రియల్‌మీ తన మోస్ట్ అవైటెడ్ ఫోన్ లాంచ్ చేసింది. అదే రియల్‌మీ జీటీ 2 మాస్టర్ ఎక్స్‌ప్లోరర్ ఎడిషన్. 120 హెర్ట్జ్ అమోఎల్ఈడీ డిస్‌ప్లే, ఎల్పీడీడీఆర్5ఎక్స్ ర్యామ్ ఇందులో ఉన్నాయి. గతేడాది లాంచ్ అయిన రియల్‌మీ జీటీ మాస్టర్ ఎక్స్‌ప్లోరర్ ఎడిషన్‌కు తర్వాతి వెర్షన్‌గా ఈ ఫోన్ లాంచ్ అయింది.


రియల్‌మీ జీటీ 2 మాస్టర్ ఎక్స్‌ప్లోరర్ ఎడిషన్ ధర
ఈ ఫోన్ మూడు వేరియంట్లలో అందుబాటులో ఉంది. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర 3,499 యువాన్లుగా (సుమారు రూ.41,390) ఉంది. 8 జీబీ ర్యామ్ + 256 జీబీ స్టోరేజ్ ధర 3,799 యువాన్లుగానూ (సుమారు రూ.44,900), 12 జీబీ ర్యామ్ + 256 జీబీ స్టోరేజ్ వేరియంట్ ధర 3,999 యువాన్లుగానూ (సుమారు రూ.47,300) నిర్ణయించారు.


రియల్‌మీ జీటీ 2 మాస్టర్ ఎక్స్‌ప్లోరర్ ఎడిషన్ స్పెసిఫికేషన్లు, ఫీచర్లు
ఆండ్రాయిడ్ 12 ఆధారిత రియల్‌మీ యూఐ 3.0 స్కిన్‌పై ఈ ఫోన్ పనిచేయనుంది. రియల్‌మీ జీటీ 2 మాస్టర్ ఎక్స్‌ప్లోరర్ ఎడిషన్‌లో 6.7 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గానూ, టచ్ శాంప్లింగ్ రేట్ 1000 హెర్ట్జ్‌గానూ ఉంది. హెచ్‌డీఆర్10+ సపోర్ట్‌ను కూడా ఈ ఫోన్‌లో అందించారు.


12 జీబీ వరకు ర్యామ్, 256 జీబీ వరకు స్టోరేజ్ ఇందులో ఉన్నాయి. క్వాల్‌కాం స్నాప్‌డ్రాగన్ 8 ప్లస్ జెన్ 1 ప్రాసెసర్‌పై ఈ ఫోన్ పనిచేయనుంది. స్టీల్ వేపర్ కూలింగ్ చాంబర్‌ను కూడా అందించారు. అల్ట్రా లీనియర్ స్టీరియో స్పీకర్లు వీటిలో ఉన్నాయి. హైరిజల్యూషన్ ఆడియో, డాల్బీ అట్మాస్ ఫీచర్లు ఇందులో అందించారు.


ఇక కెమెరాల విషయానికి వస్తే... ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు 50 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మైక్రోస్కోప్ కెమెరా కూడా ఉంది. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ సెల్ఫీ కెమెరా ఉంది. దీని బ్యాటరీ సామర్థ్యం 5000 ఎంఏహెచ్ కాగా, 100W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. 


Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?


Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!