Lava Blaze Pro: రూ.10 వేలలోపే లావా కొత్త ఫోన్ - లాంచ్ ఈ వారంలోనే!

ప్రముఖ స్మార్ట్ ఫోన్ బ్రాండ్ లావా మనదేశంలో కొత్త ఫోన్ లాంచ్ చేయనుంది.

లావా బ్లేజ్ ప్రో స్మార్ట్ ఫోన్ మనదేశంలో సెప్టెంబర్ 20వ తేదీన లాంచ్ కానుంది. దీనికి సంబంధించిన వివరాలను కంపెనీ ఇంకా రివీల్ చేయలేదు. డిజైన్, కలర్ వేరియంట్లు కూడా లీక్ అయ్యాయి. లావా బ్లేజ్‌కు తర్వాతి వెర్షన్‌గా ఈ ఫోన్ లాంచ్ కానుంది. దీని ధర రూ.8,699గా ఉంది.

లావా బ్లేజ్ ప్రోలో వెనకవైపు 50 మెగాపిక్సెల్ కెమెరా ఉండనుందని కంపెనీ పేర్కొంది. వైట్, ఎల్లో, గ్రీన్, బ్లూ కలర్ ఆప్షన్లలో ఈ ఫోన్ లాంచ్ కానుంది. ఫింగర్ ప్రింట్ సెన్సార్ ఫోన్ పక్కభాగంలో ఉండనుంది. దీని ధర రూ.10 వేలలోపే ఉండే అవకాశం ఉంది.

లావా బ్లేజ్ ప్రో స్పెసిఫికేషన్లు (అంచనా)
జీఎస్ఎంఎరీనా కథనం ప్రకారం... లావా బ్లేజ్ ప్రోలో 6.5 అంగుళాల హెచ్‌డీ+ వాటర్ డ్రాప్ నాచ్ డిస్‌ప్లే ఉండనుంది. ఫింగర్ ప్రింట్ సెన్సార్ ఫోన్ పక్కభాగంలో ఉండనుంది. దీని బ్యాటరీ సామర్థ్యం 5000 ఎంఏహెచ్‌గా ఉంది. ఫోన్ వెనకవైపు మూడు కెమెరాలు అందించనున్నారు. వీటిలో ప్రధాన కెమెరా సామర్థ్యం 50 మెగాపిక్సెల్‌గా ఉండనుంది.ఈ ఫోన్ 6x జూమ్‌ను సపోర్ట్ చేయనుంది.

ఫోన్ వెనకవైపు మూడు కెమెరాలు ఉండనున్నాయి. వీటిలో ప్రధాన కెమెరా సామర్థ్యం 13 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ లెన్స్, వీజీఏ లెన్స్ అందించనున్నారు. మీడియాటెక్ హీలియో ఏ22 ప్రాసెసర్‌పై ఈ ఫోన్ పనిచేయనుంది.

3 జీబీ ర్యామ్, 64 జీబీ స్టోరేజ్‌ను ఇందులో అందించనున్నారు. దీని బ్యాటరీ సామర్థ్యం 5000 ఎంఏహెచ్ కాగా 10W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. డ్యూయల్ సిమ్ స్లాట్‌ను ఈ ఫోన్ సపోర్ట్ చేయనుంది. బ్లూటూత్ వీ5.0, వైఫై కనెక్టివిటీ ఫీచర్లు కూడా ఉన్నాయి. ఆండ్రాయిడ్ 12 ఆపరేటింగ్ సిస్టంపై ఈ ఫోన్ పనిచేయనుంది. గ్లాస్ గ్రీన్, గ్లాస్ రెడ్, గ్లాస్ బ్లాక్, గ్లాస్ బ్లాక్ రంగుల్లో దీన్ని కొనుగోలు చేయవచ్చు.

లావా బ్లేజ్ బడ్జెట్ స్మార్ట్ ఫోన్ జులైలో మనదేశంలో లాంచ్ అయింది. దీని ధరను రూ.8,699గా నిర్ణయించారు. ఆండ్రాయిడ్ 12 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.51 అంగుళాల హెచ్‌డీ+ ఐపీఎస్ డిస్‌ప్లేను అందించారు. దీని యాస్పెక్ట్ రేషియో 20:9 కాగా, హోల్ పంచ్ తరహాలో డిజైన్ ఉంది.

మీడియాటెక్ హీలియో ఏ22 ప్రాసెసర్‌పై ఈ ఫోన్ పనిచేయనుంది. 3 జీబీ ర్యామ్ ఇందులో అందించారు. మరో 3 జీబీ స్టోరేజ్‌ను వర్చువల్ ర్యామ్‌గా ఉపయోగించుకోవచ్చు. అంటే మొత్తంగా 6 జీబీ ర్యామ్ అన్నమాట. ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగాపిక్సెల్ కాగా... దీంతోపాటు ఏఐ లెన్స్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా అందుబాటులో ఉంది.