Poco C61 Launched: పోకో సీ61 స్మార్ట్ ఫోన్ మనదేశంలో లాంచ్ అయింది. గతంలో లాంచ్ అయిన రెడ్‌మీ ఏ3కి రీబ్రాండెడ్ వెర్షన్‌గా ఈ ఫోన్ మార్కెట్లో లాంచ్ అయినట్లు ఫీచర్లను చూస్తే తెలుస్తోంది. మీడియాటెక్ హీలియో జీ36 ప్రాసెసర్‌పై పోకో సీ61 రన్ కానుంది. ఫోన్ వెనకవైపు ఏఐ సపోర్ట్ ఉన్న 8 మెగాపిక్సెల్ కెమెరాను అందించారు. పోకో సీ61 బ్యాటరీ సామర్థ్యం కాగా, 10W ఫాస్ట్ ఛార్జింగ్‌ను ఈ ఫోన్ సపోర్ట్ చేయనుంది.
పోకో సీ61 ధర (Poco C61 Price in India)
ఈ స్మార్ట్ ఫోన్ రెండు వేరియంట్లలో అందుబాటులో ఉంది. వీటిలో ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.6,999గా నిర్ణయించారు. ఇక 6 జీబీ ర్యామ్ + 128 జబీ స్టోరేజ్ వేరియంట్ ధర రూ.7,999గా ఉంది. మార్చి 28వ తేదీన మధ్యాహ్నం 12 గంటల నుంచి ఫ్లిప్‌కార్ట్‌లో దీన్ని కొనుగోలు చేయవచ్చు. డైమండ్ డస్ట్ బ్లాక్, ఎథిరియల్ బ్లూ, మిస్టికల్ గ్రీన్ కలర్ ఆప్షన్లలో ఈ ఫోన్ మార్కెట్లో లాంచ్ అయింది.
పోకో సీ61 స్పెసిఫికేషన్లు, ఫీచర్లు (Poco C61 Specifications)
పోకో సీ61లో 6.71 అంగుళాల హెచ్‌డీ+ ఎల్సీడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్ కాగా, టచ్ శాంప్లింగ్ రేట్ 180 హెర్ట్జ్‌గా ఉంది. కార్నింగ్ గొరిల్లా గ్లాస్ 3 ప్రొటెక్షన్ ద్వారా డిస్‌ప్లేకు రక్షణ లభించనుంది. మీడియాటెక్ హీలియో జీ36 ప్రాసెసర్‌పై ఈ ఫోన్ పని చేయనుంది. 6 జీబీ వరకు ఎల్పీడీడీఆర్4ఎక్స్ ర్యామ్, 128 జీబీ వరకు ఎంఎంసీ 5.1 ఆన్‌బోర్డ్ స్టోరేజ్ ఇందులో ఉంది. ఆండ్రాయిడ్ 14 ఆధారిత యూజర్ ఇంటర్‌ఫేస్‌పై పోకో సీ61 రన్ కానుంది.
ఇక కెమెరాల విషయానికి వస్తే... ఫోన్ వెనకవైపు రెండు సెన్సార్లు ఉన్నాయి. వీటిలో ప్రధాన కెమెరా సామర్థ్యం 8 మెగాపిక్సెల్ కాగా, దీంతోపాటు మరో లెన్స్ కూడా అందించారు. ఎల్ఈడీ ఫ్లాష్‌ను కూడా వెనకవైపు చూడవచ్చు. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ సెన్సార్‌ను కూడా పోకో సీ61 కలిగి ఉంది.
10W ఫాస్ట్ ఛార్జింగ్‌ను సపోర్ట్ చేసే 5000 ఎంఏహెచ్ బ్యాటరీ ఇందులో ఉంది. డ్యూయల్ సిమ్, 4జీ, వైఫై, బ్లూటూత్ 5.4, జీపీఎస్, యూఎస్‌బీ టైప్-సీ కనెక్టివిటీ ఫీచర్లు ఈ ఫోన్‌లో అందుబాటులో ఉన్నాయి. 3.5 ఎంఎం ఆడియో జాక్ ద్వారా ఇయర్ ఫోన్స్ కనెక్ట్ చేయవచ్చు. ఫోన్ పక్కభాగంలో ఉన్న ఫింగర్ ప్రింట్ సెన్సార్ ద్వారా ఫోన్ అన్‌లాక్ చేయవచ్చు. దీని మందం 0.83 సెంటీమీటర్లుగా ఉంది.
పోకో ఎం6 ప్రో 5జీలో కొత్త వేరియంట్ మనదేశంలో ఇటీవలే లాంచ్ అయింది. ఈ స్మార్ట్ ఫోన్‌లో 8 జీబీ ర్యామ్, 256 జీబీ స్టోరేజ్ అందుబాటులో ఉన్నాయి. క్వాల్‌కాం స్నాప్‌డ్రాగన్ 4 జెన్ 2 ప్రాసెసర్‌పై ఇది రన్ కానుంది. పోకో ఎం6 ప్రో 5జీ బ్యాటరీ సామర్థ్యం 5000 ఎంఏహెచ్ కాగా, 18W ఫాస్ట్ ఛార్జింగ్‌ను సపోర్ట్ చేయనుంది. 6.79 అంగుళాల భారీ డిస్‌ప్లేను ఇందులో అందించారు.
Also Read: నోకియా ఫోన్లు ఇక కనిపించవా? - కంపెనీ కొత్త ప్రకటనకు అర్థం ఏంటి?