ఒప్పో తన మొదటి ట్యాబ్లెట్ ప్యాడ్ ఎయిర్‌ను మనదేశంలో త్వరలో లాంచ్ చేయనుంది. జులై 18వ తేదీన ఇది మనదేశంలో ఎంట్రీ ఇవ్వనుంది. దీంతోపాటు ఒప్పో ఎంకో ఎక్స్2 టీడబ్ల్యూఎస్ ఇయర్ బడ్స్ కూడా లాంచ్ కానున్నాయి. ఒప్పో రెనో 8 సిరీస్ ఫోన్లను కూడా కంపెనీ అదే రోజు తీసుకురానుంది. ఒప్పో ప్యాడ్ ఎయిర్ చైనాలో ఇప్పటికే మేలో లాంచ్ అయింది.
ఒప్పో ప్యాడ్ ఎయిర్ ధర (అంచనా)
చైనాలో ఈ ట్యాబ్లెట్ మూడు వేరియంట్లలో లాంచ్ అయింది. వీటిలో ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ మోడల్ ధర 1,299 యువాన్లుగా (సుమారు రూ.15,100) నిర్ణయించారు. ఇక 8 జీబీ ర్యామ్ + 256 జీబీ స్టోరేజ్ వేరియంట్ ధర 1,899 యువాన్లుగా (సుమారు రూ.22,070) ఉంది. మిర్రర్ బ్లాక్, ఫాగ్ బ్లూ రంగుల్లో ఈ ట్యాబ్లెట్ కొనుగోలు చేయవచ్చు. మనదేశంలో దీని ధర రూ.17 వేల రేంజ్ నుంచి ప్రారంభం అయ్యే అవకాశం ఉంది.
ఒప్పో ప్యాడ్ ఎయిర్ స్పెసిఫికేషన్లు (అంచనా)
ఈ ట్యాబ్లెట్ చైనా వేరియంట్ ఆండ్రాయిడ్ 12 ఆపరేటింగ్ సిస్టంపై పనిచేయనుంది. ఇందులో 10.36 అంగుళాల 2కే డిస్‌ప్లేను అందించారు. దీని స్క్రీన్ రిఫ్రెష్ రేట్ 60 హెర్ట్జ్‌గా ఉంది. ఆక్టాకోర్ క్వాల్‌కాం స్నాప్‌డ్రాగన్ 680 ప్రాసెసర్‌పై ఈ ట్యాబ్లెట్ పనిచేయనుంది. 6 జీబీ వరకు ర్యామ్‌ను ఇందులో అందించారు.
ట్యాబ్లెట్ వెనకవైపు 8 మెగాపిక్సెల్ కెమెరాను, ముందువైపు 5 మెగాపిక్సెల్ కెమెరాను అందించారు. 128 జీబీ ఇన్‌బిల్ట్ స్టోరేజ్ కూడా ఇందులో ఉంది. స్టోరేజ్‌ను మైక్రో ఎస్‌డీ కార్డు ద్వారా 512 జీబీ వరకు పెంచుకోవచ్చు. యూఎస్‌బీ ఓటీజీని కూడా ఇది సపోర్ట్ చేయనుంది.
డాల్బీ అట్మాస్‌ను ఈ ట్యాబ్ సపోర్ట్ చేయనుంది. దీని బ్యాటరీ సామర్థ్యం 7100 ఎంఏహెచ్‌గా ఉంది. 18W ఫాస్ట్ చార్జింగ్‌ను ఇది సపోర్ట్ చేయనుంది. వైఫై 5, బ్లూటూత్ వీ5.1, యూఎస్‌బీ టైప్-సీ పోర్టు వంటి ఫీచర్లు కూడా ఇందులో ఉన్నాయి. దీని మందం 0.69 సెంటీమీటర్లు కాగా... బరువు 440 గ్రాములుగా ఉంది.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!