Realme C35 6GB RAM: 6 జీబీ ర్యామ్, 128 జీబీ స్టోరేజ్ ఫోన్ రూ.14 వేలలోపే - రియల్‌మీ చవకైన ఫోన్!

ప్రముఖ స్మార్ట్ ఫోన్ బ్రాండ్ రియల్‌మీ తన సీ35 స్మార్ట్ ఫోన్‌లో కొత్త వేరియంట్ లాంచ్ చేసింది. ఇందులో 6 జీబీ ర్యామ్ అందించారు.

రియల్‌మీ సీ35 (Realme C35) స్మార్ట్ ఫోన్‌లో కొత్త వేరియంట్ మనదేశంలో లాంచ్ అయింది. ఈ వేరియంట్‌లో 6 జీబీ ర్యామ్ అందించారు. వెనకవైపు మూడు కెమెరాలు అందుబాటులో ఉన్నాయి. వీటిలో ఫ్లాగ్‌షిప్ స్మార్ట్ ఫోన్లలో అందించే 50 మెగాపిక్సెల్ కెమెరా ఉంది. ఇందులో ఫుల్ హెచ్‌డీ+ డిస్‌ప్లే, ఆక్టాకోర్ యూనిసోక్ ప్రాసెసర్ కూడా ఉన్నాయి. 128 జీబీ వరకు స్టోరేజ్ కూడా ఇందులో ఉంది. ఫోన్ పక్కభాగంలో ఫింగర్ ప్రింట్ సెన్సార్‌ను అందించారు. దీని బ్యాటరీ సామర్థ్యం 5000 ఎంఏహెచ్‌గా ఉంది.

రియల్‌మీ సీ35 ధర
ఇప్పుడు కొత్తగా లాంచ్ అయిన 6 జీబీ ర్యామ్ + 128 జీబీ స్టోరేజ్ వేరియంట్ ధరను రూ.15,999గా నిర్ణయించారు. అయితే ప్రస్తుతానికి ఫ్లిప్‌కార్ట్‌లో రూ.13,999కే ఈ ఫోన్ అందుబాటులో ఉంది. ఇందులో 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.11,999గానూ, 4 జీబీ ర్యామ్ + 128 జీబీ స్టోరేజ్ వేరియంట్ ధర రూ.12,999గా ఉంది.

రియల్‌మీ సీ35 స్పెసిఫికేషన్లు
ఆండ్రాయిడ్ 11 ఆధారిత రియల్‌మీ యూఐ ఆర్ ఎడిషన్‌పై ఈ ఫోన్ పనిచేయనుంది. ఇందులో 6.6 అంగుళాల ఫుల్ హెచ్‌డీ+ డిస్‌ప్లేను అందించారు. దీని స్క్రీన్ టు బాడీ రేషియో 90.7 శాతంగా ఉంది. ఆక్టాకోర్ యూనిసోక్ టీ616 ప్రాసెసర్‌పై ఈ ఫోన్ పనిచేయనుంది. ఇందులో 4 జీబీ ఎల్పీడీడీఆర్4ఎక్స్ ర్యామ్‌ను అందించారు. 128 జీబీ వరకు యూఎఫ్ఎస్ 2.2 స్టోరేజ్ కూడా ఇందులో ఉంది. మైక్రో ఎస్‌డీ కార్డు ద్వారా స్టోరేజ్‌ను 256 జీబీ వరకు పెంచుకోవచ్చు.

ఇక కెమెరాల విషయానికి వస్తే... ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్‌గా ఉంది. ఇటీవలే లాంచ్ అయిన ఫ్లాగ్ షిప్ స్మార్ట్ ఫోన్ రియల్‌మీ జీటీ నియో 2లో అందించిన 50 మెగాపిక్సెల్ కెమెరానే ఇందులో కూడా అందించారు. దీంతోపాటు 2 మెగాపిక్సెల్ మాక్రో షూటర్, 2 మెగాపిక్సెల్ మోనోక్రోమ్ సెన్సార్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా అందించారు.

ఇందులో 5000 ఎంఏహెచ్ బ్యాటరీని అందించారు. 4జీ ఎల్టీఈ, డ్యూయల్ బ్యాండ్ వైఫై, బ్లూటూత్ వీ5.0, జీపీఎస్/ఏ-జీపీఎస్, యూఎస్‌బీ టైప్-సీ పోర్టు, 3.5 ఎంఎం హెడ్ ఫోన్ జాక్ కూడా ఇందులో అందించారు. యాక్సెలరో మీటర్, యాంబియంట్ లైట్ సెన్సార్, మ్యాగ్నెటోమీటర్, ప్రాక్సిమిటీ సెన్సార్లు కూడా ఇందులో ఉన్నాయి. ఫోన్ పక్కభాగంలో ఫింగర్ ప్రింట్ సెన్సార్ అందించారు. దీని మందం 0.81 సెంటీమీటర్లు కాగా... బరువు 189 గ్రాములుగా ఉంది.