హానర్ వాచ్ జీఎస్ 3 స్మార్ట్ వాచ్ మనదేశంలో లాంచ్ అయింది. ఇందులో 1.43 అంగుళాల అమోఎల్ఈడీ డిస్‌ప్లేను అందించారు. 100 స్పోర్ట్స్ మోడ్స్, 451 ఎంఏహెచ్ బ్యాటరీ వంటి ఫీచర్లు ఇందులో ఉన్నాయి. అపోలో 4 ప్రాసెసర్‌పై ఈ వాచ్ పనిచేయనుంది.
హానర్ వాచ్ జీఎస్ 3 ధర
దీని ధరను రూ.12,999గా నిర్ణయించారు. అమెజాన్‌లో దీని సేల్ ప్రారంభం కానుంది. ఓషన్ బ్లూ, మిడ్‌నైట్ బ్లాక్, క్లాసిక్ గోల్డ్ కలర్ ఆప్షన్లలో ఈ వాచ్‌ను కొనుగోలు చేయవచ్చు.
హానర్ వాచ్ జీఎస్ 3 స్పెసిఫికేషన్లు
ఇందులో 1.43 అంగుళాల డిస్‌ప్లేను అందించారు. దీని స్క్రీన్ రిజల్యూషన్ 466×466 పిక్సెల్స్‌గా ఉంది. అమోఎల్ఈడీ డిస్‌ప్లేను ఇందులో అందించడం విశేషం. 316ఎస్ స్టెయిన్‌లెస్ స్టీల్ బాడీ, 3డీ కర్వ్‌డ్ గ్లాస్‌తో దీన్ని రూపొందించారు.
ఈ వాచ్‌లో 1000కి పైగా డిజైన్లు ఉన్న వాచ్ ఫేసెస్ ఉండటం విశేషం. అపోలో 4 చిప్‌సెట్‌ను కంపెనీ ఇందులో అందించింది. 100 వర్కవుట్ మోడ్స్ ఈ వాచ్‌లో ఉన్నాయి. 10 ప్రొఫెషనల్ స్పోర్ట్స్ మోడ్స్ కూడా అందించారు.
లైట్ఓఎస్ ఆపరేటింగ్ సిస్టంపై ఈ వాచ్ పనిచేయనుంది. బిల్ట్ ఇన్ జీపీఎల్, డ్యూయల్ ఫ్రీక్వెన్సీ పొజిషనింగ్ అందించారు. హార్ట్ మానిటరింగ్, బ్లడ్ ఆక్సిజన్ మానిటరింగ్, స్లీప్ మానిటరింగ్‌లు కూడా ఈ వాచ్‌లో ఉన్నాయి.
దీని బ్యాటరీ సామర్థ్యం 451 ఎంఏహెచ్‌గా ఉంది. 14 రోజుల బ్యాటరీ లైఫ్‌ను ఇది అందించనుంది. జీపీఎస్ మోడ్‌లో ఉండే 30 గంటల పాటు పనిచేయనుంది. ఐదు నిమిషాలు చార్జ్ చేస్తే ఒక రోజు ఉపయోగించవచ్చు. బ్లూటూత్ వీ5.0 కనెక్టివిటీని ఇందులో అందించారు. ఆండ్రాయిడ్, ఐవోఎస్‌లను ఇది సపోర్ట్ చేయనుంది. దీని బరువు కేవలం 44 గ్రాములు మాత్రమే.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!