IPL 2023, SRH: ఐపీఎల్ 16వ సీజన్ కోసం వేలం జరిగింది. ఈ వేలంలో అతిపెద్ద పర్సుతో దిగిన సన్‌రైజర్స్ హైదరాబాద్ తమ జట్టుకు కొత్త కెప్టెన్ కోసం వెతికింది. సన్‌రైజర్స్‌ను తర్వాతి సీజన్‌లో మయాంక్ అగర్వాల్ నడిపిస్తాడని గతంలో వార్తలు వచ్చాయి. కానీ ఇప్పుడు దక్షిణాఫ్రికా ఆటగాడు ఎయిడెన్ మార్క్రమ్‌కు ఈ బాధ్యతలు దక్కుతాయని తెలుస్తోంది.
దక్షిణాఫ్రికా టీ20 లీగ్‌లో సన్‌రైజర్స్ ఈస్టర్న్ కేప్ ట్విట్టర్‌లో ఒక ఫోటోను షేర్ చేశారు. దీంట్లో అనుభవజ్ఞుడైన ఆఫ్రికన్ స్టార్ ప్లేయర్ ఎయిడెన్ మార్క్రమ్‌ను కెప్టెన్‌గా అభివర్ణించారు. 'కెప్టెన్ మార్క్రమ్ త్వరలో వస్తున్నాడు.' అని రాశారు. ఈ పోస్ట్ తర్వాత, ఇండియన్ ప్రీమియర్ లీగ్‌లో హైదరాబాద్ జట్టుకు నాయకత్వం వహిస్తున్న ఎయిడెన్ మార్క్రమ్‌ను కూడా చూడవచ్చు అని ఊహాగానాలు వస్తున్నాయి.
భువీ, అగర్వాల్ కూడా రేసులో
కెప్టెన్సీ సన్‌రైజర్స్ హైదరాబాద్ కెప్టెన్సీ రేసులో భారత జట్టు స్వింగ్ కింగ్ భువనేశ్వర్ కుమార్ పేరు కూడా ఉన్నాడు. అనేక సందర్భాల్లో అతను రైజర్స్‌కు నాయకత్వం వహించారు. అదే సమయంలో సన్‌రైజర్స్ హైదరాబాద్ వేలంలో మయాంక్ అగర్వాల్‌ను కొనుగోలు చేసింది. అతను జట్టుకు కెప్టెన్‌గా కూడా వ్యవహరించగలడు. ఈ ఏడాది వేలంలో సన్‌రైజర్స్ హైదరాబాద్ ఇంగ్లండ్ బ్యాట్స్‌మెన్ హ్యారీ బ్రూక్‌ను రూ.13.25 కోట్లకు, మయాంక్ అగర్వాల్‌ను రూ.8.25 కోట్లకు కొనుగోలు చేశారు
ఐపీఎల్ జట్లు, వాటి కెప్టెన్లు
రాయల్ ఛాలెంజర్స్ బెంగళూరు - ఫాఫ్ డు ప్లెసిస్
చెన్నై సూపర్ కింగ్స్ - మహేంద్ర సింగ్ ధోని
కోల్‌కతా నైట్ రైడర్స్ - శ్రేయాస్ అయ్యర్
పంజాబ్ కింగ్స్ - శిఖర్ ధావన్
ఢిల్లీ క్యాపిటల్స్ - రిషబ్ పంత్
రాజస్థాన్ రాయల్స్ - సంజు శామ్సన్
ముంబై ఇండియన్స్ - రోహిత్ శర్మ
లక్నో సూపర్ జెయింట్స్ - కేఎల్ రాహుల్
గుజరాత్ టైటాన్స్ - హార్దిక్ పాండ్యా