Breaking News: నక్కలవాగులో విద్యార్థి గల్లంతు
ఏపీ, తెలంగాణ రాష్ట్రాలతో పాటు దేశ వ్యాప్తంగా, అంతర్జాతీయంగా నేడు జరిగే వార్తల అప్‌డేట్స్, వివరాలు మీకోసం
చిత్తూరు జిల్లా రామచంద్రాపురం మండలంలోని నక్కలవాగు దాటుతూ 6వ తరగతి విద్యార్థి గల్లంతయ్యాడు. స్కూల్ నుంచి ఇంటికి వస్తుండగా ఈ ప్రమాదం చోటుచేసుకుంది. విద్యా్ర్థి వెంకటాపురానికి గ్రామానికి చెందినవాడని తోటి విద్యార్థులు అంటున్నారు. విషయం తెలిసిన విద్యార్థి తల్లిదండ్రులు ఆందోళనల చెందుతున్నారు. సంఘటన స్థలానికి చేరుకున్న ఫైర్ సిబ్బంది గాలింపు చర్యలు చేపట్టారు. ఇదే వాగులో 20 రోజుల ఒకరు గల్లంతైనట్లు అధికారులు తెలిపారు.
కర్నూలు జిల్లా పోలీసు కార్యాలయంలో ఎస్.ఐ. గా విధులు నిర్వహిస్తోన్న రాఘవరెడ్డి ఆత్మహత్య చేసుకున్నారు. నగరంలో వెంకటరమణ కాలనీలో ఉన్న తన అపార్ట్మెంట్ లో విషం తాగి ఆత్మహత్య చేసుకున్నారు. గమనించిన స్థానికులు పోలీసులకు సమాచారం అందించారు. ఆసుపత్రికి తరలించగా అప్పటికే మృతి చెందారని వైద్యులు తెలిపారు. రాఘవరెడ్డికి భార్య ఇద్దరు కుమారులు ఉన్నారు. కుటుంబ పరిస్థితుల కారణంగా ఆత్మహత్య చేసుకున్నట్లు తెలుస్తోంది. ఇద్దరు కుమారులు వేరే రాష్ట్రంలో ఉద్యోగం చేస్తున్నారు.
కడపలోని వరద ప్రభావిత ప్రాంతాల్లో సీపీఐ రాష్ట్ర కార్యదర్మి రామకృష్ణ పర్యటించారు. వరద నష్టాన్ని జాతీయ విపత్తుగా ప్రకటించి కేంద్రం ఆదుకోవాలని డిమాండ్ చేశారు. వరదల విషయంలో జగన్ స్పందన సరిగా లేదన్నారు. మృతుల కుంటుంబాలకు 25లక్షల రూపాయలు పరిహారం ఇవ్వాలని కోరారు. ఈనెల 10వ తేదిన సీపీఐ జాతీయ కార్యదర్మి డి. రాజా వరద ప్రాంతాల్లో పర్యటిస్తారని తెలిపారు.
లోక్‌సభ నుంచి టీఆర్ఎస్ ఎంపీలు వాకౌట్ చేశారు. పార్లమెంట్ సమావేశాలలో ధాన్యం కొనుగోలు అంశంపై కేంద్రం స్పష్టత ఇవ్వాలని డిమాండ్ చేస్తున్నా ప్రకటన రావడం లేదు. ధాన్యం సేకరణపై కేంద్రం వైఖరిని నిరసిస్తూ టీఆర్ఎస్ ఎంపీలు మంగళవారం లోక్‌సభ నుంచి వాకౌట్ చేశారు. ఇది కేవలం టీజర్ మాత్రమేనని.. తమ కార్యాచరణ త్వరలోనే వెల్లడిస్తామన్నారు. టీఆర్ఎస్ ఎంపీలు మరికాసేపట్లో మీడియాతో మాట్లాడనున్నారని సమాచారం.
అమరావతి రాజధాని రైతుల మహా పాదయాత్ర నేడు 37 వ రోజుకు చేరుకుంది. రైతుల పాదయాత్ర నేడు చిత్తూరు జిల్లాలోకి ప్రవేశించింది. ఈ సందర్భంగా రైతులకు ముఖ్య నేతలు స్వాగతం పిలికారు. ట్రాక్టర్లతో ర్యాలీగా చిత్తూరులోకి ప్రవేశిస్తూ ముందుకు సాగారు. కాగా, నిన్న అమరావతి రైతులు బస చేయాల్సిన భూమిని ఏర్పేడులో డున్నేయడం వివాదాస్పదంగా మారింది.
వరంగల్ జిల్లా: వర్ధన్నపేట మండలం ఇల్లంద గ్రామంలోని కస్తూర్బా గాంధీ బాలికల పాఠశాలలో విద్యార్థిని మృతిచెందింది. 7వ తరగతి చదువుతున్న నందిని అనే విద్యార్థిని తీవ్ర జ్వరంతో మృతిచెందింది. 10 రోజుల నుంచి జ్వరంతో ఇబ్బందులు పడుతున్నా.. పాఠశాల యాజమాన్యం నిర్లక్ష్యం వహించడమే కారణమని బంధువుల ఆరోపిస్తున్నారు. విద్యార్థిని మృతదేహంతో పాఠశాల ఎదుట బంధువులు ఆందోళన చేస్తున్నారు.
నేడు హైదరాబాద్ కలెక్టరేట్ ఎదుట పెన్షన్ దారుల నిరసన. పాత పద్ధతిలోనే పెన్షన్ విధానం అమలు చేయాలని డిమాండ్.
నేడు నల్లగొండ జిల్లాకు మంత్రి కేటీఆర్. టీఆర్ఎస్ స్థానిక సంస్థల అభ్యర్థులకు సంబంధించి ఓటర్లకు శిక్షణ ఇవ్వనున్న మంత్రి కేటీఆర్
నేడు నిజామాబాద్ జిల్లాలో ఎమ్మెల్సీ కవిత బహిరంగ సభ ..
నేడు నేడు నిమ్స్ లో కొత్త డిపార్ట్మెంట్లు ,అధునాతన విభాగాలను ప్రారంభించనున్న హరీష్ రావు
నేడు ఉదయం పదకొండు గంటలకు బీజేపీలో చేరనున్న తీన్మార్ మల్లన్న..
తెలుగు రాష్ట్రాల ప్రజలను భయపెడుతున్న ఒమెక్రాన్ వేరియంట్‌పై తెలంగాణ విద్యా శాఖ మంత్రి సబితా ఇంద్రారెడ్డి కీలక నిర్ణయాలు తీసుకునే అవకాశం ఉంది. నేడు రంగారెడ్డి జిల్లా జెడ్పీ సీఈఓ కార్యాలయంలో 12 గంటలకు వివిధ శాఖల అధికారులతో నిర్వహించే ప్రత్యేక సమీక్షా సమావేశానికి మంత్రి హాజరుకానున్నారు. ఈ సందర్భంగా కోవిడ్ పై ప్రత్యేక చర్యలు, తీసుకోవాల్సిన జాగ్రత్తలు, పాఠశాలలు నిర్వహించాలా వద్దా అనే వాటిపై మీడియా సమావేశంలో ప్రకటించే అవకాశం ఉందని ఒక ప్రకటనలో తెలిపారు.
నేటి నుంచి ఏపీ ఉద్యోగుల పోరుబాట.. పీఆర్సీపై ప్రభుత్వానికి ఇచ్చిన గడువు ముగియడం ముగియడంతో పోరుబాట..
ఏపీలో నేటినుంచి పొగాకు ఉత్పత్తులపై నిషేధం.
నేడు సుజనాచౌదరి పిటీషన్ పై తెలంగాణ హైకోర్టులో విచారణ.. ఈడీ కేసు కొట్టివేయాలని సుజనా చౌదరి పిటీషన్.
నేడు ఉదయం పదకొండు గంటలకు సీఎం జగన్ అధ్యక్షతన రాష్ట్రస్థాయి బ్యాంకర్ల సమావేశం ..హాజరు కానున్న వివిధ బ్యాంకుల ప్రతినిధులు, రాష్ట్ర ఉన్నతాధికారులు
నేడు 37వ రోజు వెంకటగిరిలో ప్రారంభంకానున్న రాజధాని రైతుల మహా పాదయాత్ర
Background
వాయువ్య బంగాళాఖాతంలో అల్ప పీడనం కొనసాగుతోంది. జవాద్ తుపాను ఒడిశాలోని పూరీకి సమీపంలో బలహీనపడి తీరాన్ని దాటింది. అయితే పశ్చిమ బెంగాల్, బంగ్లాదేశ్ తీరాల్లో అల్పపీడనం తీవ్ర వాయుగుండంగా మారి బలహీన పడుతుందని భారత వాతావరణ కేంద్రం తెలిపింది. సముద్ర మట్టానికి 4.5 కిలోమీటర్ల ఎత్తులో ఉపరితల ఆవర్తనం నెలకొని ఉందని, దాని ఫలితంగా ఏపీలో మరో రెండు రోజులపాటు ఓ మోస్తరు వర్షాలు కురవనున్నాయని అధికారులు వెల్లడించారు.
జవాద్ తుఫాను అల్పపీడనంగా మారి బలహీనపడటంతో పశ్చిమ బెంగాల్, ఒడిశా రాష్ట్రాల్లో కొన్ని చోట్ల ఓ మోస్తరు నుంచి భారీ వర్షాలు కురుస్తున్నాయి. ఏపీలోని ఉత్తరాంధ్ర జిల్లాలైన శ్రీకాకుళం, విజయనగరం, విశాఖపట్నంలో రెండు రోజులపాటు ఓ మోస్తరు వర్షాలు కురిసే అవకాశం ఉందని అమరావతి వాతావరణ కేంద్రం అంచనా వేసింది. ఉత్తర కోస్తాంధ్రతో పాటు యానాం ప్రాంతాల్లోనూ తేలికపాటి నుంచి ఓ మోస్తరు వర్షాలు కురుస్తాయని తెలిపింది. ఒకట్రెండు చోట్ల తేలికపాటి జల్లులు పడతాయని అమరావతి వాతావరణ కేంద్రం పేర్కొంది. ఎలాంటి హెచ్చరికలు జారీ చేయలేదు. అయితే రేపటి నుంచి రెండు రోజులపాటు ఉరుములు, మెరుపులతో కూడిన వర్షాలు కురిసే అవకాశం ఉందని అధికారులు అంచనా వేశారు.
తెలుగు రాష్ట్రాల్లో బంగారం ధర నేడు నిలకడగా ఉంది. వెండి ధరలో మాత్రం స్వల్ప పెరుగుదల కనిపించింది. తాజాగా 22 క్యారెట్ల 10 గ్రాముల (తులం) బంగారం ధర, ఇవాళ హైదరాబాద్ మార్కెట్‌లో రూ.44,760 గా ఉంది. 24 క్యారెట్ల ప్యూర్ బంగారం ధర ప్రస్తుతం రూ.48,830 గా ఉంది. ఇక స్వచ్ఛమైన వెండి ధర హైదరాబాద్ మార్కెట్‌లో కిలో రూ.65,600గా ఉంది. తెలంగాణ వ్యాప్తంగా మిగతా నగరాల్లోనూ ఇవే ధరలు అమల్లో ఉంటున్నాయి.
ఇక విశాఖపట్నం మార్కెట్‌లోనూ 22 క్యారెట్ల బంగారం ధర రూ.44,760 గా ఉండగా.. 24 క్యారెట్ల బంగారం ధర రూ.48,830గా ఉంది. ఇక్కడ వెండి ధర హైదరాబాద్ తరహాలోనే కిలో రూ.65,600 గా ఉంది. విజయవాడలోనూ పసిడి ధర పెరిగింది. 22 క్యారెట్ల ఆర్నమెంటు బంగారం ధర నేడు రూ.44,760 గా ఉంది. 24 క్యారెట్ల బిస్కెట్ బంగారం ధర రూ.48,830గా ఉంది. ఇక్కడ కిలో వెండి ధర రూ.65,600గా ఉంది.
తెలంగాణలో..
హైదరాబాద్‌లో నేడు పెట్రోల్ ధర లీటరుకు రూ.108.20గా స్థిరంగానే ఉంది. డీజిల్ ధర లీటరుకు రూ.94.62 గా నిలకడగానే ఉంది. గత కొన్ని రోజుల నుంచి హైదరాబాద్‌లో నిలకడగానే ధరలు ఉంటున్నాయి. ఇక వరంగల్‌లోనూ మూడు రోజులుగా ఇంధన ధరలు నిలకడగానే ఉంటుండగా.. తాజాగా పెరిగాయి. పెట్రోల్ ధర రూ.0.19 పైసలు పెరిగి రూ.107.88 అయింది. డీజిల్ ధర రూ.0.17 పైసలు పెరిగి రూ.94.31 గా కొనసాగుతోంది. వరంగల్ రూరల్ జిల్లాలో సైతం ఇవే ఇంధన ధరలు కొనసాగుతున్నాయి.నిజామాబాద్‌లో ఇంధన ధరలు నేడు స్వల్పంగా తగ్గాయి. పెట్రోల్ ధర లీటరుకు రూ.0.06 పైసలు తగ్గింది. దీంతో లీటరు ధర రూ.110.40 గా ఉంది. డీజిల్ ధర రూ.0.06 పైసలు పెరిగి రూ.96.66 గా ఉంది. గత కొన్ని రోజులుగా నిజామాబాద్‌లో ఇతర ప్రాంతాలతో పోలిస్తే ఇంధన ధరల్లో హెచ్చుతగ్గులు ఎక్కువగా కనిపిస్తున్నాయి.
ఆంధ్రప్రదేశ్‌లో ఇంధన ధరలు ఇలా..
విశాఖపట్నం మార్కెట్‌లో పెట్రోల్ ధర ప్రస్తుతం రూ.109.65గా ఉంది. పాత ధరతో పోలిస్తే ఏకంగా రూ.0.34 పైసలు తగ్గింది. డీజిల్ ధర విశాఖపట్నంలో రూ.95.74గా ఉంది. ఇది ఏకంగా రూ.0.31 పైసలు తగ్గింది. ఇక విజయవాడ మార్కెట్‌లో పెట్రోల్ ధర నేడు స్వల్పంగా తగ్గింది. లీటరుకు రూ.0.28 పైసలు తగ్గి ప్రస్తుతం రూ.110.43 గా ఉంది. డీజిల్ ధర కూడా రూ.0.26 పైసలు తగ్గి రూ.96.51గా ఉంది. అయితే, అమరావతి ప్రాంతంలో కొద్ది రోజుల ఇంధన ధరలు గమనిస్తే స్వల్పంగా హెచ్చుతగ్గులు ఉన్నాయి.
- - - - - - - - - Advertisement - - - - - - - - -