టోక్యో పారాలింపిక్స్ లో భారత్ సత్తా చాటుతోంది. పురుషుల డిస్కస్ త్రో లో 19.91 మీటర్లు విసిరి వినోద్ కుమార్ కాంస్య పతకం సాధించాడు. ఈ మెడల్ తో భారత్ ఖాతాలో మూడు పతకాలు చేరాయి.
మరిన్ని విజయాలు..
టోక్యో పారాలింపిక్స్ 2020లో పురుషుల డిస్కస్ త్రోలో కాంస్య పతకం సాధించిన వినోద్ కుమార్ కు అభినందనలు. ఆయన విజయం దేశయువతకు గర్వకారణం. భవిష్యత్తులో వినోద్ కుమార్ మరిన్ని విజయాలు సాధించాలని శుభాకాంక్షలు తెలియజేస్తున్నాను. - వెంకయ్య నాయుడు, ఉపరాష్ట్రపతి
ఒకే రోజు మూడు పతకాలు సాధించడంపై ఉపరాష్ట్రపతి వెంకయ్య నాయుడు, ప్రధాని నరేంద్ర మోదీ హర్షం వ్యక్తం చేశారు.
నేడు మూడు పతకాలు..
ఈ రోజు భారత్ ఖాతాలో మొత్తం మూడు పతకాలు చేరాయి. ఈరోజు ఉదయం భారత్.. టేబుల్ టెన్నిస్ లో సిల్వర్ మెడల్ సాధించింది. ఆ తర్వాత హై జంప్ లో నిషాద్ కుమార్ రజతం గెలిచాడు. వినోద్ కుమార్.. డిస్కస్ త్రోలో కాంస్య పతకం గెలిచాడు.