Breaking News Live Telugu Updates: భారత్ లోకి BF 7 కరోనా వేరియంట్ ఎంట్రీ, నలుగురికి పాజిటివ్‌గా నిర్ధారణ

ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్‌డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.

ABP Desam Last Updated: 21 Dec 2022 05:51 PM

Background

దక్షిణ బంగాళాఖాతంలో శ్రీలంకకు దగ్గర్లో ఉన్న బలమైన అల్ప పీడనం పశ్చిమ దిశగా కదులుతోంది. రానున్న దిశలో ఇది పశ్చిమ వాయువ్య దిశగా పయనించి, శ్రీలంక వైపుగా వెళ్తుందని వాతావరణ అధికారులు అంచనా వేశారు. తెలుగు రాష్ట్రాల్లో వచ్చే రెండు రోజుల పాటు వాతావరణం దాదాపు అన్ని చోట్ల పొడిగానే ఉండే అవకాశం ఉందని నిపుణులు అంచనా వేశారు. అల్పపీడన ప్రభావంతో బుధవారం (డిసెంబర్ 21) నుంచి తమిళనాడు తీర ప్రాంత జిల్లాల్లో భారీ నుంచి మోస్తరు వర్షాలు కురుస్తాయని వాతావరణ విభాగం అధికారులు తెలిపారు. ఆంధ్రప్రదేశ్ పగటి సమయాల్లో కాస్త ఉష్ణోగ్రతలు ఎక్కువగా ఉండనున్నాయని ఏపీ వాతావరణ శాఖ అధికారులు చెప్పారు. అయితే రాత్రి సమయాల్లో బాగా చలిగా ఉండే ఛాన్స్ ఉందని చెప్పింది. ఇక ఏజెన్సీ ప్రాంతాలను ఉదయం మంచు కప్పేస్తుంది. కోస్తా, రాయలసీమలోని పలుచోట్ల చలి ప్రభావం కొనసాగుతోంది.‘‘వెస్టర్న్ డిస్టెర్బెన్స్ (హిమాలయాల మీదుగా వెచ్చే గాలులు) వలన మన అల్పపీడనం వెల్లాల్సిన దిశ కాకుండా ఉత్తర దిశగా వెళ్లి దక్షిణం వైపుగా వెళ్లనుంది. కానీ వర్షాలు ఎప్పుడు మనకు పడనున్నాయి అనేది చూస్తే.. బంగాళాఖాతంలో ఈ అల్పపీడనం ఉత్తర వాయువ్య దిశగా కదిలి శ్రీలంక తూర్పు కోస్తా భాగం మీదుగా వెళ్లనుంది. దీని వలన మనం భారీ వర్షాలను శ్రీలంకలో అలాగే దక్షిణ తమిళనాడులో చూస్తామే కానీ మన ఆంధ్ర రాష్ట్రంలో మాత్రం తేలికపాటి, మోస్తరు వర్షాలను మాత్రమే చూడగలము. డిసెంబరు 25 నుంచి 27 మధ్యలో ఇలాంటి వాతావరణం ఉంటుంది. అది కూడా నెల్లూరు, తిరుపతి, చిత్తూరు, అన్నమయ్య జిల్లాలకే పరిమితం అవుతుంది. మిగిలిన చోట్లల్లో అక్కడక్కడ మాత్రమే, తక్కువ చోట్లల్లో మాత్రమే ఈ ప్రభావాన్ని చూడగలము’’ అని ఏపీ వెదర్ మ్యాన్ తెలిపారు.ఉత్తర కోస్తా, యానాంవచ్చే మూడు రోజులు (బుధ, గురు, శుక్రవారం) పూర్తిగా పొడి వాతావరణం ఏర్పడే అవకాశం ఉంది.దక్షిణ కోస్తాంధ్రవచ్చే మూడు రోజులు (బుధ, గురు, శుక్రవారం) పూర్తిగా పొడి వాతావరణం ఏర్పడే అవకాశం ఉంది.రాయలసీమవచ్చే మూడు రోజులు (బుధ, గురు, శుక్రవారం) నెల్లూరు, తిరుపతి, చిత్తూరు, అన్నమయ్య జిల్లాల్లో తేలిక పాటి నుండి ఒక మోస్తరు వర్షాలు ఒకటి లేక రెండు చోట్ల కురిసే అవకాశం ఉంది.ఏపీలో పగటి సమయాల్లో కాస్త ఉష్ణోగ్రతలు ఎక్కువగా ఉండి, రాత్రి సమయాల్లో బాగా చలిగా ఉంటూ ఉంది. ఏజెన్సీ ప్రాంతాలను ఉదయం మంచు కప్పేస్తుంది. ప్రకృతి అందాలు కనివిందు చేస్తున్నాయి.తెలంగాణ వాతావరణంతెలంగాణ వ్యాప్తంగా నేటి నుంచి వచ్చే 3 రోజుల పాటు పొడి వాతావరణం ఏర్పడే అవకాశం ఉందని హైదరాబాద్ వాతావరణ కేంద్రం అధికారులు తెలిపారు. ‘‘హైదరాబాద్ లో ఆకాశం మేఘాలు పట్టి ఉంటుంది. నగరంలో పొగ మంచు ఉదయం సమయంలో ఏర్పడే అవకాశం ఉంది. గరిష్ణ, కనిష్ఠ ఉష్ణోగ్రతలు వరుసగా 30 డిగ్రీలు, 18 డిగ్రీలుగా ఉండే అవకాశం ఉంది. ఈశాన్య దిశ నుంచి గాలులు 6 నుంచి 8 కిలో మీటర్ల వేగంతో వీచే అవకాశం ఉంది’’ అని హైదరాబాద్ లోని వాతావరణ విభాగం అధికారులు ట్వీట్ చేశారు.

21/12/2022 17:51:33

భారత్ లోకి BF 7 కరోనా వేరియంట్ ఎంట్రీ, ముగ్గురికి పాజిటివ్‌గా నిర్ధారణ

చైనాను వణికిస్తున్న ప్రమాదకర కరోనా వేరియంట్ బీఎఫ్ 7 భారత్ లోకి ప్రవేశించింది. భారత్ లో బీఎఫ్ 7 కరోనా కేసులు గుర్తించినట్లు కేంద్రం ప్రకటించింది. దేశంలో మొత్తం 3 కేసు నమోదయ్యాయని, గుజరాత్ లో ఇద్దరికి, ఒడిశాలో ఓ వ్యక్తిలో బీఎఫ్ 7 వేరియంట్ ను గుర్తించారు.

21/12/2022 14:55:55

బీజేపీ మాత్రమే కేసీఆర్‌ను గద్దె దించుతుంది... మాజీ మంత్రి ఈటెల

బీజేపీ మాత్రమే కెసిఆర్ నీ గద్దె దించుతుంది... ఈటెల కామెంట్స్
హనుమకొండ జిల్లా బీజేపీపార్టీ పదాదికారుల సమావేశంలో పాల్గొన్న ఈటల రాజేందర్.
ఈ సందర్భంగా ఈటల రాజేందర్ మాట్లాడుతూ.. కెసిఆర్ వైఫల్యాలు అనేకం ఉన్నాయి. వాటిని మనం ప్రజలకు చెప్తే చాలు. మనల్ని ప్రజలు నమ్ముతున్నారు.
బీజేపీ మాత్రమే కెసిఆర్ ను ఒడించగలదు అని అనుకుంటున్నారు.
ప్రజా సమస్యల మీద కెసిఆర్ ఏనాడూ అల్ పార్టీ మీటింగ్ పెట్టలేదు. కెసిఆర్ ది రాజరిక పాలన. ఆయన అనేక అస్త్రాలు మనకు ఇస్తున్నారు. వాటిని ప్రజల్లోకి తీసుకొని వెళ్ళాలి.
సమస్యలు పట్టించుకోకుండా అధికార మధం.. అహంకారంతో ప్రజలను ఇబ్బందిపెడుతున్నారు. వారు చేసే తప్పులే మనకు అస్త్రాలు. అవి కేసీఆర్ మనకు అందించారు.
రైతులకు రుణమాఫీ ఇవ్వని కేసీఆర్ రైతులకు నేనే చాంపియన్ని అని దేశమంతా చెప్పుకుని తిరుగుతున్నారు.
పెన్షన్లు రెండు నెలలు పెండింగ్ ఉన్నాయి. కరెంట్ బిల్లులు పెంచడం కాదు. బైమంత్ ఉన్న బిల్లులను నెల నెలా వసూలు చేస్తున్నారు.
కెసిఆర్ ప్రత్యక్షంగా పన్నులు వేయరు.. పరోక్షంగా వసూలు చేస్తారు.
గుజరాత్ లో ఆరు సార్లు అధికారం చెలాయించిన తరువాత ఏడవసారి బంపర్ మెజారిటీతో మోదీ గారిని గుజరాత్ ప్రజలు ఆశీర్వదించారు. బీజేపీకె అండగా నిలిచారు. దేశమంతా ప్రజల చూపు బీజేపీ వైపు ఉంది.
వంద కార్యక్రమాలు చేయడం కంటే ఒక్క కార్యక్రమం ప్రభావితం చేసేలా ఉండాలి.

21/12/2022 14:35:47

వచ్చే ఎన్నికల్లో వైసీపీ సింగిల్ డిజిట్‌కే పరిమితం: మాజీ మంత్రి డీఎల్ రవీంద్రా రెడ్డి

నేను వైసీపీలోనే ఉన్నా.. వారేమీ నన్ను తీసేయలేదు: కడప నగరంలోని వైయస్సార్ ప్రెస్ క్లబ్ లో మాజీమంత్రి డీఎల్ రవీంద్రా రెడ్డి

రాజశేఖర్ రెడ్డి కుమారుడు జగన్ ఇంత అవినీతిపరుడని అనుకోలేదు

పరిపాలన మొదటిరోజు నుంచే అవినీతి మొదలుపెట్టారు

ఆ పార్టీలో నేను ఉన్నానంటే నాకే అసహ్యంగా ఉంది

ఈ సారి వైసీపీకి సింగిల్ డిజిట్ వస్తే గొప్పే

గుర్తింపు పొందిన పార్టీ తరపున పోటీ చేద్దామనుకుంటున్నా

రాష్ట్రాన్ని చంద్రబాబు తప్ప మరో నేత కాపాడలేరు

పవన్ కల్యాణ్ నిజాయతీని ప్రశ్నించలేం

రాష్ట్రం కోసం వారిద్దరూ కలిసి పోటీ చేస్తారని ఆశిస్తున్నా

జనవరి 3 నుంచి వివేకా కేసులో మలుపులు తిరగనున్నాయి

వివేకా కేసులో ఎర్ర గంగిరెడ్డే కీలక వ్యక్తి అని సీబీఐ గుర్తించింది

జనవరి 3న ఎర్ర గంగిరెడ్డి బెయిల్ పిటిషన్ పై వాదనలు ఉన్నాయి

సుప్రీం తీర్పు తర్వాత వివేకా కేసులో జిల్లాలో కీలక పరిణామాలు

చాలామంది మెడకు ఉచ్చు బిగిసే అవకాశం ఉంది

వివేకా కేసులో ఒంటరిగా పోరాడుతున్న సునీత ధైర్యాన్ని మెచ్చుకోవచ్చు

21/12/2022 12:45:18

Chandrababu: ఖమ్మం టీడీపీ సభకు బయలుదేరిన చంద్రబాబు

ఖమ్మం టీడీపీ సభకు వెళుతున్న చంద్రబాబుకు దారి పొడవునా తెలుగు తమ్ముళ్లు ఘనస్వాగతం పలుకుతున్నారు. రసూల్ పురలోని ఎన్ టి ఆర్ విగ్రహానికి పూలమాల వేసి వెళుతున్న బాబుకు మెట్టుగూడలో చౌరస్తాలో సికింద్రాబాద్ పార్లమెంట్ టీడీపీ ఇన్ చార్జ్ వల్లారపు శ్రీనివాస్ ఆధ్వర్యంలో ఘనస్వాగతం పలికారు.. ఈ సందర్భంగా వల్లారపు మాట్లాడుతూ తెలంగాణలో తెలుగుదేశానికి పూర్వ వైభవం రావడం ఖాయమని దీమా వ్యక్తం చేశారు. ‘‘తెలుగుదేశం పార్టీ తెలంగాణ గడ్డ మీద పుట్టిన పార్టీ. ఒక రాష్ట్రానికి పరిమితమయ్యే పార్టీ కాదు. తెలుగువారు ఎక్కడ ఉంటే అక్కడ ఈ పార్టీ ఉంటుంది. తెలంగాణలో తెలుగు దేశం ప్రభంజనం సృష్టించబోతుంది. అందులో భాగంగా ఈ రోజు తొలి అడుగు పడుతుంద’’ని తెలిపారు. తెలంగాణలో తెలుగుదేశం పార్టీ లేదని హేళన చేసిన టీఆరెస్ పార్టీనే నేడు చచ్చిపోయిందని అన్నారు.