రెడ్‌మీ కే50ఐ 5జీ స్పెసిఫికేషన్లు ఆన్‌లైన్‌లో లీకయ్యాయి. చైనాలో గతేడాది లాంచ్ అయిన రెడ్‌మీ నోట్ 11టీ ప్రో కు రీబ్రాండెడ్ వెర్షన్‌గా ఈ ఫోన్ లాంచ్ కానుందని సమాచారం. రెడ్‌మీ కే50ఐలో 144 హెర్ట్జ్ రిఫ్రెష్ రేట్ ఉన్న డిస్‌ప్లే, డాల్బీ విజన్ సపోర్ట్ కూడా ఉన్నాయి.
ప్రముఖ టిప్‌స్టర్ ఇషాన్ అగర్వాల్ దీని స్పెసిఫికేషన్లను టీజ్ చేశారు. ఈ ఫోన్ త్వరలోనే మనదేశంలో కూడా లాంచ్ కానుంది. 6 జీబీ ర్యామ్ + 128 జీబీ స్టోరేజ్, 8 జీబీ ర్యామ్ + 128 జీబీ స్టోరేజ్ వేరియంట్లు ఇందులో ఉన్నాయి.
రెడ్‌మీ కే50ఐ 5జీ స్పెసిఫికేషన్లు (అంచనా)
ఇందులో 6.6 అంగుళాల ఫుల్ హెచ్‌డీ+ ఐపీఎస్ డిస్‌ప్లేను అందించనున్నారు. డాల్బీ విజన్ సపోర్ట్ కూడా ఉండనుంది. 8 జీబీ వరకు ర్యామ్, 128 జీబీ వరకు స్టోరేజ్‌ను ఈ ఫోన్‌లో కంపెనీ అందించనుంది. ఆక్టాకోర్ మీడియాటెక్ డైమెన్సిటీ 8100 ప్రాసెసర్‌పై ఈ ఫోన్ పనిచేయనుంది.
ఇక కెమెరా విషయానికి వస్తే.. ఇందులో వెనకవైపు మూడు కెమెరాలు ఉండనున్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా.. దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ డెప్త్ సెన్సార్లు అందించనున్నారు.
సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను ఉండనుంది. దీని బ్యాటరీ సామర్థ్యం 5080 ఎంఏహెచ్‌గా ఉండనుంది. 67W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. దీని మందం 0.88 సెంటీమీటర్లు కాగా, బరువు 200 గ్రాములుగా ఉండనుంది.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!