ప్రముఖ యాపిల్ కంపెనీ 5జీ ఐఫోన్ 13 సిరీస్‌ను ఫోన్ ప్రియుల కోసం తాజాగా తీసుకువచ్చింది. ఈ కొత్త ఐఫోన్ మోడల్ కోసం చాలా మంది ఎంతగానో వేచి చూశారు. అయితే ఈ మోడల్ తమను నిరాశపరిచిందని ఎంతో మంది ట్విటర్ ద్వారా తమ అభిప్రాయాలను వ్యక్తం చేస్తున్నారు. ఈ క్రమంలో ఎన్నో మీమ్స్ వైరల్‌గా మారాయి.
ఎక్కువ శాతం మంది ఐఫోన్ 12 - ఐఫోన్ 13 సిరీస్‌లకు మధ్య తేడా ఏంటా అని ప్రశ్నిస్తున్నారు. ఈ రెండింటికీ భూతద్దం వేసి వెతికినా తేడాలు తెలియడం లేదని వాపోతున్నారు. రెండు సిరీస్ ఫోన్లకు తేడాలు అంతగా లేనప్పుడు కొత్త సిరీస్ తేవడం ఎందుకు? పాత సిరీస్ పేరే ఉంచొచ్చుగా అని వ్యాఖ్యలు జత చేస్తున్నారు. ఇంతకీ నెట్టింట్లో వైరల్ అవుతున్న ఆ మీమ్స్ ఏంటో ఇప్పుడు చూద్దాం.