Apple Event Live Updates: యాపిల్ ఈవెంట్ ముగిసింది - ఏమేం లాంచ్ అయ్యాయంటే?

టెక్ ప్రపంచం మొత్తం ఎంతో ఆసక్తిగా ఎదురు చూస్తున్న పీక్ పెర్ఫార్మెన్స్ ఈవెంట్ త్వరలో ప్రారంభం కానుంది.

09/03/2022 00:40:55

ముగిసిన ఈవెంట్

మ్యాక్ స్టూడియోతో యాపిల్ తన ఈవెంట్‌ను ముగించింది. 

09/03/2022 00:37:08

మ్యాక్‌తో ధరల మోత - ఫీచర్లు కూడా ఆ రేంజ్‌లోనే!

యాపిల్ మ్యాక్ స్టూడియో ధర 1,999 డాలర్ల (సుమారు రూ.1,53,700) నుంచి ప్రారంభం కానుంది. ఇది ఎం1 మ్యాక్స్ + 32 జీబీ ర్యామ్ వేరియంట్ ధర. హైఎండ్ అయిన ఎం1 అల్ట్రా + 64 జీబీ ర్యామ్ వేరియంట్ ధర 3,999 డాలర్లుగా (సుమారు రూ.3,07,600) ఉంది. ఇక స్టూడియో డిస్‌ప్లే ధర 1,599 డాలర్ల (సుమారు రూ.1,23,000) నుంచి ప్రారంభం కానుంది.

09/03/2022 00:30:40

యాపిల్ కొత్త స్టూడియో వచ్చేసింది

యాపిల్ కొత్త మ్యాక్ మెషీన్‌ను లాంచ్ చేసింది. అదే మ్యాక్ స్టూడియో. ఇది మ్యాక్ మినీ కంటే పెద్దగా ఉండనుంది. ఇది ఒక హై పెర్ఫార్మెన్స్ డెస్క్‌టాప్. ఇది కిందవైపు 7.7 చదరపు అంగుళాలు ఉండనుంది. దీని ఎత్తు 3.7 అంగుళాలుగా ఉంది. దీంతోపాటు యాపిల్ స్టూడియో డిస్‌ప్లేను కూడా ప్రకటించింది. ఇది ఒక 27 అంగుళాల 5కే రెటీనా డిస్‌ప్లే ప్యానెల్. ఇందులో యాపిల్ ఏ13 ప్రాసెసర్ అందించారు. ఇందులో 12 మెగాపిక్సెల్ వెబ్ క్యాంను అందించారు. వైఫై 6, బ్లూటూత్ వీ5 కనెక్టివిటీ కూడా ఇందులో ఉన్నాయి.

09/03/2022 00:06:59

ఎం1 అల్ట్రా సూపర్ ఫాస్ట్ ప్రాసెసర్ వచ్చేసింది

యాపిల్ తన ఫ్లాగ్‌షిప్ ప్రాసెసర్ ఎం1 అల్ట్రా చిప్‌సెట్‌ను లాంచ్ చేసింది. రెండు ఎం1 మ్యాక్స్ ప్రాసెసర్లతో దీన్ని రూపొందించారు. ఎం1 ప్రాసెసర్ కంటే ఎనిమిది రెట్లు వేగంగా ఇది పని చేయనుంది.

09/03/2022 00:03:00

కొత్త ఐప్యాడ్ ఎయిర్ వచ్చేసింది

యాపిల్ ఐదో తరం ఐప్యాడ్ ఎయిర్‌ను లాంచ్ చేసింది. ఇందులో ఎం1 చిప్‌ను అందించారు. ఇందులో రెండో తరం యాపిల్ పెన్సిల్‌ను అందించారు. దీని ధర 599 డాలర్ల (సుమారు రూ.46,000) నుంచి ప్రారంభం కానుంది. 

08/03/2022 23:51:36

అంచనాలు తలకిందులు చేసిన యాపిల్ - ఐఫోన్ ఎస్ఈ ధర ఎంతంటే?

ఐఫోన్ ఎస్ఈ ధరను యాపిల్ 429 డాలర్లుగా (సుమారు రూ.33,000) నిర్ణయించింది. మనదేశంలో సుమారు రూ.37 వేల రేంజ్‌లో ఈ ఫోన్ లాంచ్ అయ్యే అవకాశం ఉంది.

08/03/2022 23:49:13

ఐఫోన్ ఎస్ఈ వచ్చేసింది

యాపిల్ లేటెస్ట్ ఐఫోన్ ఎస్ఈలో ఏ15 బయోనిక్ చిప్‌ను అందించనున్నారు. ఈ చిప్‌సెట్‌ను ఐఫోన్ 13 సిరీస్‌లో కూడా అందించారు. ఐవోఎస్ 15 ఆపరేటింగ్ సిస్టం ఇందులో ఉండనుంది.

08/03/2022 23:43:42

మోస్ట్ అవైటెడ్ ఐఫోన్ ఎస్ఈ వచ్చేసింది

యాపిల్ అత్యంత చవకైన ఐఫోన్ ఎస్ఈని ఇప్పుడు ప్రకటిస్తున్నారు.

08/03/2022 23:42:25

ఐఫోన్ 13 సిరీస్ కొత్త లుక్‌లో

ఐఫోన్ 13, ఐఫోన్ 13 ప్రోల్లో ఆల్పైన్ గ్రే కలర్ వేరియంట్‌ను యాపిల్ లాంచ్ చేసింది.

08/03/2022 23:38:39

ఓటీటీతో ఓపెనింగ్

యాపిల్ ఓటీటీ ప్లాట్‌ఫాం యాపిల్ టీవీ ప్లస్‌కు సంబంధించిన సినిమాలు, టీవీ సిరీస్‌లుకు సంబంధించిన ప్రకటనలతో యాపిల్ ఈవెంట్‌ను ప్రారంభించింది.

08/03/2022 23:30:06

ఈవెంట్‌కు టిమ్ కుక్ వెల్‌కం

08/03/2022 21:49:09

ఈవెంట్‌కు సిద్ధం కండి

Background

Apple Event 2022: యాపిల్ ‘పీక్ పెర్ఫార్మెన్స్ ఈవెంట్’ త్వరలో అమెరికాలో ప్రారంభం కానుంది. ఈ కార్యక్రమంలో ఐఫోన్ ఎస్ఈ 3 5జీ, కొత్త ఐప్యాడ్ ఎయిర్, మ్యాక్‌బుక్ ల్యాప్‌టాప్‌లు, మ్యాక్ మినీ, మ్యాక్ స్టూడియో, 7కే యాపిల్ స్టూడియో లాంచ్ కానున్నట్లు సమాచారం. దీంతోపాటు ఎం2 సిలికాన్ చిప్‌ను కూడా కంపెనీ లాంచ్ చేసే అవకాశం ఉంది. కొత్త మ్యాక్‌బుక్ ఎయిర్, మ్యాక్‌బుక్ ప్రో మోడల్స్ కూడా ఇందులో లాంచ్ అయ్యే అవకాశం ఉంది. ఐఫోన్ 13 సిరీస్‌లో గ్రీన్ కలర్ వేరియంట్, ఐప్యాడ్ ఈ ఎయిర్‌లో పర్పుల్ కలర్ వేరియంట్ కూడా ఈ ఈవెంట్‌లో లాంచ్ అయ్యే అవకాశం ఉంది.

యాపిల్ పీక్ పెర్ఫార్మెన్స్ ఈవెంట్: లైవ్ చూడటం ఎలా?
ఈ పీక్ పెర్ఫార్మెన్స్ ఈవెంట్ మార్చి 8వ తేదీన ఉదయం 10 గంటలకు (మనదేశ కాలమానం ప్రకారం రాత్రి 11:30 గంటలకు) జరగనుంది. కింద ఉన్న యూట్యూబ్ లింకులో ఈ ఈవెంట్ లైవ్ చూడవచ్చు.

ఈ ఈవెంట్‌లో ఏం లాంచ్ కానున్నాయి?
యాపిల్ ఈవెంట్ గురించి అందరూ ఎక్కువ మాట్లాడుకుంటోంది కొత్త ఐఫోన్ ఎస్ఈ గురించే. ఐఫోన్ ఎస్ఈ 3, ఐఫోన్ ఎస్ఈ (2022), ఐఫోన్ ఎస్ఈ+ 5జీ లేదా 5జీ ఐఫోన్ ఎస్ఈ పేర్లతో ఈ ఫోన్ లాంచ్ అయ్యే అవకాశం ఉంది. ఇందులో 5జీ కనెక్టివిటీ ఉండనుంది. యాపిల్ ఏ15 బయోనిక్ ప్రాసెసర్‌ను కంపెనీ ఇందులో అందించే అవకాశం ఉంది. ఈ ఫోన్ ధర 300 డాలర్లలోపే (సుమారు రూ.23,000) ఉండనుందని తెలుస్తోంది.

దీంతోపాటు యాపిల్ ఐదో తరం ఐప్యాడ్ ఎయిర్‌ను కూడా లాంచ్ చేయనుంది. కొత్త ఐప్యాడ్‌లో 5జీ కనెక్టివిటీ కూడా ఉండనుంది. ఇందులో యాపిల్ ఏ15 బయోనిక్ చిప్‌ను అందించే అవకాశం ఉంది. ఇందులో అప్‌డేట్ చేసిన 12 మెగాపిక్సెల్ కెమెరా ఉండనుందని తెలుస్తోంది. యాపిల్ దీని ధరను 599 డాలర్లుగా (సుమారు రూ.46,000) నిర్ణయించే అవకాశం ఉంది.

యాపిల్ ఎం2, ఎం1 ప్రో, ఎం1 మ్యాక్స్, ఎం1 మ్యాక్స్ (సూపర్ పవర్డ్ వెర్షన్) ఉండే అవకాశం ఉంది. కొత్త మ్యాక్‌బుక్ ప్రో, మ్యాక్‌బుక్ ఎయిర్‌లు ఎం2 ప్రాసెసర్‌తో లాంచ్ అయ్యే అవకాశం ఉంది. ఎం1 ప్రో, ఎం1 మ్యాక్స్ వేరియంట్లతో ఐమ్యాక్ ప్రో కూడా లాంచ్ అయ్యే అవకాశం ఉంది. త్వరలో రానున్న మ్యాక్ మినీలో ఎం2, ఎం1 ప్రో ప్రాసెసర్ ఆప్షన్లు ఉండనున్నాయి.

మ్యాక్ స్టూడియోను కూడా యాపిల్ ఈ ఈవెంట్లో లాంచ్ చేసే అవకాశం ఉంది. దీన్ని మొదట యూట్యూబర్ లూక్ మియనీ షేర్ చేశారు. దీని డిజైన్ గతంలో లాంచ్ అయిన మ్యాక్ మినీ తరహాలో ఉండనుంది. అయితే గతంలో లాంచ్ అయిన మ్యాక్ మినీ 1.4 అంగుళాల పొడవు ఉండగా... ఇది నాలుగు అంగుళాలు పొడవు ఉండనున్నట్లు తెలుస్తోంది.