రెడ్‌మీ నోట్ 12 స్మార్ట్ ఫోన్ చైనాలో లాంచ్ అయింది. షావోమీ లాంచ్ చేసిన బడ్జెట్ స్మార్ట్ ఫోన్ ఇదే. ఇందులో శాంసంగ్ డిస్‌ప్లేను అందించడం విశేషం. ఈ ఫోన్ ఇంకా మనదేశంలో లాంచ్ కాలేదు. కానీ రెడ్‌మీ నోట్ సిరీస్ ఫోన్లకు మనదేశంలో మంచి డిమాండ్ ఉంది. కాబట్టి త్వరలో లాంచ్ అయ్యే అవకాశం ఉంది. ఒకవేళ లాంచ్ అయితే రియల్‌మీ 9 సిరీస్ ఫోన్లకు ఇది మంచి పోటీని ఇస్తుంది.


రెడ్‌మీ నోట్ 12 ధర
ఇందులో మూడు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 4 జీబీ ర్యామ్ + 128 జీబీ స్టోరేజ్ వేరియంట్ ధరను 1,199 యువాన్లుగా (సుమారు రూ.13,600) నిర్ణయించారు. ఇక 6 జీబీ ర్యామ్ + 128 జీబీ స్టోరేజ్ వేరియంట్ ధర 1,299 యువాన్లుగా (సుమారు రూ.14,600), 8 జీబీ ర్యామ్ + 128 జీబీ స్టోరేజ్ వేరియంట్ ధర 1,499 యువాన్లుగా (సుమారు రూ.17,000) ఉంది. మిడ్‌నైట్ డార్క్, టైమ్ బ్లూ, మిర్రర్ పోర్స్‌లెయిన్ వైట్ ఈ ఫోన్ కొనుగోలు చేయవచ్చు.


రెడ్‌మీ నోట్ 12 స్పెసిఫికేషన్లు
ఆండ్రాయిడ్ 12 ఆధారిత ఎంఐయూఐ 13 ఆపరేటింగ్ సిస్టంపై రెడ్‌మీ నోట్ 12 పని చేయనుంది. ఈ ఫోన్‌లో 6.67 అంగుళాల ఫుల్ హెచ్‌డీ శాంసంగ్ డిస్‌ప్లేను అందించారు. రెడ్‌మీ నోట్ 12 స్క్రీన్ రిఫ్రెష్ రేట్ 120 హెర్ట్జ్‌ కాగా, టచ్ శాంప్లింగ్ రేట్ 240 హెర్ట్జ్‌గా ఉంది.


దీని బ్యాటరీ సామర్థ్యం సామర్థ్యం 5000 ఎంఏహెచ్ కాగా, 33W ఫాస్ట్ చార్జింగ్‌ను ఈ స్మార్ట్ ఫోన్ సపోర్ట్ చేయనుంది. క్వాల్‌కాం స్నాప్‌డ్రాగన్ 4 జెన్ 1 ప్రాసెసర్‌పై రెడ్‌మీ నోట్ 12 పని చేయనుంది. 8 జీబీ వరకు ఎల్పీడీడీఆర్4ఎక్స్ ర్యామ్, 128 జీబీ స్టోరేజ్ ఈ ఫోన్‌లో ఉన్నాయి.


ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 48 మెగాపిక్సెల్ కాగా, దీంతోపాటు 2 మెగాపిక్సెల్ మాక్రో సెన్సార్ కూడా అందించారు. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా అందుబాటులో ఉంది.


Also Read: ఐఫోన్ 14 సిరీస్ వ‌చ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?