OnePlus 10: సరికొత్త ప్రాసెసర్‌తో వస్తున్న వన్‌ప్లస్ కొత్త ఫోన్ - ఇది వస్తే మిగతా ఫోన్లకు కష్టమే!

ప్రముఖ స్మార్ట్ ఫోన్ బ్రాండ్ వన్‌ప్లస్ తన కొత్త ఫోన్ వన్‌ప్లస్ 10ను త్వరలో లాంచ్ చేయనున్నట్లు తెలుస్తోంది.

Continues below advertisement

ఓవల్‌టైన్ అనే కోడ్ నేమ్ ఉన్న వన్‌ప్లస్ కొత్త స్మార్ట్ ఫోన్ త్వరలో లాంచ్ అవ్వడానికి సిద్ధం అవుతోంది. ఇది వన్‌ప్లస్ 10 లేదా వన్‌ప్లస్ 10టీ అయ్యే అవకాశం ఉంది. దీని లాంచ్ తేదీని కంపెనీ ఇంకా ప్రకటించలేదు. అయితే ఈ స్మార్ట్ ఫోన్ రెండర్లు, స్పెసిఫికేషన్లు ఆన్‌లైన్‌లో లీకయ్యాయి. క్వాల్‌కాం స్నాప్‌డ్రాగన్ 8 ప్లస్ జెన్ 1 ప్రాసెసర్‌పై ఈ ఫోన్ పనిచేయనుందని వార్తలు వస్తున్నాయి. ఈ ప్రాసెసర్‌తో ఇంతవరకు ఒక్క స్మార్ట్ ఫోన్ కూడా లాంచ్ కాలేదు.

Continues below advertisement

ఫోన్ వెనకవైపు మూడు కెమెరాలు ఉండనున్నాయి.వీటిలో ప్రధాన కెమెరా సామర్థ్యం 50 మెగాపిక్సెల్‌గా ఉండనుంది. దీంతోపాటు ముందువైపు 32 మెగాపిక్సెల్ కెమెరా కూడా అందించనున్నట్లు సమాచారం. వన్‌ప్లస్ 10 సిరీస్‌లో ఇప్పటికే వన్‌ప్లస్ 10 ప్రో లాంచ్ అయింది.

ప్రముఖ టిప్‌స్టర్ యోగేష్ బ్రార్ దీనికి సంబంధించిన రెండర్లు, స్పెసిఫికేషన్లను లీక్ చేశారు. ఈ స్మార్ట్ ఫోన్ వన్‌ప్లస్ 10 లేదా వన్‌ప్లస్ 10టీ అయ్యే అవకాశం ఉందని తెలిపారు. ఈ ఫోన్ రెండర్లలో దీన్ని బ్లాక్ కలర్‌లో చూడవచ్చు. వెనకవైపు వన్‌ప్లస్ బ్రాండింగ్ కూడా చూడవచ్చు. హోల్ పంచ్ డిజైన్, ట్రిపుల్ కెమెరా సెటప్ కూడా ఉన్నాయి.

వన్‌ప్లస్ 10 స్పెసిఫికేషన్లు (అంచనా)
ఆండ్రాయిడ్ ఆధారిత ఆక్సిజన్ ఓఎస్ 12 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.7 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లే అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది. క్వాల్‌కాం స్నాప్‌డ్రాగన్ 8 ప్లస్ జెన్ 1 ప్రాసెసర్‌ను ఇందులో అందించారు.

ఈ స్మార్ట్ ఫోన్‌లో వెనకవైపు మూడు కెమెరాలు ఉండనున్నాయి. వీటిలో ప్రధాన కెమెరా సామర్థ్యం 50 మెగాపిక్సెల్‌గా ఉంది. ముందువైపు 32 మెగాపిక్సెల్ కెమెరా అందించారు. దీని బ్యాటరీ సామర్థ్యం 4800 ఎంఏహెచ్‌గా ఉంది.

వన్‌ప్లస్ 10 ప్రో మార్చిలో మనదేశంలో లాంచ్ అయింది. దీని ధర రూ.66,999 నుంచి ప్రారంభం కానుంది. ఆక్టాకోర్ క్వాల్‌కాం స్నాప్‌డ్రాగన్ 8 జెన్ 1 ప్రాసెసర్‌పై ఈ ఫోన్ పనిచేయనుంది. 12 జీబీ వరకు ర్యామ్, 256 జీబీ వరకు స్టోరేజ్ ఇందులో ఉంది. ఫోన్ వెనకవైపు మూడు కెమెరాలు ఉన్నాయి.

Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?

Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!

Continues below advertisement