హెచ్ఎండీ గ్లోబల్ వినూత్నమైన ఫీచర్ ఫోన్‌ను లాంచ్ చేసింది. అదే నోకియా 5710 ఎక్స్‌ప్రెస్ ఆడియో. ఈ స్మార్ట్ ఫోన్‌లో నోకియా ట్రూవైర్‌లెస్ ఇయర్‌బడ్స్‌ను ఇన్‌బిల్ట్‌గా అందించనుంది. ఫీచర్ ఫోన్‌ను నోకియా ఇంత అద్భుతంగా డిజైన్ చేయడం విశేషం. కేవలం డిజైన్‌తోనే ఈ ఫోన్ వినియోగదారులను ఆకర్షించనుంది.
నోకియా 5710 ఎక్స్‌ప్రెస్ ఆడియో ధర
ఈ ఫోన్ ధరను 64.99 యూరోలుగా (సుమారు రూ.5,190) నిర్ణయించారు. జులై 28వ తేదీ నుంచి దీని సేల్ ప్రారంభం కానుంది. అయితే ఈ ఫోన్ మనదేశంలో లాంచ్ కానుందో, లేదో తెలియరాలేదు. ప్రస్తుతం మనదేశంలో నోకియా 105, నోకియా 105 ప్లస్ ఫీచర్ ఫోన్లు అందుబాటులో ఉన్నాయి.
నోకియా 5710 ఎక్స్‌ప్రెస్ ఆడియో స్పెసిఫికేషన్లు, ఫీచర్లు
నోకియా 5710 ఎక్స్‌ప్రెస్ ఆడియో స్మార్ట్ ఫోన్‌లో 2.4 అంగుళాల క్యూవీజీఏ డిస్‌ప్లేను అందించారు. యూనిసోక్ టీ107 ప్రాసెసర్‌పై ఈ ఫోన్ పనిచేయనుంది. 128 ఎంబీ స్టోరేజ్ స్పేస్ ఇందులో ఉంది. స్టోరేజ్‌ను మైక్రో ఎస్‌డీ కార్డు ద్వారా 32 జీబీ వరకు పెంచుకోవచ్చు.
దీని బ్యాటరీ సామర్థ్యం 1450 ఎంఏహెచ్‌గా ఉంది. వీజీఏ కెమెరా కూడా ఈ ఫోన్‌లో ఉంది. డ్యూయల్ సిమ్‌లను ఈ ఫోన్ సపోర్ట్ చేయనుంది. ఫోన్ వెనకవైపు టీడబ్ల్యూఎస్ ఇయర్ బడ్స్‌ను హైడ్ చేసుకోవచ్చు. ఈ డిజైన్ ఈ మొబైల్‌కు పెద్ద ప్లస్ పాయింట్.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!