ఒప్పో రెనో 8 సిరీస్ ఫోన్లు మనదేశంలో జులై 18వ తేదీన లాంచ్ కానున్న సంగతి తెలిసిందే. ఈ విషయాన్ని కంపెనీ అధికారికంగా ప్రకటించింది. ఒప్పో రెనో 8, ఒప్పో రెనో 8 ప్రో స్మార్ట్ ఫోన్లు ఈ సిరీస్‌లో లాంచ్ కానున్నాయి. ఇప్పుడు ఈ స్మార్ట్ ఫోన్ల ధరలు కూడా ఆన్‌లైన్‌లో లీక్ అయ్యాయి.
ఒప్పో రెన్ 8 సిరీస్ ధర (అంచనా)
ప్రముఖ టిప్‌స్టర్ సుధాంశు లీక్ చేసిన వివరాల ప్రకారం... ఒప్పో రెనో 8లో 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.29,990గా ఉండనుంది. 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.31,990గానూ, 12 జీబీ ర్యామ్ + 256 జీబీ స్టోరేజ్ వేరియంట్ ధర రూ.33,990గానూ నిర్ణయించనున్నారు. ఒప్పో రెనో 8 ప్రోలో 12 జీబీ ర్యామ్ + 256 జీబీ స్టోరేజ్ వేరియంట్ ధర రూ.44,990గా ఉండనుంది.
ఒప్పో రెనో 8 ప్రో మొబైల్‌లో కెమెరా క్వాలిటీ కోసం ప్రత్యేకంగా మారిసిలికాన్ ఎక్స్ సిలికాన్ చిప్‌ను కంపెనీ అందించనుంది. దీన్ని ఒప్పోనే రూపొందించింది. ఒప్పో రెనో 8, ఒప్పో రెనో 8 ప్రో స్మార్ట్ ఫోన్లు ఈ సిరీస్‌లో లాంచ్ కానున్నాయి. ఒప్పో రెనో 8 ప్రో ప్లస్ సంగతి తెలియరాలేదు.
అయితే కంపెనీ ఈ ఫోన్లకు సంబంధించిన స్పెసిఫికేషన్లను రివీల్ చేయలేదు. ఒప్పో రెనో 8లో చైనా వేరియంట్ ఫీచర్లే ఉండే అవకాశం ఉంది. చైనాలో లాంచ్ అయిన ఒప్పో రెనో 8 ప్రో ప్లస్‌ను రీబ్రాండ్ చేసి ఒప్పో రెనో 8 ప్రోగా మనదేశంలోకి తీసుకురానున్నట్లు వార్తలు వస్తున్నాయి. దీన్ని బట్టి ఒప్పో రెనో 8 ప్రో మీడియాటెక్ డైమెన్సిటీ 8100 మ్యాక్స్ లేదా క్వాల్‌కాం స్నాప్‌డ్రాగన్ 7 జెన్ 1 ప్రాసెసర్‌పై పని చేసే అవకాశం ఉంది..
ఈ ఫోన్లు కెమెరా సెంట్రిక్ స్మార్ట్ ఫోన్లుగా లాంచ్ కానున్నాయి. వీటిలో కెమెరాపైనే ఒప్పో ప్రధానంగా ఫోకస్ పెట్టనుంది. ఈ ఫోన్లు మనదేశంలో ఎప్పుడు లాంచ్ కానున్నాయో కంపెనీ అధికారికంగా ప్రకటించలేదు. దీంతోపాటు ఒప్పో ప్యాడ్ ఎయిర్ కూడా మనదేశంలో లాంచ్ కానుందని తెలుస్తోంది.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!