Breaking News Live Telugu Updates: బీజేపీ ఎమ్మెల్యే రాజాసింగ్ కు బెయిల్ మంజూరు!

ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్‌డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.

Background

Breaking News Live Telugu Updates: ఏపీలో వైఎస్ఆర్ నేతన్న నేస్తం పథకం కింద నిధులు ఇవాళ విడుదల చేయనున్నారు.  ముఖ్యమంత్రి వైఎస్‌ జగన్మోహన్ రెడ్డి  వైఎస్ఆర్ నేతన్న నేస్తం పథకం కింద లబ్దిదారుల ఖాతాల్లోకి బటన్ నొక్కి నేరుగా నిధులను జమ చేయనున్నారు. క్రిష్ణా జిల్లా మచిలీపట్నం రెవెన్యూ డివిజన్ లోని పెడన మండలం తోటముూల గ్రామం ఇందుకు వేదిక కానుంది. ఆ సందర్భంగానే ముఖ్యమంత్రి జగన్ బహిరంగ సభలో ప్రసంగిస్తారు. మచిలీపట్నం నుంచి పార్లమెంటరీ నియోజకవర్గం కేంద్రంగా కృష్ణా జిల్లా ఏర్పాటైన తరువాత సీఎం అక్కడికి వెళ్లడం ఇదే తొలిసారి.ముఖ్యమంత్రి పర్యటన, బహిరంగ సభకు సంబంధించిన ఏర్పాట్లపై గృహ నిర్మాణ శాఖ మంత్రి జోగి రమేష్ అధికారులతో సమీక్ష నిర్వహించారు. జోగి రమేష్ సొంత అసెంబ్లీ నియోజకవర్గం కూడా అదే కావడంతో వైఎస్ జగన్ పర్యటన, బహిరంగ సభ నిర్వహణను ప్రతిష్ఠాత్మకంగా తీసుకున్నారు. ఆయనతో పాటు తలసీల రఘురామ్, మాజీ మంత్రి పేర్ని నాని, జిల్లా కలెక్టర్ రంజిత్, ఎస్పీ జోషువా ఏర్పాట్లను పర్యవేక్షిస్తున్నారు. అధికారుల అంచనా మేరకు ఈ బహిరంగ సభకు దాదాపు 50 వేల మంది వరకూ హాజరవుతారని ప్రాథమికంగా అంచనా వేస్తున్నారు. అందుకు తగ్గట్లుగా ఏర్పాట్లు చేయాలని అధికారులను ఆదేశించారు. ఒక్క పెడనలోనే వైఎస్ఆర్ నేతన్న నేస్తం పథకం కింద లబ్దిదారులు 3,161 వేల మంది ఉన్నారు. వారందరినీ ఈ బహిరంగ సభకు పిలవాలని నిర్ణయించారు. అందులో నుంచి 20 మంది నేతన్నలను ఎంపిక చేసి సీఎం జగన్ తో ఫోటో దిగేందుకు ప్రణాళిక చేయనున్నారు. ఈ ప్రాంతం కళంకారీ కళకు ప్రసిద్ధి అయినందున ప్రత్యేకంగా రూపొందించిన కళంకారీ ఫ్రేమును ముఖ్యమంత్రినిక బహూకరించనున్నట్లుగా కలెక్టర్ రంజిత్ బాషా తెలిపారు.పథకం లక్ష్యం ఇదీచేనేత కార్మికులను ప్రోత్సహించేందుకు, వారికి ఆర్థిక సాయం అందించడం ఈ పథకం లక్ష్యం. వైఎస్ఆర్ నేతన్న నేస్తం పథకం కింద ప్రతి సంవత్సరం సొంత మగ్గాలు ఉన్న నేత కార్మికుల బ్యాంకు ఖాతాల్లో రూ.24 వేలు నేరుగా సీఎం జగన్ బటన్ నొక్కి జమ చేస్తారు. అలా ఐదేళ్ల కాలంలో ప్రతి లబ్ధిదారుడికి రూ.1.2 లక్షలు అందుతుంది.పథకం అర్హతఈ పథకం కింద, దరఖాస్తుదారు ఆంధ్రప్రదేశ్‌కు చెందిన వ్యక్తిగా ఉండాలి. దరఖాస్తుదారుడు వైఎస్ఆర్ నేతన్న నేస్తం పథకానికి దరఖాస్తు చేసుకోవాలనుకుంటే, అతను లేదా ఆమె తప్పనిసరిగా వృత్తి పరంగా నేత అయి ఉండాలి. ఈ పథకం కింద, దరఖాస్తుదారు చేనేత సంఘంలో నమోదు చేసుకోవాలి. ఈ పథకం కింద దరఖాస్తు చేసుకునే వ్యక్తి తప్పనిసరిగా దారిద్య్ర రేఖకు దిగువన ఉండాలి. మగ్గాలు ఎన్ని ఉన్నా ఒక కుటుంబంలో ఒకరికే ప్రయోజనం అందుతుంది.ఎలా దరఖాస్తు చేయాలి? కావాల్సిన పత్రాలు* సచివాలయాలు సిద్ధం చేసిన లిస్టును వెరిఫై చేసి లబ్ధిదారులను గుర్తిస్తారు. వాలంటీర్లు, సిబ్బంది బయోమెట్రిక్ తీసుకుని ఎంట్రీ చేస్తారు. ఆ విధంగా ఎంట్రీ చేసిన లిస్టు MPDO లేదా MC లు మరోసారి ధ్రువీకరించి చేనేత శాఖ ద్వారా ఫైనల్ లిస్టును ప్రకటిస్తారు.* పత్రాలు అడ్రస్ ప్రూఫ్, ఆధార్ కార్డ్ లేదా ఓటర్ ఐడీ కార్డ్ వంటివి, రాష్ట్ర చేనేత సంఘం జారీ చేసిన రిజిస్ట్రేషన్ సర్టిఫికేట్ తెల్ల రేషన్ కార్డు/దారిద్య్ర రేఖ (BPL) సర్టిఫికెట్ బ్యాంక్ ఖాతా వివరాలు కావాలి.* వీటితో రాష్ట్ర/జిల్లా స్థాయిలో అమలు చేసే ఏజెన్సీని సంప్రదించాలి.* గ్రామ సచివాలయాలు సిద్ధం చేసిన నేతన్న నేస్తం లబ్ధిదారుల లిస్టు ఆన్‌లైన్‌లో, ఆఫ్‌లైన్‌లో అందుబాటులో ఉంటుంది. సచివాలయాలలో పాటు అధికారిక వెబ్‌సైట్‌లో లిస్టును పెడతారు.

23/08/2022 19:30:37

బీజేపీ ఎమ్మెల్యే రాజాసింగ్ కు బెయిల్ మంజూరు

Mla Raja Singh : బీజేపీ ఎమ్మెల్యే రాజా సింగ్  రిమాండ్ ను  నాంపల్లి కోర్టు రిజెక్ట్ చేసింది. 41  సీఆర్సీపీ కండిషన్ ను పోలీసులు పాటించలేదని  కోర్టు అభిప్రాయపడింది. పోలీసులు రిమాండ్ చేసిన విధానం సరిగా లేదన్న కోర్టు...  రాజా సింగ్ రిమాండ్ ను తిరస్కరించింది.  వెంటనే రాజాసింగ్ ను విడుదల చేయాలని ఆదేశించింది. అయితే అంతకు ముందు రాజాసింగ్ కు కోర్టు 14 రోజుల రిమాండ్ విధించినట్లు వార్తలు వచ్చాయి. 

23/08/2022 18:25:41

బీజేపీ ఎమ్మెల్యే రాజాసింగ్ కు 14 రోజుల రిమాండ్

Raja Singh : బీజేపీ ఎమ్మెల్యే రాజాసింగ్ కు నాంపల్లి కోర్టు 14 రోజులు రిమాండ్ విధించింది. రాజాసింగ్ ను చంచల్ గూడా జైలుకి తరలించారు. మహమ్మద్ ప్రవక్తపై అనుచిత వ్యాఖ్యలు చేసిన కారణంగా రాజాసింగ్ ను పోలీసులు అరెస్టు చేశారు. ఆయనను పార్టీ నుంచి బీజేపీ సస్పెండ్ చేసింది. 10 రోజుల్లో వివరణ ఇవ్వాలని కోరింది. 

23/08/2022 15:47:58

ప్రజాసంగ్రామ యాత్రను నిలిపేయండి – బండి సంజయ్‌కు పోలీసుల నోటీసు

ప్రజా సంగ్రామ యాత్రను ఆపేయాలని బీజేపీ రాష్ట్రాధ్యక్షుడు బండి సంజయ్‌కు పోలీసులు నోటీసులు ఇచ్చారు. పాదయాత్ర ప్రముఖ్ డాక్టర్ గంగిడి మనోహర్ రెడ్డి, రాష్ట్ర ప్రధాన కార్యదర్శులు గుజ్జుల ప్రేమేందర్ రెడ్డి, దుగ్యాల ప్రదీప్ కుమార్‌కు నోటీసులు జారీ చేశారు వర్దన్నపేట ఏసీపీ. జనగామ జిల్లాలో ప్రజా సంగ్రామ యాత్రకు అనుమతి లేదని నోటీసులో పేర్కొన్నారు. పాదయాత్ర పేరిట విద్వేషపూరిత ప్రకటనలు చేస్తున్నారని... ధర్మదీక్షపేరుతో వివిధ జిల్లాల నుంచి భారీ ఎత్తున జన సమీకరణ చేస్తున్నారని వెల్లడించారు. దీని వల్ల శాంతి భద్రతలకు విఘాతం కలుగుతుందన్నారు.అందుకే వెంటనే ప్రజా సంగ్రామ యాత్రను నిలిపేయాలని నోటీసులో పేర్కొన్నారు పోలీసులు. లేకుంటే చట్టపరమైన చర్యలు తీసుకుంటామని హెచ్చరించారు. నోటీసు పరిగణలోకి తీసుకోకుండా తిరిగి ప్రజా సంగ్రామ యాత్రను ప్రారంభిస్తే శాంతిభద్రతల సమస్య కింద చట్టపరమైన చర్యలు తీసుకుంటామన్నారు. 

23/08/2022 15:41:54

బండి సంజయ్‌ ఇంటి ముట్టడికి ప్రత్యర్థుల ప్లాన్- సెక్యూరిటీ టైట్‌ చేసిన పోలీసులు!

కరీంనగర్‌లోని బండి సంజయ్ ఇంటి వద్ద భారీ భద్రతను పోలీసులు ఏర్పాటు చేశారు. ఆయన ఇంటి చుట్టూ బారికేడ్లు పెట్టారు. ఆయన ఇంటికి వచ్చే దారులపై ప్రత్యేక నిఘా పెట్టారు పోలీసులు. తమ నాయకురాలిపై అనవసరమైన ఆరోపణలు చేయడంతోపాటు లేనిపోని విమర్శలు చేస్తున్నారని ఆగ్రహంతో ఉన్న టీఆర్‌ఎస్‌ శ్రేణులు ఆయన ఇంటిపై దాడి చేస్తారని అనుమానిస్తున్నారు. ఇలాంటి సమాచారం ఉన్నందున టైట్ సెక్యూరిటీ ఏర్పాటు చేసినట్టు పోలీసు వర్గాలు చెబుతున్నాయి.

23/08/2022 15:11:14

బీజేపీ నుంచి ఎమ్మెల్యే రాజాసింగ్ సస్పెండ్!

Raja Singh Suspended : బీజేపీ ఎమ్మెల్యే రాజాసింగ్ పై సస్పెషన్ వేటు పడింది. బీజేపీ క్రమ శిక్షణ సంఘం రాజాసింగ్ ను పార్టీ నుంచి సస్పెండ్ చేసింది. పార్టీ రాజ్యాంగాన్ని ఉల్లింఘించినందుకు సస్పెండ్ చేసినట్లు  క్రమశిక్షణ కమిటీ తెలిపింది. అయితే వివరణ ఇచ్చుకోవడానికి రాజాసింగ్ కు పదిరోజులు సమయం ఇచ్చింది. పార్టీ నుంచి ఎందుకు బహిష్కరించకూడదో  వివరణ ఇవ్వాలని కేంద్ర కమిటీ సూచించింది. సెప్టెంబర్ 2లోపు  వివరణ ఇవ్వాలని తెలిపింది. 

23/08/2022 14:32:34

బాసర ట్రిపుల్ ఐటీలో విద్యార్థి ఆత్మహత్య

Basara IIIT :  నిర్మల్ జిల్లా బాసర ట్రిపుల్ ఐటీలో విద్యార్థి ఆత్మహత్య చేసుకున్నాడు. ఉరి వేసుకుని విద్యార్థి సురేష్ ఆత్మహత్యకు పాల్పడ్డాడు. ఆత్మహత్యకు కారణాలు తెలియరావాల్సి ఉంది.  

23/08/2022 13:46:27

బండి సంజయ్‌ను కరీంనగర్‌ తరలించిన పోలీసులు

జనగామ జిల్లాలో అరెస్టు చేసిన బిజెపి రాష్ట్ర అధ్యక్షుడు ఎంపీ బండి సంజయ్ ని అరెస్ట్ చేసిన పోలీసులు సిద్దిపేట జిల్లా హుస్నాబాద్ మీదుగా కరీంనగర్ వైపు తరలించారు. భారీ పోలీస్ కాన్వాయ్ తో బండి సంజయ్ ని పోలీసులు కరీంనగర్ వైపు తీసుకెళ్లారు. కార్యకర్తలు ఎవరైనా అడ్డుకుంటారనే ఉద్దేశంతో ఎక్కడికక్కడ పోలీసులు భారీ బందోబస్తు నిర్వహించారు. 

23/08/2022 11:53:13

బండి సంజయ్ అరెస్ట్ ను ఖండించిన ఎంపీ అరవింద్

కారణం లేకుండా అరెస్ట్ చేసిన సంజయ్ ను వెంటనే విడుదల చేయాలన్నారు ఎంపీ ధర్మపురి అరవింద్. బీజేపీ రాష్ట్ర అధ్యక్షుడు బండి సంజయ్ అరెస్ట్ ను ఆయన ఖండించారు. బీజేపీ కార్యకర్తల మీద సోమవారం టీఆర్ఎస్ నాయకులు, పోలీసులు చేసిన దాడికి నిరసనగా ధర్మదీక్షకు పిలుపు నిచ్చిన బండి సంజయ్ ని అరెస్ట్ చేయడం సరికాదన్నారు. అరెస్ట్ కు కారణాలు చెప్పకుండా పాదయాత్ర చేస్తున్న సంజయ్ ని తీసుకువెళ్లడం అన్యాయం అన్నారు అరవింద్. పోలీసులు కూడా ప్రభుత్వ తొత్తులుగా వ్యవహరిస్తున్నారు. అందుకే ప్రభుత్వంతో కలిసి బీజేపీ నాయకులపైన అక్రమ కేసులు పెడుతూ అరెస్ట్ లకు పాల్పడుతున్నారని మండిపడ్డారు. 

23/08/2022 10:36:15

తెలంగాణ బీజేపీ అధ్యక్షుడు బండి సంజయ్ అరెస్టు

కరీంనగర్ పార్లమెంట్ సభ్యుడు, బిజెపి తెలంగాణ రాష్ట్ర అధ్యక్షుడు బండి సంజయ్ కుమార్ ను అరెస్ట్ చేశారు పోలీసులు. దీంతో వరంగల్‌లో ఆయన చేపట్టే పాదయాత్ర శిబిరం వద్ద ఉద్రిక్తత చోటు చేసుకుంది. భారీగా పోలీసుల మోహరించి బండిని అరెస్టు చేశారు. .

23/08/2022 10:36:12

తెలంగాణ బీజేపీ అధ్యక్షుడు బండి సంజయ్ అరెస్టు

కరీంనగర్ పార్లమెంట్ సభ్యుడు, బిజెపి తెలంగాణ రాష్ట్ర అధ్యక్షుడు బండి సంజయ్ కుమార్ ను అరెస్ట్ చేశారు పోలీసులు. దీంతో వరంగల్‌లో ఆయన చేపట్టే పాదయాత్ర శిబిరం వద్ద ఉద్రిక్తత చోటు చేసుకుంది. భారీగా పోలీసుల మోహరించి బండిని అరెస్టు చేశారు. .

23/08/2022 10:16:09

ఆసియా కప్‌ ముందు టీమిండియాకు షాక్

ఆసియా కప్‌లో ఆడేందుకు ఉత్సాహంగా ఉన్న టీమిండియాకు అనుకోని అవాంతరం ఎదురైంది. ప్రస్తుతం ఇండియన్ కోచ్‌గా ఉన్న రాహుల్ ద్రవిడ్‌ కరోనా బారినపడ్డారు. ప్రయోగాత్మక జట్టుతో జింబాంబ్వే వెళ్లి టీమిండియ్ అద్భుత విజయాన్ని సాధించింది. మూడు వన్డేల సిరీస్‌ను క్లీన్ స్వీప్ చేసి రికార్డు విజయాలను అందుకుంది. ఇదే ఉత్సాహంతో టీమిండియా ఆసియా కప్‌ ఆడేందుకు యూఏఈ వెళ్లనుంది.. ఇంతలో ద్రవిడ్‌కు కరోనా సోకింది.