివరాలు నమోదు చేసే ప్రక్రియ సాయంత్రానికి పూర్తవుతుందని అధికారులు భావిస్తున్నారు. అయితే ఎన్నికల ఫలితాలు వచ్చాక ర్యాలీలు చేయడం, క్రాకర్స్ కాల్చడంపై నిషేధం అమల్లో ఉందని పోలీసులు తెలిపారు.
Jubilee Hills By Election Results 2025 LIVE: 24,658 ఓట్ల ఆధిక్యంతో జూబ్లీహిల్స్ ఉపఎన్నికలో కాంగ్రెస్ విజయం
Jubilee Hills By Election Results 2025 LIVE: జాబ్లీహిల్స్ ఉపఎన్నికలో కాంగ్రెస్ పార్టీ భారీ విజయం సాధించింది. దాదాపు 25వేల ఓట్ల మెజార్టీతో కాంగ్రెస్ పార్టీ అభ్యర్థి నవీన్ యాదవ్ విజయం సాధించారు. పది రౌండ్లలో ఈ నియోజకవర్గం ఓట్ల లెక్కింపు పూర్తి అయ్యింది.