Tecno New Phone: టెక్నో స్పార్క్ 20సీ (Tecno Spark 20C) మనదేశంలో లాంచ్ అయింది. 2023 నవంబర్‌లో గ్లోబల్ మార్కెట్లలో ఈ ఫోన్ లాంచ్ అయింది. ఫోన్ వెనకవైపు రెండు కెమెరాలు అందుబాటులో ఉన్నాయి. ఫాస్ట్ ఛార్జింగ్ సపోర్ట్, డైనమిక్ పోర్టు ఫీచర్లను కూడా అందించారు. ఆక్టాకోర్ చిప్‌సెట్, 5000 ఎంఏహెచ్ బ్యాటరీ కూడా ఉన్నాయి. దీనికి సంబంధించిన సేల్ త్వరలో ప్రారంభం కానుంది. ఒకే ఒక్క స్టోరేజ్ వేరియంట్‌లో దీన్ని కొనుగోలు చేయవచ్చు.
టెక్నో స్పార్క్ 20సీ ధర (Tecno Spark 20C Price in India)
ఇందులో కేవలం ఒక్క వేరియంట్ మాత్రమే అందుబాటులో ఉంది. 8 జీబీ ర్యామ్ + 128 జీబీ స్టోరేజ్‌తో వచ్చిన ఈ వేరియంట్ ధరను రూ.8,999గా నిర్ణయించారు. దీంతోపాటు కంపెనీ లాంచ్ ఆఫర్‌ను కూడా అందిస్తుంది. ఈ లాంచ్ ఆఫర్ ద్వారా రూ.7,999కే దీన్ని కొనుగోలు చేయవచ్చు. మార్చి 5వ తేదీన మధ్యాహ్నం 12 గంటలకు కేవలం అమెజాన్‌లో మాత్రమే దీన్ని కొనుగోలు చేయవచ్చు. ఈ ఫోన్ కొనుగోలుపై రూ.5,604 విలువైన ఓటీటీ ప్లే వార్షిక సబ్‌స్క్రిప్షన్ కూడా లభించనున్నట్లు కంపెనీ తెలిపింది.
టెక్నో స్పార్క్ 20సీ స్పెసిఫికేషన్లు, ఫీచర్లు (Tecno Spark 20C Specifications)
టెక్నో స్పార్క్ 20సీ స్మార్ట్ ఫోన్‌లో 6.6 అంగుళాల హెచ్‌డీ+ ఎల్సీడీ స్క్రీన్ అందించారు. దీని స్క్రీన్ రిఫ్రెష్ రేట్ 90 హెర్ట్జ్‌గా ఉంది. యాపిల్ డైనమిక్ ఐల్యాండ్ తరహాలో ఇందులో డైనమిక్ పోర్టు ఉంది. నోటిఫికేషన్లు వచ్చినప్పుడు అందులో చూడవచ్చు.
గేమింగ్ ఎక్స్‌పీరియన్స్ కోసం ఇందులో డార్విన్ ఇంజిన్ ఇచ్చినట్లు తెలుస్తోంది. మీడియాటెక్ హీలియో జీ36 ప్రాసెసర్‌పై ఈ ఫోన్ పని చేయనుంది. 8 జీబీ ర్యామ్‌ను ఇన్‌బిల్ట్‌గా అందించగా... దీన్ని వర్చువల్‌గా మరో 8 జీబీ పెంచుకోవచ్చు. 128 జీబీ ఇన్‌బిల్ట్ స్టోరేజ్ కాగా, మైక్రో ఎస్‌డీ కార్డు ద్వారా దీన్ని మరో 1 టీబీ వరకు పెంచుకోవచ్చు. ఆండ్రాయిడ్ 13 ఆధారిత హైఓఎస్ 13 ఆపరేటింగ్ సిస్టంపై టెక్నో స్పార్క్ 20సీ రన్ కానుంది.
ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెర సామర్థ్యం 50 మెగాపిక్సెల్ కాగా, దీంతో పాటు ఏఐ సెన్సార్ కూడా ఉంది. 1080పీ టైమ్ ల్యాప్స్ వీడియోలను దీంతో రికార్డు చేయవచ్చు. సెల్ఫీలు, వీడియో కాల్స్ కోసం ఫోన్ ముందువైపు 8 మెగాపిక్సెల్ సెన్సార్ అందుబాటులో ఉంది.
దీని బ్యాటరీ సామర్థ్యం 5000 ఎంఏహెచ్ కాగా, 18W వైర్డ్ ఫాస్ట్ ఛార్జింగ్‌ను ఈ ఫోన్ సపోర్ట్ చేయనుంది. కేవలం 50 నిమిషాల్లోనే 0 నుంచి 50 శాతం వరకు ఛార్జింగ్ ఎక్కుతుందని కంపెనీ అంటోంది. ఫింగర్ ప్రింట్ సెన్సార్, ఫేస్ అన్‌లాక్ ఫీచర్లు కూడా అందుబాటులో ఉంది. టెక్నో ఇటీవలే మనదేశంలో ఎన్నో బడ్జెట్ ఫోన్లు లాంచ్ చేసింది. వీటిలో ఇది కూడా ఒకటి.
Also Read: నోకియా ఫోన్లు ఇక కనిపించవా? - కంపెనీ కొత్త ప్రకటనకు అర్థం ఏంటి?