Fire Accident at Niloufer Hospital in Hyderabad: హైదరాబాద్: భాగ్యనగరంలో మరోచోట అగ్ని ప్రమాదం సంభవించింది. నగరంలోని నీలోఫర్ ఆసుపత్రిలో బుధవారం సాయంత్రం అగ్ని ప్రమాదం చోటుచేసుకుంది. మొదటి అంతస్తులో మంటలు చెలరేగడంతో దట్టమైన పొగ వ్యాపించినట్లు సమాచారం. మంటలు ఇతర అంతస్తులకు వ్యాపిస్తుండటంతో బిల్డింగ్ లో చిక్కుకున్న డాక్టర్లు, పేషెంట్లు, వారి బంధువులు భయాందోళనకు గురవుతున్నారు. సమాచారం అందుకున్న అగ్నిమాపక సిబ్బంది వెంటనే అక్కడికి చేరుకుని మంటల్ని అదుపులోి తెచ్చేందుకు ప్రయత్నిస్తోంది. హాస్పిటల్ మొదటి అంతస్తులో ల్యాబ్ లో మంటలు చెలరేగాయని సమాచారం. ప్రమాదానికి గల కారణాలు, పూర్తివివరాలు తెలియాల్సి ఉంది.